Imisebenti yebaPhostoli 7:46 - Siswati 1996 Bible

⁴⁶ Davide watsandzeka kuNkulunkulu, wase ucela kuNkulunkulu kutsi amvumele kube amakhele indlu leyawusetjentiswa titukulwane taJakobe,

Imisebenti yebaPhostoli 7:46 Referencias Cruzadas

2 Samuweli 6:21

Davide wamphendvula watsi: “Bengigcabashula embikwaSimakadze lona lowakhetsa mine kuneyihlo, nakubo bonkhe bantfu basendlini kakhe, mzukwane angigcoba kutsi ngibe ngumholi etikwesive saSimakadze, ema-Israyeli. Ngisetawugiya embikwaSimakadze.

Tihlabelelo 132:11

Simakadze wafunga kuDavide, wenta sifungo langeke ajike kuso, watsi: “Lomunye wemadvodzana akho ngiyawumenta abe yinkhosi emvakwakho.

Imisebenti yebaPhostoli 13:22

Nkulunkulu asamkhiphile wabeka Davide, waba yinkhosi yabo. Nkulunkulu wafakaza kahle ngaye nakatsi: ‘Ngitfole kutsi Davide, indvodzana yaJese, ungumuntfu wenhlitiyo yami, umuntfu lotakwenta konkhe lengifuna kutsi akwente.’

1 Samuweli 13:14

Kodvwa manje umbuso wakho ungeke usakhonsa; Simakadze sewutifunele indvodza yenhlitiyo yakhe, wayibeka kutsi ibe ngumholi walesive sakhe, ngobe wena awukawugcini umyalo wakhe.”

1 Samuweli 15:28

Samuweli wakhuluma kuye watsi: “Simakadze sewuwuklebhulile umbuso wema-Israyeli kuwe, kusukela lamuhla, sewuwuniketele kulomunye wabomakhelwane bakho; yebo, uwuniketele kuloncono kunawe.

1 Samuweli 16:1

Simakadze wakhuluma kuSamuweli, watsi: “Utamkhalela kuze kube ngunini Sawula, ngobe sengimalile kutsi abe yinkhosi yema-Israyeli? Gcwalisa luphondvo lwakho ngemafutsa, ungenele indlela yakho. Ngikutfuma endlini yakaJese waseBhetlehema, ngobe ngitikhetsele lomunye wemadvodzana akhe kutsi abe yinkhosi.”