Imisebenti yebaPhostoli 5:4 - Siswati 1996 Bible

⁴ Ngaphambi kwekutsi uyitsengise lendzawo bekungesiyo yakho yini? Nasewuyitsengisile beyingekho yini emandleni akho? Pho, utimiseleleni enhlitiyweni yakho kwenta intfo lenje? Awukacali emanga kubantfu kodvwa kuNkulunkulu.”

Imisebenti yebaPhostoli 5:4 Referencias Cruzadas

1 Tikhronike 29:17

Ngiyati, Nkulunkulu wami, kutsi wena uvivinya inhlitiyo ujatjuliswe bucotfo. Tonkhe letintfo ngitinikele ngenhlitiyo levumako nangekwetsembeka. Manje sengibonile ngekujabula kutsi sive sakho lesikhona lapha sinikele kanjani ngenhlitiyo levumako kuwe.

1 Tikhronike 29:3

Ngetulu kwako konkhe loko, nami ngekutilahla kwami ematsambo senginikela ngegolide yami nesiliva yami kulomsebenti wekwakhiwa kwelithempeli laNkulunkulu wami; kantsi ngetulu kwako konkhe loko futsi sengilungisele lelithempeli lelingcwele:

1 Tikhronike 29:5

kanye nekwekwenta tintfo tegolide netesiliva kanye nekwekwenta tonkhe tintfo letitakwentiwa bantfu labanelikhono. Manje-ke ngubani lofuna kunikela kuSimakadze?”

1 Tikhronike 29:9

Sive sajabula kakhulu, nasibona baholi baso banikela ngenhlitiyo levumako, ngobe bebanikela ngenkhululeko nangenhlitiyo yabo yonkhe kuSimakadze. NaDavide, inkhosi, wajabula kakhulu.

Jobe 15:35

Labo bantfu bemitsa inhlupheko, bese batala bubi. Sisu sabo sitilungiselela njalo emacebo.”

Tihlabelelo 139:4

Livi litsi liselulwimini lwami, wena, Simakadze, ube sewulati ngalokuphelele.

Tihlabelelo 7:14

Asubuke nje kutsi lomubi unemhelo webubi, wemitsa kuganga, atale emanga.

Eksodusi 16:8

Mosi wachubeka watsi: “Simakadze utanipha inyama kusihlwa, ekuseni aniphe sinkhwa lesenele, ngobe sewukuvile kukhonona kwenu. Tsine siyini nje? Phela anikhononi ngatsi, kodvwa nikhonona ngaSimakadze.”

Eksodusi 35:29

Onkhe ema-Israyeli, labadvuna nalabasikati, lababenetinhlitiyo letivumako tekunikelela wonkhe lomsebenti, Simakadze labeyale Mosi kutsi awente, bakuletsa kuSimakadze, kwaba ngumnikelo wesihle.

Umshumayeli 5:5

Kuncono kutsi ungasenti setsembiso kunekutsi usente ungabe usasifeza.

Isaya 59:4

Kute kini lofuna umtsetfocotfo, kute lowehlulela ngebucotfo beliciniso. Bonkhe betsembele ekuphikisaneni kwelite, bakhuluma emanga, bemitsa inhlupho, batale bubi.

Hezekeli 38:10

“ ‘Naku lokushiwo yiNkhosi Simakadze, itsi: Ngalelo langa kuyawufika imizindlo engcondvweni yakho, uyawukwakha lisu lelibi.

Numeri 16:11

Kuphambene naSimakadze kutsi wena nalabalandzeli bakho nihlangane ngekududana kanje. Ngubani yena lo-Aroni kutsi ningemelana naye nine?”

Lukha 10:16

Wase utsi kubafundzi bakhe: “Lonilalelako, ulalela mine; longanemukeli, akemukeli mine; nalowo longangemukeli, akamemukeli nalowo longitfumile.”

Imisebenti yebaPhostoli 5:3

Phetro watsi kuyo: “Ananiyase, umvumeleleni Sathane kutsi abuse inhlitiyo yakho akwente ucale emanga kuMoya Longcwele ngekugodla incenye yalemali leyintsengo yalendzawo?

Imisebenti yebaPhostoli 5:9

Phetro watsi kuye: “Hhawu, nitimiseleleni nalendvodza yakho ngekulinga Moya weNkhosi? Lamajaha labengcwaba indvodza yakho asalapha emnyango, lo ngikhuluma nje nawe, atakutfwala akukhiphele ngephandle.”

1 kubaseKorinthe 8:8

Kepha kudla akusisondzeti kuNkulunkulu; ngobe nome singadli asilahlekelwa lutfo, nome sidla asibuyelwa lutfo.

1 kubaseThesalonika 4:8

Ngako-ke lomelana naloku, akamelani namuntfu, kodvwa umelene naNkulunkulu lonipha Moya wakhe Longcwele.

kuFilemoni 1:14

Noko angikatsandzi kwenta lutfo wena ungakavumi, kuze umusa ungayi ngekucindzetelwa, kodvwa usebente ngesihle.

YaJakobe 1:15

Nangabe inkhanuko seyitsatsile, itala sono; sono nase siphelele, sitala kufa.

1 Samuweli 8:7

Simakadze wakhuluma kuye, watsi: “Kulalele konkhe loko lokukhulunywa ngulesive kuwe; akusiwe labamlahlile, kodvwa sebalahle mine kutsi ngibe yinkhosi yabo.