Imisebenti yebaPhostoli 5:31 - Siswati 1996 Bible

³¹ Nkulunkulu wamenyusela ngasesandleni sakhe sekudla njengeMholi neMsindzisi, kuze anike bantfu baka-Israyeli litfuba lekuphendvuka, kutsetselelwe tono tabo.

Imisebenti yebaPhostoli 5:31 Referencias Cruzadas

Tihlabelelo 89:19

Endvulo wase wakhuluma embonweni, kuye lowetsembekile wakho, watsi: “Ngimsitile, ngambeka lolichawe, ngamphakamisa lotsandzekako wami.

Tihlabelelo 89:24

Kwetsembeka kwami nemusa wami kuyawuhlala naye; ngelibito lami kuyawuphakanyiswa luphondvo lwakhe.

Isaya 43:11

Mine, nginguye Simakadze, ngaphandle kwami kute umsindzisi.

Isaya 43:3

Ngobe mine nginguSimakadze Nkulunkulu wakho, Longcwele waka-Israyeli, uMsindzisi wakho, ngitawuhlawula ngelive laseGibhithe, ngishintjiselane iKushe neSheba ngawe.

Isaya 45:21

Shanoni loko lokutako, nikwetfule; abelulekane kanyekanye. Ngubani lowase wakhuluma ngaloku kungakenteki kadzeni, wakukhuluma kusesekhashane endvulo? Kwakungesimi yini, Simakadze? Futsi kute lomunye Nkulunkulu ngaphandle kwami, Nkulunkulu lolungile nalonguMsindzisi; kute lomunye ngaphandle kwami.

Isaya 49:26

Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Hezekeli 17:24

Tonkhe tihlahla tesiganga tiyawukwati kutsi mine Simakadze ngehlisa sihlahla lesidze, bese ngenta sihlahla lesifishane sikhule sibe sidze. Ngomisa sihlahla lesiluhlata, bese ngihlumisa sihlahla lesomile sibe luhlata. “ ‘Mine Simakadze sengikhulumile, futsi ngitawukwenta loko.’ ”

Hezekeli 34:24

Mine Simakadze ngiyawuba nguNkulunkulu wato, nenceku yami Davide abe yinkhosi emkhatsini wato. Mine, Simakadze, sengikhulumile.

Hezekeli 37:25

Bayawuhlala eveni lengalipha inceku yami Jakobe, live lapho kwakuhlala khona boyihlomkhulu. Bona kanye nebantfwababo, kanye nebantfwana bebantfwababo, bayawuhlala lapho phakadze naphakadze; naDavide, inceku yami, uyawuba yinkhosi yabo phakadze naphakadze.

Danyela 10:21

kodvwa ngitawucala ngikutjele kutsi kubhalweni encwadzini yeliciniso. Kute namunye longelekelelako kutsi emelane nato, ngaphandle kwaMikhayeli, inkhosi yenu.

Danyela 9:25

“Yati loku ukucondzisise: Kusukela ekumisweni kwesimiso sekutsi kubuye kuvuswe kabusha iJerusalema yakhiwe, kuze kufike umbusi Logcotjiwe, kuyawuba netikhatsi letisikhombisa netikhatsi letingema-62. Iyakwakhiwa kabusha netitaladi tayo, kumbiwe nemsele wayo, kodvwa kuyawube sekutikhatsi tenhlupheko.

Zakhariya 12:10

“Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.

Matewu 1:21

Mariya utakutala indvodzana uyetse libito utsi nguJesu, ngobe nguye loyakusindzisa bantfu bakhe etonweni tabo.”

Matewu 28:18

Jesu wasondzela kubo watsi: “Ngiphiwe emandla onkhe ezulwini nasemhlabeni.

Makho 2:10

Ngitanikhombisa-ke kutsi mine, Ndvodzana yeMuntfu, nginemandla ekutsetselela tono emhlabeni.” Wase utsi kulesigulane:

Makho 4:12

kuze kutsi: “ ‘Nome babona, bangakhanyelwa kahle, nome beva, bangacacelwa kahle, bangetiwuphendvuka babuyele kuNkulunkulu, batsetselelwe tono tabo.’ ”

Lukha 2:11

ngobe lamuhla nitalelwe emtini waDavide uMsindzisi longuKhristu iNkhosi.

Lukha 24:47

nekutsi egameni lakhe kumelwe kushunyayelwe etiveni tonkhe kuphendvuka kube kutsetselelwa kwetono, kucalwe eJerusalema.

Johane 4:42

Base batsi kulomfati: “Manje asisakholwa ngobe kushito wena, kodvwa ngobe natsi nje, matfupha, sesitivele futsi sesitibonele kutsi nguye ngempela uMsindzisi welive.”

Imisebenti yebaPhostoli 11:18

Batsi nabeva loko, babindza, base badvumisa Nkulunkulu batsi: “Nembala Nkulunkulu sewunike nebetive litfuba lekuphendvukela ekuphileni.”

