Imisebenti yebaPhostoli 6:3 - Siswati 1996 Bible

³ Ngako-ke, bazalwane, khetsani emkhatsini wenu emadvodza lasikhombisa leniwatiko kutsi aneludvumo loluhle nalagcwele Moya Longcwele nekuhlakanipha, ngawo-ke lesitakuwanika aphatse lomsebenti.

Imisebenti yebaPhostoli 6:3 Referencias Cruzadas

Eksodusi 18:21

Ngetulu kwaloko khetsa emadvodza lafanele, naletsembekile, lesaba Nkulunkulu, nalengatsengeki, uwabeke abe baholi: betinkhulungwane, nebemakhulu, nebema-50, nebemashumi.

Isaya 28:26

Nkulunkulu wakhe uyamtjela amfundzise indlela lelungile.

Isaya 28:6

Uyawuba ngumoya wemtsetfocotfo kulowo lohlalela kwehlulela, abe sisusa semandla kulabo labajikisa imphi esangweni.

Matewu 23:8

Kepha nine ningabobitwa ngumuntfu ngekutsi: ‘Mfundisi,’ ngobe nonkhe nibazalwane, munye uMfundzisi wenu.

Johane 21:23

Ngako kwabe sekwandza inkhulumo emkhatsini webafundzi baJesu kutsi lomfundzi angeke afe. Kodvwa Jesu abengazange asasho kutsi lomfundzi angeke afe; watsi: “Nangifuna kutsi aphile, ngidzimate ngibuye, kukuhlupha ngani wena loko?”

Imisebenti yebaPhostoli 1:15

Kulawo malanga kusahlangene emakholwa labengaba li-120 asawonkhe, Phetro wasukuma watsi:

Imisebenti yebaPhostoli 1:21

“Ngako-ke kufanele kukhetfwe lomunye walamadvodza besishuca nawo sehla senyuka sisenaJesu iNkhosi,

Imisebenti yebaPhostoli 10:22

Baphendvula batsi: “Khoneliyuse, indvuna yelibutfo, usitfumile. Uyindvodza lelungile naleyesaba Nkulunkulu, futsi uhlonishwa ngiso sonkhe sive semaJuda. Watjelwa yingilosi lengcwele kutsi akumeme ute emtini wakhe, kuze atewuva emavi akho.”

Imisebenti yebaPhostoli 15:23

Kwatfunyelwa ngabo incwadzi leyayitsi: “Yemukelani nanso incwadzi levela kubaphostoli nebazalwane labababonisi lababingelela bazalwane betive ngekutalwa, labahlala edolobheni lase-Antiyokhi nasetifundzeni taseSiriya naseSilisiya.

Imisebenti yebaPhostoli 16:2

Bazalwane baseListra nase-Ikhoniyumi babemncoma Thimothi;

Imisebenti yebaPhostoli 2:4

Bonkhe bagcwaliswa ngaMoya Longcwele; base bakhuluma ngaletinye tilimi, njengobe Moya wabapha kuphumisela.

Imisebenti yebaPhostoli 22:12

Kwakukhona indvodza, leyayingu-Ananiyase libito layo; yayikholwa, iwuhlonipha umtsetfo yatiswa ngiwo onkhe emaJuda labehlala eDamaseko,

Imisebenti yebaPhostoli 28:14

Sakhandza bazalwane, basicela kutsi sihlale nabo liviki, sahlala; sabe sesendlulela eRoma.

Imisebenti yebaPhostoli 6:2

Ngako-ke baphostoli labali-12 babita umhlangano, bahlanganisa sonkhe sicumbi sebafundzi batsi: “Akukafaneli kutsi tsine siyekele kushumayela livi laNkulunkulu bese siyawuphatsa timali.

Imisebenti yebaPhostoli 6:5

Bonkhe bantfu basijabulela lesincomo sebaphostoli; ngako bakhetsa Stefano, indvodza leyayigcwele kukholwa naMoya Longcwele, naFiliphu, naPhrokhorusi, naNikhano, naThimoni, naPhamenasi, kanye naNikholawusi wase-Antiyokhi, yena-ke abengewetive, kodvwa abephendvukele enkholweni yebuJuda.

Imisebenti yebaPhostoli 6:6

Lesicumbi sabaletsa kubaphostoli, babathandazela bababeka tandla.

Imisebenti yebaPhostoli 9:30

Kwatsi bazalwane nabakhandza tintfo time kanje, bamtsatsa Sawula bamyisa eKhesariya bamtfumela eThasusi.

1 kubaseKorinthe 12:8

Lomunye uphiwa ngaMoya livi lekuhlakanipha, kepha lomunye livi lekwati, ngaye yena lowo Moya,

1 kubaseKorinthe 16:3

Nase ngifikile, labo lenibakhetsile ngitawubatfumela kanye netincwadzi tekubetfula, bamikise letipho tenu telutsandvo eJerusalema.

Kubase-Efesu 5:18

Ningadzakwa, ngobe kuvela kuko inkhanuko, kodvwa gcwaliswani ngaMoya.

Dutheronomi 1:13

Khetsani emadvodza lahlakaniphile, nalanekucondza, nalatiwako kuleso nakuleso sive, ngitawube sengiyawabeka kutsi anengamele.’

1 kuThimothi 5:10

Kufanele atiwe ngetento takhe letinhle, njengemuntfu lowake wondla wakhulisa bantfwana, waphatsa kahle tihambi, wageza tinyawo talabangcwele, wasita labahluphekile, futsi kufanele abe ngulabetinikele kwenta lokuhle nome ngayiphi indlela.

YaJakobe 1:17

Tonkhe tipho letinhle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucugucuka, njengobe tona tigucuka, tibohle tisishiya ebumnyameni.

3 yaJohane 1:12

Demetriyusi unconywa ngibo bonkhe bantfu, ngisho neliciniso imbala liyamncoma; natsi siyamfakazela, futsi nawe uyati kutsi bufakazi betfu buliciniso.