Imisebenti yebaPhostoli 5:9 - Siswati 1996 Bible

⁹ Phetro watsi kuye: “Hhawu, nitimiseleleni nalendvodza yakho ngekulinga Moya weNkhosi? Lamajaha labengcwaba indvodza yakho asalapha emnyango, lo ngikhuluma nje nawe, atakutfwala akukhiphele ngephandle.”

Imisebenti yebaPhostoli 5:9 Referencias Cruzadas

Genesisi 20:13

Nkulunkulu nangikhipha endlini yababe kutsi ngizulazule, ngatsi kuSara: ‘Naku-ke lengicela ungentele kona: Yonkhe indzawo lapho sifika khona, ubobatjela ngami utsi: “Ungumnaketfu.” ’ ”

2 Emakhosi 6:32

Ngaleso sikhatsi Elisha abehleti endlini kakhe akanye nebaholi lababemvakashele. Inkhosi yase ikhipha sigijimi kutsi silandze Elisha. Kodvwa satsi sisengakefiki, Elisha wakhuluma kulabaholi, watsi: “Aniboni-ke kutsi lelijabhane selisitfumele sigijimi salo kutsi sitengijuba inhloko? Bukani la; nasifika lesigijimi lapha, nibovala sivalo, nisicindzetele ningasivuleli. Inkhosi itabe isilandzela etincatseni.”

Tihlabelelo 50:18

Utsi ungabona lisela, ube ngematse nelulwimi nalo, umdzibi ndzawonye netiphingi.

Tihlabelelo 78:56

Noko bamlinga bamhlubuka Nkulunkulu Losetikwako Konkhe, bangete bayigcina imiyalo yakhe.

Eksodusi 17:2

Ngako-ke sive sasola Mosi satsi: “Siphe emanti ekunatsa.” Mosi wabaphendvula watsi: “Ningilwiselani? Nimlingelani Simakadze?”

Eksodusi 17:7

Lendzawo wayetsa libito watsi “yiMasa neMeribha”, ngobe ema-Israyeli alwa, alinga Simakadze ngesikhatsi atsi: “Simakadze usenatsi yini nome cha?”

Taga 11:21

Kuliciniso kutsi bantfu lababi bayawujeziswa; kodvwa bantfu labalungile bayawusindza.

Taga 16:5

Umuntfu lotiphakamisako usinengiso kuSimakadze; nome kanjani uyawujeziswa.

Mikha 7:3

Bonkhe batingcweti ekwenteni lokubi. Tiphatsimandla nebehluleli bacela kudizelwa. Umuntfu lomkhulu uvele atjele labantfu loko lakufunako, bese babopha lisu.

Numeri 14:22

kute nome munye walabantfu lababona inkhatimulo yami netibonakaliso letiyimimangaliso lengatenta eGibhithe nasehlane kodvwa bangete bangilalela, bangilinga emahlandla lalishumi,

Matewu 4:7

Jesu watsi kuye: “Kantsi kubhaliwe futsi nekutsi: “ ‘Ungaboyilinga iNkhosi, Nkulunkulu wakho!’ ”

Lukha 16:2

Sayibita lendvuna satsi: ‘Yini loku lengikuvako ngawe? Ngikhombise kutsi imphahla yami uyiphatsa kanjani, ngobe ungeke uchubeke ube yindvuna yami, nawuhamba ngalolunyawo!’

Imisebenti yebaPhostoli 15:10

Pho, nifunelani kulinga Nkulunkulu ngekubeka lijoko emahlombe emakholwa lokungazange bokhokho nome tsine sibe nemandla ekuletfwala?

Imisebenti yebaPhostoli 5:6

Emajaha aphutfuma, asisonga sidvumbu sakhe, asikhiphela ngephandle, asingcwaba.

KubaseRoma 10:15

Bangashumayela njani bangakatfunywa? Njengobe kubhaliwe kutsi: “Maye, tinhle tinyawo talabo labashumayela liVangeli.”

KubaseRoma 3:19

Siyati kutsi konkhe lokusemtsetfweni kucondzene nalabo labangephansi kwawo, khona kutewuvinjwa tonkhe taba tebantfu, nemhlaba wonkhe utfolakale unelicala kuNkulunkulu.

1 kubaseKorinthe 10:9

Futsi singayilingi iNkhosi njengalabanye babo labayilinga, babhujiswa tinyoka.