Imisebenti yebaPhostoli 13:23

Entalweni yakhe Nkulunkulu waletsela ema-Israyeli uMsindzisi longuJesu njengobe abebatsembisile.

Imisebenti yebaPhostoli 2:33

Asaphakanyiselwe ngasesandleni sekudla saNkulunkulu wemukeliswa nguYise setsembiso lesinguMoya Longcwele lebesetsenjiswe Yena, wabuye wamtfululela kitsi. Ngiko loku lenikubonako nalenikuvako.

Imisebenti yebaPhostoli 2:36

“Bonkhe bantfu baka-Israyeli, kufanele bati kahle kutsi nguye yena loJesu, lenambetsela esiphambanweni, Nkulunkulu lasamente iNkhosi naKhristu!”

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 3:15

Ngako nabulala uMtfombo Wemphilo. Kodvwa Nkulunkulu wamvusa kulabafile, tsine-ke sibofakazi baloko.

Imisebenti yebaPhostoli 3:19

Ngako, phendvukani, nibuyele kuNkulunkulu, kuze esule licala letono tenu,

Imisebenti yebaPhostoli 3:26

Ngako Nkulunkulu wasikhetsa wasitfuma Sisebenti sakhe kini kucala kutenibusisa ngekunenta nonkhe niphendvuke nitishiye tindlela tenu tekonakala.”

Imisebenti yebaPhostoli 4:11

“Jesu nguye umBhalo lokhuluma ngaye kutsi: ‘Litje lenaledzelela, nine bakhi, selijike laba litje lesisekelo.’

2 kubaseKorinthe 2:10

Nome ngubani lenimtsetselelako, nami ngiyamtsetselela; ngobe mine nase ngitsetselele, ngisuke ngikwente ngempela, ngikwentele nine kube shangatsi ngusebukhoneni baKhristu.

Kubase-Efesu 1:7

Ngengati yaJesu sinekuhlengwa nekutsetselelwa kwetono, ngekwengcebo yemusa,

KubaseFiliphi 3:20

Kepha tsine likitsi lisezulwini, lapho silindzele khona kutsi kuvele uMsindzisi wetfu, iNkhosi Jesu Khristu.

KubaseKholose 1:14

Kuyo sinekuhlengwa, lokukutsetselelwa kwetono tetfu.

kuThithusi 1:4

Lencwadzi iya kuThithusi, umntfwanami weliciniso ngekukholwa. Akube kuwe umusa nekuthula lokuvela kuNkulunkulu, longuBabe, nakuKhristu Jesu, uMsindzisi wetfu.

kuThithusi 2:10

Tingebi, kodvwa tikhombise kwetsembeka kuko konkhe, kuze etintfweni tonkhe tihlobise imfundziso yaNkulunkulu uMsindzisi wetfu.

kuThithusi 2:13

ngesikhatsi sisabheke kugcwaliseka kwelitsemba lelibusisekile, kubonakala kwenkhatimulo yebukhosi baNkulunkulu lomkhulu, uMsindzisi wetfu Khristu Jesu.

KumaHebheru 12:2

emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.

KumaHebheru 2:10

Konkhe lokukhona kukhona kuye nangaye Nkulunkulu. Ngako-ke kwakuvele kumfanele kutsi yena ente Jesu apheleliswe ngekuhlupheka; wamenta waba ngumvuli wendlela yekusindziswa kwemadvodzana lamanyenti ngekuwaletsa ebukhosini.

1 yaPhetro 3:22

Yena sewahamba waya ezulwini, lapho asahleti khona ngesekudla saNkulunkulu; emagunya, nemandla, netingilosi sekwabekwa ngaphansi kwakhe loJesu.

2 yaPhetro 1:1

Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.

2 yaPhetro 1:11

kodvwa niyawunikwa lilungelo leliphelele lekungena embusweni waphakadze weNkhosi neMsindzisi wetfu Jesu Khristu.

2 yaPhetro 2:20

Ngobe nangabe kungcoliswa ngulomhlaba bakubalekele ngekwati iNkhosi lenguMsindzisi wetfu Jesu Khristu, baphindze behlulwa ngiko, sigcino sabo sibi kakhulu kunesicalo sabo.

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.

1 yaJohane 4:14

Tsine sitibonele, sifakaza kutsi uYise utfumele iNdvodzana yakhe kutsi itewuba nguMsindzisi welive.

YaJuda 1:25

yebo, kuNkulunkulu lokunguye yedvwa, uMsindzisi wetfu ngaJesu Khristu iNkhosi yetfu, akube ludvumo, nebukhosi, nemandla, neligunya, ngaphambi kwetikhatsi, manje, naphakadze. Amen.

Sembulo 1:5

nakuJesu Khristu, fakazi lowetsembekile, litubulo lalabafile nembusi wemakhosi onkhe emhlaba. Kuye, lositsandzako nalowasikhulula etonweni tetfu ngengati yakhe,