Imisebenti yebaPhostoli 8:1 - Siswati 1996 Bible

¹ Sawula abevumelene nabo kutsi abulawe loStefano. Ngalo lelo langa libandla laseJerusalema lacala lahlupheka ngekutingelwa kabuhlungu. Onkhe emakholwa, ngaphandle kwebaphostoli, asakateka netigodzi tonkhe taseJudiya naseSamariya.

Imisebenti yebaPhostoli 8:1 Referencias Cruzadas

Nehemiya 6:3

Ngako ngatfumela titfunywa kubo nemphendvulo leyayitsi: “Ngibhekene nemsebenti lomkhulu lapha, ngingeke ngikhone kwehla. Lomsebenti utawuyekelelwani, ngesikhatsi ngehla ngita lapho kini?”

Danyela 6:10

Watsi kube Danyela eve kutsi sekubhalwe lomtsetfosimemetelo, wahamba waya ekhaya lakhe ekamelweni lelisetulu, lapho emafasitelo akhona abevulekela ngaseJerusalema. Abeguca ngemadvolo katsatfu ngelilanga, athandaze, abonga Nkulunkulu wakhe, njengobe abevame kwenta ngaphambili.

Danyela 6:23

Inkhosi yajabula kakhulu, yatfumela kutsi kuyewukhishwa Danyela emgodzini wemabhubesi. Danyela watsi nasakhishwe emgodzini wemabhubesi, kwangete kwatfolakala ngisho nemyocu emtimbeni wakhe, ngobe abemetsembile Nkulunkulu wakhe.

Matewu 22:6

Letinye timenywa tabamba letisebenti, tatiphatsa dlephu, tatishaya, tatibulala.

Matewu 23:34

Ngako nginitjela kutsi: Ngiyawunitfumelela baphrofethi, netati, nebafundzisi. Labanye babo niyawubabulala, nibabetsele etiphambanweni, labanye nibabhambabule emasinagogeni enu. Niyawubatingela emadolobha ngemadolobha;

Matewu 5:13

“Nine niluswayi lwelive, kodvwa nangabe luswayi selulahlekelwe bunandzi balo, pho, lobunandzi balo bungabuyiselwa njani? Alusenamsebenti walutfo, kuphela nje kutsi lulahlwe ngephandle, lunyatselwe ngetinyawo.

Johane 15:20

Khumbulani livi lenganitjela lona kutsi: ‘Kute sisebenti lesikhulu kunemcashi waso.’ Nangabe mine bangihlupha, nani futsi bayawunihlupha; nangabe bawagcina emavi ami, newenu bayakuwagcina.

Johane 16:2

Bayakunincuma emasinagogeni. Yebo, sikhatsi siyeta, lapho bayawunibulala, bacabange kutsi basebentela Nkulunkulu.

Imisebenti yebaPhostoli 1:8

Kodvwa nine nitawugcwaliswa ngemandla, nasefikile kini Moya Longcwele, niyawuba bofakazi bami eJerusalema, naseJudiya lonkhe, naseSamariya, kuze kube ngusekugcineni kwemhlaba.”

Imisebenti yebaPhostoli 13:1

Ebandleni lase-Antiyokhi kwakunebaphrofethi nebafundzisi: Bhanabasi, naSimeyoni (lobitwa ngekutsi Mnyama), naLusiyusi waseSirene, naManayeni lowakhula naHerodi, umbusi, naSawula.

Imisebenti yebaPhostoli 13:36

“Phela Davide wenta intsandvo yaNkulunkulu ngesikhatsi sekuphila kwakhe; wase uyafa, wembelwa eceleni kwabokhokho bakhe, wabola;

Imisebenti yebaPhostoli 2:47

badvumisa Nkulunkulu, babetsandzeka kubo bonkhe bantfu. Onkhe emalanga iNkhosi yayibengetela ngalabo babesindziswa.

Imisebenti yebaPhostoli 22:20

Nangesikhatsi kubulawa Stefano, fakazi wakho, nami matfupha ngangikhona lapho, ngibambisene nalabo babulali bakhe ngekutsi ngibaphatsele timphahla tabo.’

Imisebenti yebaPhostoli 26:10

Ngavele ngakwenta loko eJerusalema. Nganikwa baphristi labakhulu emandla neligunya lekubabopha ngibafake ejele bonkhe labangcwele, sasitsi sijubo selicala singaba yintsambo nami ngisisekele ngevoti.

Imisebenti yebaPhostoli 5:18

Bababopha baphostoli, babafaka ejele,

Imisebenti yebaPhostoli 5:20

“Hambani niye ethempelini, nitjele bantfu bonkhe ngalemphilo lensha.”

Imisebenti yebaPhostoli 5:33

Batsi nabakuva loko, batfukutsela kakhulu, bancuma kutsi babulawe.

Imisebenti yebaPhostoli 5:40

Base bangenisa baphostoli, babashaya babayala futsi kutsi bangaphindzi bakhulume ngelibito laJesu, base bayabakhulula.

Imisebenti yebaPhostoli 7:38

“Nguye labehlangene nebantfu baka-Israyeli ehlane; abelapho nabokhokho betfu kanye nengilosi leyakhuluma kuye eNtsabeni yaseSinayi; wemukela emavi laphilako aNkulunkulu kuze awendlulisele kitsi.

Imisebenti yebaPhostoli 7:54

Liqoqo letiphatsimandla lisalalele Stefano latfukutsela kakhulu, lacucudza imihlatsi.

Imisebenti yebaPhostoli 7:58

bamhudvulela ngephandle kwelidolobha, bamgcoba ngematje. Bofakazi babeka timphahla tabo phansi kutsi tigadvwe lijaha lelalibitwa ngekutsi nguSawula.

Imisebenti yebaPhostoli 8:14

Baphostoli eJerusalema beva kutsi bantfu baseSamariya balemukele livi laNkulunkulu; ngako batfumela boPhetro naJohane kubo.

Imisebenti yebaPhostoli 8:2

Lamanye emadvodza lakholwako asingcwaba sidvumbu saStefano; akhala kakhulu amlilela.

Imisebenti yebaPhostoli 8:4

Lamakholwa lasakateka kuto tonkhe tindzawo, abehamba alishumayela lelivi.

Imisebenti yebaPhostoli 8:5

Filiphu waya edolobheni laseSamariya ayawushumayela ngaloKhristu kubantfu bakhona.

Imisebenti yebaPhostoli 9:31

Ngako-ke libandla kulo lonkhe laseJudiya naseGalile naseSamariya laba nesikhatsi sekuthula. Lakhiwa, lakhula ngebunyenti ngekusitwa nguMoya Longcwele liphila imphilo yekwesaba iNkhosi.

KubaseRoma 1:32

Bayawati umtsetfo waNkulunkulu lotsi bantfu labenta tintfo letinje bafanele kufa, kepha bona abagcini ngekutenta kuphela kodvwa besuka bavumelana nalabo labatentako.

KubaseFiliphi 1:12

Ngitsandza kutsi nati, bazalwane, kutsi loko lokwangehlela kugcine sekuvete kuchubeka kweliVangeli.

KumaHebheru 11:27

Ngekukholwa Mosi wesuka eGibhithe, angesabi kutfukutsela kwenkhosi yakhona; wacinisela kwaba shangatsi uyambona longabonwa.