Imisebenti yebaPhostoli 7:56 - Siswati 1996 Bible

⁵⁶ Watsi: “Ase nibuke! Ngibona lizulu livulekile neNdvodzana yeMuntfu ime ngesandleni sekudla saNkulunkulu.”

Imisebenti yebaPhostoli 7:56 Referencias Cruzadas

Hezekeli 1:1

Ngemnyaka wema-30, enyangeni yesine, ngelilanga lesihlanu, ngangisesemkhatsini walababetfunjiwe, ngasemfuleni iKhebari, kwavuleka emazulu, ngabona imibono yaNkulunkulu.

Matewu 25:31

“INdvodzana yeMuntfu nayita ngenkhatimulo yayo netingilosi tayo tonkhe, iyawuhlala esihlalweni sayo sebukhosi,

Matewu 3:16

Jesu watsi kube abhajatiswe, asakhuphukile emantini, kwavuleka lizulu, kwabonakala Moya waNkulunkulu anjengelituba, ehlela etikwakhe.

Matewu 8:20

Jesu wamphendvula watsi: “Timphungutja tinemigodzi, netinyoni tinetidleke, kodvwa iNdvodzana yeMuntfu ite indzawo yekulala iphumule.”

Makho 1:10

Watsi uyaphuma nje Jesu emantini, wabona lizulu livuleka naMoya Longcwele ehlela etikwakhe anjengelituba.

Lukha 3:21

Kwatsi nase babhajatiswe bonkhe, kwase kubhajatiswa naJesu. Watsi asathandaza kwavuleka lizulu,

Johane 1:51

Wase utsi kuye: “Ngicinisile, ngicinisile, ngitsi kini: Nitawubona lizulu livulekile netingilosi taNkulunkulu tehla tenyuka etikweNdvodzana yeMuntfu.”

Imisebenti yebaPhostoli 10:11

Wabona lizulu livulekile kwehla intfo leyayifana nendvwangu lenkhulu kusengatsi ilengiswe ngemakona ayo omane yehliselwa emhlabeni,

Imisebenti yebaPhostoli 10:16

Loku kwenteka katsatfu; kwase kuyatsatfwa kubuyela ezulwini.

Imisebenti yebaPhostoli 7:57

Bamemeta kakhulukati bavala tindlebe tabo, bamtselekela bonkhe kanyekanye,

Sembulo 11:19

Kwavuleka lithempeli laNkulunkulu ezulwini, kwabonakala libhokisi lesivumelwane lingekhatsi kwelithempeli lakhe. Kwaba nemibane, nemisindvo lemikhulu, nekudvuma, nekutamatama kwemhlaba, nesangcotfo lesikhulu.

Sembulo 19:11

Ngase ngibona lizulu livulekile, bekunelihhashi lelimhlophe. Lona bekaligibele abebitwa ngekutsi nguLotsembekile naLiciniso; umsulwa ekwehluleleni kwakhe nasekulweni kwakhe.

Sembulo 4:1

Emvakwaloko ngatsi ngiyabuka, ngabona umnyango uvuliwe ezulwini. Livi lekucala lengaliva likhuluma kimi lalifanana nelelicilongo, latsi: “Yenyukela la, ngitakukhombisa loko lokufanele kwenteke emvakwaloku.”