Imisebenti yebaPhostoli 28:4 - Siswati 1996 Bible

⁴ Lesive saseMaltha satsi nasibona lenyoka inamatsele esandleni saPawula, samsola satsi: “Lomuntfu ngumtsakatsi, nome asaphunyulile elwandle nkulunkulu wekujezisa, longuDikhe, akamvumeli kutsi aphile.”

Imisebenti yebaPhostoli 28:4 Referencias Cruzadas

Genesisi 3:1

Inyoka yayinebucili kwendlula tonkhe tilwane tesiganga labetentile Nkulunkulu Simakadze. Yatsi kumfati: “Kodvwa ngempela Nkulunkulu ushito yini kutsi: ‘Ningadli nome ngusinye nje sitselo setihlahla letisensimini’?”

Taga 28:17

Umuntfu nakanelicala lekubulala, myekele abaleke aze afe.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Isaya 43:20

Tilwane tesiganga tiyangihlonipha, yebo, timphungutja kanye netahhukulu, ngobe ngiveta emanti ehlane nemifula eveni leligagadzekile, ngentele kunatsisa sive sami lesikhetsiwe,

Zefaniya 2:15

Leli lidolobha lelinganaki lutfo, lelaliphila liphephile. Latikhulumela lona, latsi: “Ngimi ngimi, kute futsi lelinye ngaphandle kwami.” Maye, imbhubhiso lese lingiyo, seliyindzawo yekubutsanela tilwane tesiganga! Bonkhe labendlula ngakulo bayalishalatelela, balihheletele ngetandla tabo.

Matewu 23:35

kuze kwehlele etikwenu yonkhe ingati lelungile leyacitfwa emhlabeni, kusukela engatini ya-Abela labelungile, kuze kube ngusengatini yaZakhariya, umsa waBarakhiya, lenambulala emkhatsini welithempeli nelilati.

Matewu 27:25

Sonkhe sive saphendvula satsi: “Ingati yakhe ayibesetikwetfu nasetikwebantfwana betfu!”

Lukha 13:2

Jesu wabaphendvula watsi: “Njengobe babulawa-ke laba baseGalile, nicabanga kutsi loko kusho kutsi bona babetoni kakhulu yini kunalabanye bantfu baseGalile?

Lukha 13:4

Nome-ke nicabanga kutsi laba labebali-18 baseSilowama lokwawela kubo umbhoshongo wababulala, bona babebabi kakhulu yini kunabo bonkhe bantfu lababehlala eJerusalema?

Johane 7:24

Ningabokwehlulela ngekubuka kwemehlo enu, kodvwa yehlulelani ngekwehlulela lokulungile!”

Imisebenti yebaPhostoli 28:2

Bantfu bakulesichingi baba nemusa lomkhulu kitsi. Lase licale kuna, ngako kwase kumakhata, base basibasela umlilo, sotsa.

Imisebenti yebaPhostoli 28:3

Pawula wasabutela tinkhunyana; watsi asatibasa, kwachamuka inyoka, icoshwa kushisa, yaluma Pawula, yaze yanamatsela yalenga esandleni sakhe.

Imisebenti yebaPhostoli 28:5

Pawula wamane wayitsintsitsela emlilweni nje lenyoka angakalimali ndzawo.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”