Imisebenti yebaPhostoli 7:38 - Siswati 1996 Bible

³⁸ “Nguye labehlangene nebantfu baka-Israyeli ehlane; abelapho nabokhokho betfu kanye nengilosi leyakhuluma kuye eNtsabeni yaseSinayi; wemukela emavi laphilako aNkulunkulu kuze awendlulisele kitsi.

Imisebenti yebaPhostoli 7:38 Referencias Cruzadas

Isaya 63:9

Kuko konkhe kukhatsateka kwabo naye abekhatsatekile, ingilosi yebukhona bakhe yabasindzisa, ngelutsandvo lwakhe nangemusa wakhe wabahlenga. Wabatsatsa wabetfwala kuwo onkhe emalanga akadzeni.

Johane 1:17

Umtsetfo waniketwa ngaMosi; umusa neliciniso kwavela ngaJesu Khristu.

Johane 6:63

Lokunika imphilo nguMoya; inyama ayinamsebenti; emavi lengiwakhuluma kini anguMoya, futsi akuphila.

Imisebenti yebaPhostoli 7:30

“Ngemuva kweminyaka lengema-40, ingilosi yatibonakalisa kuMosi isemalangabini esihlahla lesasivutsa ehlane madvutane neNtsaba yaseSinayi.

Imisebenti yebaPhostoli 7:35

“Nguye loMosi lowaliwa bantfu baka-Israyeli labambuta batsi: ‘Ngubani losakwente umbusi nemehluleli etikwetfu?’ Nguye lowatfunywa nguNkulunkulu kutsi abe ngumbusi nemkhululi, ngekusitwa yingilosi layibona esihlahleni lesasivutsa umlilo.

Imisebenti yebaPhostoli 7:53

Ningibo labemukela umtsetfo waNkulunkulu, lowendluliselwa tingilosi kini, nawo anizange seniwulalele!”

KubaseRoma 3:2

Vele kusita ngalokuphelele. Kwekucala Nkulunkulu emavi akhe wawaphatsisa emaJuda.

KubaseRoma 9:4

Ema-Israyeli sive saNkulunkulu lasenta emadvodzana akhe. Wawanika sabelo ebukhosini bakhe, watenta nawo tivumelwane, wawanika umtsetfo, nendlela lengiyo yekukhonta ethempelini, wabapha netetsembiso.

KubaseGalathiya 3:19

Pho, umtsetfo wawudzingeke ngani? Wengetelwa kubonakalisa kutsi siyini sono, kudzimate kufike lowo lesasicondziswe kuye setsembiso labeyintalo ya-Abrahama. Umtsetfo waletfwa tingilosi ngesandla semlamuli.

Dutheronomi 33:4

umtsetfo lesawunikwa nguMosi, lifa lesive sakaJakobe.

KumaHebheru 2:2

Livi lelamenyetelwa tingilosi laciniseka; nako konkhe lokubi nekungalaleli kwakujeziswa ngalokufanele.

KumaHebheru 4:12

Livi laNkulunkulu liphilile, linemandla; likhalipha kwengca inkemba lesika ngetinhlangotsi totimbili. Lisika lidzimate lehlukanise umphefumulo nemoya, emalunga nemnkantja, lehlulele imicabango netifiso tenhlitiyo.

KumaHebheru 5:12

Bekufanele kutsi ngabe senibafundzisi nyalo, kodvwa nisadzinga lotanifundzisa, nicalele phansi etinyatselweni tekucala temfundziso yelivi laNkulunkulu. Solo nidzinga lubisi, hhayi kudla lokucinile.

1 yaPhetro 4:11

Nangabe umuntfu akhuluma, akakhulume ngekwemavi aNkulunkulu; nangabe umuntfu akhonta, akakhonte ngemandla lawanikwa nguNkulunkulu, kuze kutsi kuko konkhe kudvunyiswe Nkulunkulu ngaJesu Khristu, lekukuye bukhosi nemandla phakadze naphakadze. Amen.