Imisebenti yebaPhostoli 7:25 - Siswati 1996 Bible

²⁵ Abecabanga kutsi emaJuda, bantfu bakubo, abetakubona kutsi Nkulunkulu utawusebentisa yena ekuwakhululeni kulobugcili; kodvwa wona akakubonanga loko.

Imisebenti yebaPhostoli 7:25 Referencias Cruzadas

2 Emakhosi 5:1

Namani abeyindvuna yelibutfo lenkhosi yaseSiriya. Abengumuntfu lomkhulu kabi enkhosini yakhe, futsi ahlonishwa kakhulu, ngobe ngaye Simakadze wanika iSiriya kuncoba. Abelichawe lelinesibindzi, kodvwa abenebulephelo.

Tihlabelelo 106:7

Ngesikhatsi bokhokho baseseGibhithe abazange bacaphele timangaliso takho, futsi abazange bakhumbule bunyenti betento takho temusa, kodvwa bakuhlubuka ngaseLwandle Lolubovu.

Eksodusi 2:12

Mosi wacalata ngala nangala, watsi kube abone kutsi kute lombonako, wabulala lomGibhithe; wammbela esihlabatsini.

Makho 9:32

Kodvwa abazange bayive leyo nkhulumo, besaba nekumbuta.

Lukha 18:34

Bafundzi bakhe abazange beve kutsi ucondze kutsini, ngobe inchazelo yalamavi akhe yayifihlekile kubo, bebangati kutsi Jesu ukhuluma ngani.

Lukha 9:45

Kodvwa abazange bayive lenkhulumo kutsi isho kutsini, ngobe beyifihlakele kubo futsi ingevakali, kantsi babesaba nekumbuta ngalendzaba.

Imisebenti yebaPhostoli 14:27

Lapho sebefike e-Antiyokhi babutsela bantfu belibandla ndzawonye babatjela konkhe Nkulunkulu labekusebentile ngabo, nekutsi nebetive ubavulele indlela yekukholwa.

Imisebenti yebaPhostoli 15:4

Kwatsi nabefika eJerusalema, bemukelwa libandla, nebaphostoli, nebabonisi, babatjela ngako konkhe Nkulunkulu lakusebente ngabo.

Imisebenti yebaPhostoli 15:7

Emvakwemphikiswano lendze Phetro wasukuma watsi: “Bazalwane bami, niyati kutsi sekusikhatsi lesidze lesendlulile Nkulunkulu angikhetsa emkhatsini wenu kube ngishumayele liVangeli kubetive, khona batewuva bakholwe.

Imisebenti yebaPhostoli 21:19

Pawula wababingelela wase ubanika umbiko lophelele mayelana nemsebenti lowentiwe nguNkulunkulu kubantfu betive ngaye.

Imisebenti yebaPhostoli 7:24

Wabona lomunye wabo ashaywa ngumGibhithe; wase uvikela lowakubo, wamkhiphela sibhongo ngekubulala lomGibhithe.

Imisebenti yebaPhostoli 7:26

Ngakusasa wabona ema-Israyeli lamabili alwa, wetama kuwalamula. Watsi kubo: ‘Madvodza, lalelani la, nine nibandzawonye, nibangani?’

KubaseRoma 15:18

Ngobe ngiyawubate sibindzi sekukhuluma lutfo lolunye ngaphandle kwaleto tintfo Khristu latente ngami. Khristu wasebenta ngemavi ami nangetento tami, kuze betive bamlalele;

1 kubaseKorinthe 15:10

Kepha ngemusa waNkulunkulu nginguloku lengingiko, nemusa wakhe kimi awuzange ube lite, kodvwa ngasebenta kakhulu kunabo bonkhe, noko kungesimi, kodvwa kungumusa waNkulunkulu lonami.

1 kubaseKorinthe 3:9

Ngobe tsine sitisebenti nje taNkulunkulu letibambisene naye, nine niyinsimi yakhe. Nine futsi niyindlu yaNkulunkulu.

2 kubaseKorinthe 6:1

Njengobe sibambisene naNkulunkulu emsebentini wakhe, siyanincenga sitsi: Yemukelani umusa waNkulunkulu, ningawenti lite.

KubaseKholose 1:29

Ngisebentela loko ngishikashikeka ngekusebenta kwakhe, lokusebenta ngemandla kimi.

Tikhulu 15:12

Akhuluma kuSamsoni atsi: “Sitele kutakukubopha bese sikuniketela kumaFilisti.” Samsoni watsi: “Fungani kimi kutsi ningeke ningibulale nine lucobo.”

1 Samuweli 14:45

Kodvwa lamadvodza akhuluma kuSawula, atsi: “Jonathani sekufanele afe, yena lona losindzise sive sema-Israyeli kangaka? Cha, ngeke! Setsembisa ngaSimakadze kutsi kute ngisho nelunwele lwenhloko yakhe lolutakuwela phansi emhlabatsini, ngobe loku lakwente lamuhla uphumelele ngekusitwa nguNkulunkulu.” Lamadvodza amsindzisa Jonathani, akazange abulawe.

1 Samuweli 19:5

Watsatsa kuphila kwakhe wakuphatsa ngesandla sakhe, nakabulala lomFilisti. Simakadze waba nekuncoba lokukhulu ancobela sive sema-Israyeli, nawe futsi wakubona loko wajabula. Pho, ufunelani kubulala Davide ngaphandle kwesono?”