Imisebenti yebaPhostoli 7:30 - Siswati 1996 Bible

³⁰ “Ngemuva kweminyaka lengema-40, ingilosi yatibonakalisa kuMosi isemalangabini esihlahla lesasivutsa ehlane madvutane neNtsaba yaseSinayi.

Imisebenti yebaPhostoli 7:30 Referencias Cruzadas

1 Emakhosi 19:8

Ngako wavuka, wadla, wanatsa; loko kwamnika emandla ekuhamba emalanga langema-40 nebusuku lobungema-40, waze wefika eNtsabeni yaNkulunkulu, eSinayi.

Tihlabelelo 66:12

Wenta kutsi bantfu bagibele etikwetinhloko tetfu, sangena emlilweni nasemantini, wabuye wasikhuphulela enaleni.

Eksodusi 3:6

NginguNkulunkulu wabokhokho bakho: Nkulunkulu wa-Abrahama, naNkulunkulu wa-Isaka, naNkulunkulu waJakobe.” Mosi wambonya buso bakhe, ngobe esaba kubukana naNkulunkulu.

Eksodusi 7:7

Mosi abesaneminyaka lengema-80, kantsi Aroni abesaneminyaka lengema-83, nabakhulumisana naFaro.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Isaya 63:9

Kuko konkhe kukhatsateka kwabo naye abekhatsatekile, ingilosi yebukhona bakhe yabasindzisa, ngelutsandvo lwakhe nangemusa wakhe wabahlenga. Wabatsatsa wabetfwala kuwo onkhe emalanga akadzeni.

Danyela 3:27

kwatsi mpu kubo baholi, netindvuna, nebabusi, netati, basondzela kubo bababunganyela. Babona kutsi lomlilo awuzange ubatsintse emitimbeni yabo, ngisho nalunye nje lunwele lwetinhloko tabo aluzange seluhashuke; imijiva yabo ayizange ishe, babenganuki ngisho neliphungana nje lemlilo imbala.

Malakhi 3:1

“Bukani la, ngiyawutfumela sitfunywa sami, lesiyawulungisa indlela embikwami. Masinyane loSimakadze lenimfunako uyakuta ethempelini lakhe. Yebo, sitfunywa sesivumelwane lenisifisako siyawufika,” kusho Simakadze longuSomandla.

Makho 12:26

Kona-ke macondzana nekuvuka kulabafile anifundzanga yini encwadzini yaMosi endzabeni yesihlahla lesasivutsa emalangabi, kutsi Nkulunkulu watsini kuye? Watsi: ‘NginguNkulunkulu wa-Abrahama, naNkulunkulu wa-Isaka, naNkulunkulu waJakobe.’

Lukha 20:37

Kodvwa ngekuvuka kwalabafile naMosi uyakucinisa loko nasencwadzini lekhuluma ngesihlahla lesasivutsa emalangabi lapho abita iNkhosi ngekutsi Nkulunkulu wa-Abrahama, naNkulunkulu wa-Isaka, naNkulunkulu waJakobe.

Imisebenti yebaPhostoli 7:17

“Kwatsi nase sisondzele sikhatsi sekugcwaliseka kwesetsembiso Nkulunkulu lasenta ku-Abrahama, sive sakitsi sandza kakhulu saba sinyenti eGibhithe.

Imisebenti yebaPhostoli 7:31

Mosi wamangala ngaloko lakubona, asasondzele madvutane kuyawubukisisa lesihlahla lesasivutsa weva livi leNkhosi litsi:

Imisebenti yebaPhostoli 7:32

‘NginguNkulunkulu wabokhokho bakho, Nkulunkulu wabo-Abrahama, na-Isaka, naJakobe.’ Mosi wavevetela entiwa kwesaba, wehluleka nekusibukisisa kahle.

Imisebenti yebaPhostoli 7:35

“Nguye loMosi lowaliwa bantfu baka-Israyeli labambuta batsi: ‘Ngubani losakwente umbusi nemehluleli etikwetfu?’ Nguye lowatfunywa nguNkulunkulu kutsi abe ngumbusi nemkhululi, ngekusitwa yingilosi layibona esihlahleni lesasivutsa umlilo.

KubaseGalathiya 4:25

Hagari umele iNtsaba yaseSinayi lese-Arabiya. Ufanekisa iJerusalema yanyalo legcilateke kanye nebantfwabayo.

Dutheronomi 33:16

Akalibusise ngetipho letikhetsekile temhlaba, nangekugcwala kwawo. Akalibusise nangekutsandzeka kulowo lohlala esihlahleni lesivutsako. Sibusiso asehlele etikwenhloko yaJosefa, yebo, etikwelibunti lakhe lowo lowehlukaniswa nabomnakabo.

Dutheronomi 4:20

Kodvwa nine, Simakadze wanikhipha eGibhithe, emlilweni lomkhulu loncibilikisa insimbi, kutsi nitekuba sive lesilifa lakhe, njengobe senaba ngilo nje.