Imisebenti yebaPhostoli 5:24 - Siswati 1996 Bible

²⁴ Nasikuva loko siphatsimandla lesiphetse bogadzi belithempeli, nebaphristi labakhulu nabakuva loko, bamangala kutsi ngabe kwentekeni kubaphostoli.

Imisebenti yebaPhostoli 5:24 Referencias Cruzadas

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Lukha 22:4

Ngako wahamba wayawukhuluma nebaphristi labakhulu netindvuna tebalindzi belithempeli kutsi angabatsengisela kanjani loJesu.

Lukha 22:52

Jesu watsi kubaphristi labakhulu kanye netiphatsimandla tebalindzi belithempeli netibondza letatite kutembamba: “Niteleni la netinkemba netagila, kube sengatsi ngisigebengu?

Johane 12:19

Ngako baFarisi bakhuluma bodvwana batsi: “Niyabona yini kutsi shangatsi asenti lutfo; live lonkhe liyamlandzela lomuntfu!”

Imisebenti yebaPhostoli 2:12

Basamangele badzidzekile babutana bodvwana batsi: “Kusho kutsini loku?”

Imisebenti yebaPhostoli 4:1

Kwatsi boPhetro naJohane basakhuluma kubantfu, kwasondzela kubo baphristi, nemphatsi wabogadzi belithempeli, nebaSadusi.

Imisebenti yebaPhostoli 4:21

Liqoqo lelo labaficisisa kakhulu, lase liyabakhulula, ngobe alisitfolanga sizatfu sekubajezisa, ngobe bonkhe bantfu bebadvumisa Nkulunkulu ngaloko lebekwentekile.

Imisebenti yebaPhostoli 5:23

“Nasifika lapha ejele sikhandze likhiyiwe nabogadzi bagadze eminyango; kodvwa nasivula asikakhandzi muntfu ngekhatsi!”

Imisebenti yebaPhostoli 5:25

Basemangele kwefika indvodza yatsi kubo: “Lalelani la! Lamadvodza beniwafake ejele sikhuluma nje aphishekile afundzisa bantfu ethempelini.”

Imisebenti yebaPhostoli 5:26

Ngako lesiphatsimandla sahamba netinceku taso, sefike satsatsa baphostoli sababuyisa. Kodvwa ababaphocanga ngenkhani, ngobe babesaba kutsi bantfu babengahle babagcobe ngematje.