Imisebenti yebaPhostoli 3:12 - Siswati 1996 Bible

¹² Nakabona labantfu Phetro, watsi kubo: “Madvodza aka-Israyeli, kunimangaliselani loku, nisigolotelelani kangaka? Nicabanga kutsi kungebungcwele betfu yini nome ngemandla etfu yini kutsi sente lomuntfu wahamba?

Imisebenti yebaPhostoli 3:12 Referencias Cruzadas

Genesisi 40:8

Bamphendvula batsi: “Sobabili sibhudzile, futsi kute nalongachaza kutsi asho kutsini lamaphupho etfu.” Josefa wabaphendvula watsi: “Kantsi tinchazelo temaphupho atiphumi kuNkulunkulu yini? Ase ningitjele kutsi nibhudzeni.”

Genesisi 41:16

Josefa waphendvula watsi: “Akusimi, nkhosi, kodvwa nguNkulunkulu lotawunika Faro inchazelo lengiyo.”

Johane 7:18

Lotikhulumela kwakhe ufuna ludvumo lwakhe, kepha lofuna ludvumo lwalowo lamtfumile, lowo ucinisile, futsi kute kungalungi kuye.

Imisebenti yebaPhostoli 13:26

“Bazalwane, ntalo ya-Abrahama, nani nonkhe lenimesabako Nkulunkulu, lelivi lensindziso litfunyelwe kitsi.

Imisebenti yebaPhostoli 2:22

“Madvodza aka-Israyeli, vanini lamavi! Jesu waseNazaretha abeyindvodza leyafakazelwa nguNkulunkulu embikwenu, ngemisebenti lemikhulu yemandla, nangetimangaliso kanye nangetibonakaliso letentiwa nguNkulunkulu ngaye; nani matfupha niyakwati loku, ngobe kwenteka emehlweni enu.

Imisebenti yebaPhostoli 3:11

Lendvodza yalandzela boPhetro naJohane, bonkhe bantfu bamangala bagijima baya endzaweni leyayibitwa ngekutsi: “NguMhubhe waSolomoni”.

Imisebenti yebaPhostoli 3:13

Nkulunkulu wa-Abrahama na-Isaka naJakobe, Nkulunkulu wabokhokho, usikhatimulisile Sisebenti sakhe lesinguJesu, lenamniketa etiphatsimandleni, namlahla embikwaPhilatu, namala nome Philatu asatimisele kumkhulula.

KubaseRoma 11:1

Sengiyabuta-ke, ngitsi: Nkulunkulu wasilahla yini sive sakhe? Cha, akazange! Nami matfupha ngingum-Israyeli, situkulwane sa-Abrahama, ngiwesive saBhenjamini.

KubaseRoma 9:4

Ema-Israyeli sive saNkulunkulu lasenta emadvodzana akhe. Wawanika sabelo ebukhosini bakhe, watenta nawo tivumelwane, wawanika umtsetfo, nendlela lengiyo yekukhonta ethempelini, wabapha netetsembiso.

2 kubaseKorinthe 3:5

Akusho noko kwekutsi sinemandla ekwenta lutfo ngekwetfu; kute lokuphuma kitsi, kepha emandla etfu avela kuNkulunkulu,

Sembulo 7:13

Lelinye lemalunga lakhuluma kimi latsi: “Bobani laba labembetse tingubo letimhlophe, empeleni baphumaphi?”