Imisebenti yebaPhostoli 3:16 - Siswati 1996 Bible

¹⁶ Ligama laJesu nekukholwa egameni lakhe lokucinise lendvodza leniyibonako naleniyatiko; nekukholwa lokungaJesu kunike imphilo lephelele kulomuntfu, njengobe nani nibona nje.

Imisebenti yebaPhostoli 3:16 Referencias Cruzadas

Matewu 14:29

Jesu watsi: “Kota!” Ngako Phetro wehla esikebheni waya kuJesu ahamba etikwemanti.

Matewu 9:22

Jesu wagucuka wambuka watsi: “Mani sibindzi, ndvodzakati, kukholwa kwakho kukuphilisile.” Kusukela kuleso sikhatsi lomfati waphila.

Johane 14:12

“Ngicinisile, ngicinisile, ngitsi kini: Lowo lokholwa ngimi uyawuyenta lemisebenti lengiyentako; yebo, uyakwenta nalengetulu kwalena, ngobe mine ngiya kuBabe.

Johane 7:23

Nangabe-ke umuntfu niyamsoka ngeliSabatha, kuze phela ningawephuli umtsetfo waMosi, pho, ningitfukutselelelani-ke mine nangiphilisa umuntfu ngeliSabatha?

Imisebenti yebaPhostoli 14:9

Yalalela emavi aboPawula. Pawula wabona kutsi iyakholwa kutsi ingaphiliswa, ngako-ke wayibukisisa,

Imisebenti yebaPhostoli 16:18

Loku wakwenta emalanga lamanyenti, kodvwa Pawula wacansuka waze wagucuka watsi kulomoya: “Ngiyakuyala ngelibito laJesu Khristu ngitsi: Phuma kuye!” Umoya lomubi waphuma kuye ngaleso sikhatsi.

Imisebenti yebaPhostoli 3:6

Phetro watsi kuyo: “Anginamali, kodvwa ngitakunika loko lenginako: Ngelibito laJesu Khristu waseNazaretha ngitsi kuwe: Sukuma uhambe!”

Imisebenti yebaPhostoli 3:8

Yesuka emankayi yaya etulu, yema ngetinyawo tayo, yahamba, yangena ethempelini kanye nabo, ihamba isuka emankayi idvumisa Nkulunkulu.

Imisebenti yebaPhostoli 4:10

kufanele nonkhe nati, nabo bonkhe bantfu baka-Israyeli bafanele bati, kutsi lomuntfu ume lapha embikwenu aphile saka ngemandla elibito laJesu Khristu waseNazaretha, lenambetsela, kodvwa Nkulunkulu wamvusa ekufeni.

Imisebenti yebaPhostoli 4:30

Yelula sandla sakho uphilise, uvume kutsi tibonakaliso netimangaliso tentiwe ngelibito leSisebenti sakho lesiNgcwele lesinguJesu.”

Imisebenti yebaPhostoli 4:7

Baphostoli babemisa embikwabo bababuta batsi: “Loku nikwente ngamaphi emandla nome ngaliphi ligama?”

KubaseRoma 3:22

Nkulunkulu wenta kutsi bonkhe labakholwako balungelane naye ngekukholwa kwabo nguJesu Khristu, bonkhe ngalokufananako.

1 kubaseKorinthe 13:2

Nome ngingaphrofetha ngati timfihlakalo tonkhe, nelwati lonkhe, nome nginekukholwa lokukhulu kangangekutsi ngingasusa tintsaba, kepha nangite lutsandvo, angisiyontfo yalutfo.

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.