Imisebenti yebaPhostoli 7:2 - Siswati 1996 Bible

² Stefano waphendvula watsi: “Bazalwane, nani bobabe, lalelani kimi! Nkulunkulu weludvumo wabonakala kukhokho wetfu Abrahama asahlala eMesophothamiya, asengakatfutsi kuyakwakha eHarani,

Imisebenti yebaPhostoli 7:2 Referencias Cruzadas

Genesisi 11:31

Thera watsatsa Abrama, indvodzana yakhe, naLoti, umtukulu wakhe umsa waHarani, namalukatana wakhe Sarayi, labengumka-Abrama, umsa wakhe, wahamba nabo esuka e-Uri yemaKhaledi, bacondze eveni laseKhenani. Batsi kube befike eHarani, bakha khona.

Genesisi 12:1

Simakadze watsi ku-Abrama: “Phuma eveni lakini, nasetihlotjeni takho, nasemndenini weyihlo, uye eveni lengitakukhombisa lona.

Genesisi 12:5

Abrama watsatsa Sarayi, umkakhe, naLoti, indvodzana yemnakabo, netimphahla tabo labesebatigcogcile, netisebenti labesebatitfole eHarani; bahamba nato baya eveni laseKhenani. Batsi kube befike eveni laseKhenani,

Genesisi 15:7

Watsi kuye: “NginguSimakadze lowakukhipa e-Uri yemaKhaledi, kutsi ngitekupha lelive libe lakho.”

Genesisi 29:4

Jakobe wabuta labelusi watsi: “Ye bomnaketfu, niphumaphi?” Bamphendvula batsi: “Siphuma kaHarani.”

Nehemiya 9:7

“Wena unguSimakadze Nkulunkulu, lowakhetsa Abrama, wamkhipha e-Uri yemaKhaledi, wametsa libito watsi ngu-Abrahama.

Tihlabelelo 24:10

Ngubani yona leNkhosi yeludvumo? Nguye Nkulunkulu longuSomandla, nguye loyiNkhosi yeludvumo. Cabanga.

Tihlabelelo 24:7

Nine masango, vulekani! Nani minyango yasemandvulo vulekani nitsi nge, kuze iNkhosi yeludvumo itewungena.

Tihlabelelo 29:3

Liphimbo laSimakadze lisetikwemanti, Nkulunkulu weludvumo uyadvuma, Simakadze usetikwemanti lamanyenti.

Isaya 37:12

Labonkulunkulu betive letabhujiswa bobabemkhulu, batikhulula yini letive tabo, bonkulunkulu baseGozani, nebaseHarani, nebaseResefu kanye nebebantfu base-Edeni lababeseThelasari?

Isaya 51:2

bukani ku-Abrahama, uyihlo, nibuke nakuSara lowanitala. Ngesikhatsi nangimbita abesemunye kuphela, ngambusisa, ngamenta waba mnyenti.

Isaya 6:3

Abememetana odvwana, ngulelo nalelo litsi: “Ungcwele, ungcwele, ungcwele, Simakadze longuSomandla! Umhlaba wonkhe ugcwele bukhosi bakhe.”

Matewu 6:13

Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’

Lukha 2:14

“Akube bukhosi kuNkulunkulu kulelisetulu kakhulu nekuthula emhlabeni kubantfu labatfokotelwa nguye!”

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 12:41

Isaya wakusho loko ngobe wabona inkhatimulo yeNkhosi, wase ukhuluma ngayo.

Imisebenti yebaPhostoli 22:1

“Madvodza, bazalwane, nani bobabe, ase ningilalele sengibeke emavi ekutivikela embikwenu.”

Imisebenti yebaPhostoli 23:7

Watsi kube asho njalo, baFarisi nebaSadusi bacala baphikisana bodvwana, umhlangano wehlukana ekhatsi.

Imisebenti yebaPhostoli 7:1

UmPhristi Lomkhulu wabuta Stefano watsi: “Ngabe kunjalo yini?”

1 kubaseKorinthe 2:8

Ayatiwa ngisho nangumunye webaholi balesikhatsi salamuhla. Ngobe kube bebayati ngabe abayibetselanga iNkhosi yenkhatimulo.

Kubase-Efesu 1:17

Nkulunkulu weNkhosi yetfu Jesu Khristu, uYise lonebukhosi, aniphe umoya wekuhlakanipha nekwembulelwa ekumatini Yena.

kuThithusi 2:13

ngesikhatsi sisabheke kugcwaliseka kwelitsemba lelibusisekile, kubonakala kwenkhatimulo yebukhosi baNkulunkulu lomkhulu, uMsindzisi wetfu Khristu Jesu.

KumaHebheru 1:3

LeNdvodzana ibonakalisa bukhosi nebunjalo bonkhe baNkulunkulu. Isimise indalo yonkhe ngelivi layo lelinemandla. Yatsi kube yente intsetselelo yetono tebantfu, yahlala ezulwini ngesekudla saNkulunkulu Somandla.

KumaHebheru 11:8

Ngekukholwa Abrahama walalela, nakabitwa nguNkulunkulu kutsi aye endzaweni labetawunikwa yona ibe lifa lakhe; waphuma, wahamba, angati lapho aya khona.

YaJakobe 2:1

Bazalwane bami, nine lenikholwa yiNkhosi yetfu yenkhatimulo, Jesu Khristu, ningabobakhetsa bantfu.

Joshuwa 24:2

Joshuwa wakhuluma kuso sonkhe lesive, watsi: “Naku-ke lokushiwo nguSimakadze Nkulunkulu wema-Israyeli, utsi: ‘Kadzeni, bokhokho benu, kanye naThera, uyise wa-Abrahama naNahori, babehlala ngesheya kweMfula, bakhonta labanye bonkulunkulu.

Sembulo 4:11

“Ufanele wena, Nkulunkulu, loyiNkhosi yetfu, kutsi wemukele bukhosi, neludvumo, nemandla, ngobe konkhe kwadalwa nguwe. Konkhe kwenteka ngentsandvo yakho, kwadalwa ngayo.”