Imisebenti yebaPhostoli 8:27 - Siswati 1996 Bible

²⁷ Wasukuma, wahamba. Bheka, wabona umTopiya labengumtsenwa, asiphatsimandla saKhandase, indlovukazi yaseTopiya, abebalulekile futsi angumgcinisikhwama sendlovukazi; abephuma eJerusalema kuyawudvumisa Nkulunkulu,

Imisebenti yebaPhostoli 8:27 Referencias Cruzadas

1 Emakhosi 10:1

Indlovukazi yaseSheba yatsi kube ive ngeludvumo lwaSolomoni mayelana neLibito laSimakadze, yeta yatakumvivinya ngekumbuta imibuto lelukhuni.

Tihlabelelo 68:29

ngesikhatsi usethempelini lakho, eJerusalema, emakhosi atakuletsela tipho takho khona.

Tihlabelelo 68:31

Emancusa ayawuvela eGibhithe, naKushe atinikele kuNkulunkulu.

Tihlabelelo 87:4

“Ngibala iRahabi neBhabhulona, emkhatsini walabo labangatiko. Yebo, emaFilisti, nebaseThire, nebaseKushe, bonkhe labo bantfu batalelwa eSiyoni.”

Isaya 18:7

Ngaleso sikhatsi tipho tiyakwetfulwa kuSimakadze longuSomandla, letiphuma esiveni lesibantfu baso babadze, kantsi banesikhumba semtimba lesibusheleleti, sive lesesatjwa kuyo yonkhe indzawo, sive lesineluchweba nelulwimi lolungatiwa, sive lesilive laso lehlukaniswe ngimifula. Letipho tiyawumikiswa entsabeni iSiyoni, indzawo yeLibito laSimakadze longuSomandla.

Isaya 43:6

Ngiyawukhuluma nenyakatfo ngitsi: ‘Bakhulule,’ neningizimu ngikhulume kuyo ngitsi: ‘Ungabagodli.’ Buyisani emadvodzana ami kusukela khashane, nemadvodzakati ami kusukela emikhawulweni yemhlaba,

Isaya 45:14

Naku lokushiwo nguSimakadze, utsi: “Umkhicito waseGibhithe nalokuhwebiwe kwaseKushe, kanye nalawo maSeba, bantfu labadze, kuyawuta kuwe kube kwakho, Siyoni, bayawuhamba badzembuluka emvakwakho, bete kuwe baboshwe ngetinketane. Bayawukhotsama embikwakho bakuncenge, batsi: ‘Ngempela Nkulunkulu unani, futsi kute lomunye, kute lomunye Nkulunkulu.’ ”

Isaya 60:3

Tive tiyawusondzela ekukhanyeni kwakho nemakhosi ete ebukhatikhatini bekusa kwakho.

Isaya 60:6

Imihlambi yemakamela iyawugcwala eveni lakho, emakamela lamancane akaMidiyani newase-Efa. Bonkhe baseSheba bayawuta, betfwele igolide nemphepho, bamemetela ludvumo lwaSimakadze.

Isaya 66:19

“Ngiyawubeka sibonakaliso emkhatsini wabo, bese ngitfumela labanye balabo labaphephile etiveni: eThashishi, nakumaLibhiya, nemaLudi, labadvume ngekuba banembi ngebutjoki, naseThubhali, naseGrisi, nasetichingini letikhashane letingazange setive ngeludvumo lwami nome tibone bukhosi bami. Bayawumemetela bukhosi bami kubetive.

Jeremiya 13:23

UmTopiya angasigucula yini sikhumba sakhe nome ingwe emabala ayo? Nani ningeke nikwente lokuhle, ngobe senetayele kwenta lokubi.

Jeremiya 38:7

Kodvwa Ebedi Meleki, umKushe, labengumtsenwa esigodlweni senkhosi, weva kutsi Jeremiya sebamfake kulomgodzi. Kwatsi inkhosi isehleti eSangweni lakaBhenjamini,

Jeremiya 39:16

“Hamba utjele Ebedi Meleki, umKushe, utsi: ‘Naku lokushiwo nguSimakadze longuSomandla, Nkulunkulu wema-Israyeli, utsi: Sengitawugcwalisa emavi ami lamelana nalelidolobha ngitakuwagcwalisa ngesigameko, hhayi ngalokuhle. Ngaleso sikhatsi ayawugcwaliseka embikwemehlo akho.

Zefaniya 3:10

“Kusukela ngesheya kwemifula yaseKushe tikhonti tami, bantfu bami labasakatekile, bayawungiletsela iminikelo.

Matewu 12:42

Indlovukazi yaseningizimu iyawusukuma kanye nalesitukulwane ekwehlulelweni, isilahle, ngobe yesuka emikhawulweni yemhlaba yatawulalela kuhlakanipha kwaSolomoni; ase nibuke-ke, ngobe lapha kukhona lomkhulu kunaSolomoni!”

Johane 12:20

Bekukhona nemaGriki latsite emkhatsini walabo lababetewudvumisa kulowo mkhosi.

Imisebenti yebaPhostoli 8:28

asabuyela ekhaya agibele inkalishi abefundza encwadzini yemphrofethi Isaya.

Dutheronomi 30:13

Futsi awukho ngesheya kwelwandle, kutsi seningaze nibute nitsi: ‘Ngubani lotakwewela lolwandle ayewusitsatsela asichazele wona, kuze siwulalele siwuhloniphe?’

KumaHebheru 11:8

Ngekukholwa Abrahama walalela, nakabitwa nguNkulunkulu kutsi aye endzaweni labetawunikwa yona ibe lifa lakhe; waphuma, wahamba, angati lapho aya khona.