Imisebenti yebaPhostoli 28:30 - Siswati 1996 Bible

³⁰ Wacedza iminyaka lemibili Pawula ahleti lapho, ahlala endlini labeyicashile. Abemukela ngetandla totibili bonkhe labebeta batemvakashela.

Imisebenti yebaPhostoli 28:30 Referencias Cruzadas

Jeremiya 37:21

Inkhosi Sedekiya yase ikhipha umyalo kutsi Jeremiya akabekwe esibuyeni sabogadzi anikwe sinkhwa lesibuya esitaladini sebabhaki onkhe emalanga, size siphele sonkhe sinkhwa edolobheni. Ngako Jeremiya wahlala esibuyeni sabogadzi.

Jeremiya 38:13

base bamdvonsa ngaletindophi bamkhiphela ngephandle kwalomgodzi. Jeremiya wahlala esibuyeni sabogadzi.

Johane 1:39

Wabaphendvula watsi: “Wotani nitewubona.” Ngako-ke base bayeta, bafike babona lapho abehlala khona. Bahlala naye ngalelo langa, kwakungaba li-awa lesine ntsambama.

Imisebenti yebaPhostoli 19:21

Emvakwaloko Pawula watimisela emoyeni wakhe kudzabula eMasedoniya nase-Akhaya aze ayewufika eJerusalema, atsi: “Nangisuka kuletindzawo kufanele ngifike naseRoma.”

Imisebenti yebaPhostoli 24:27

Ekupheleni kweminyaka lemibili sikhundla saFeliksi satsatfwa nguPhokhiyusi Festusi. Njengobe Feliksi abefuna kutsandvwa ngemaJuda, wavele washiya Pawula asesejele.

Imisebenti yebaPhostoli 28:16

Satsi nasifika eRoma, Pawula wavunyelwa kutsi ahlale yedvwa, wabekwa nelisotja lekumgadza.

Imisebenti yebaPhostoli 28:29

Watsi kube acedze kusho njalo Pawula, ase ayahamba emaJuda ahamba aphikisana odvwana adzatisana inkhani.]

Imisebenti yebaPhostoli 28:31

Abeshumayela ngembuso waNkulunkulu, afundzisa ngeNkhosi Jesu Khristu akhuluma ngesibindzi nangekukhululeka lokukhulu.

KubaseRoma 15:32

kuze kutsi ngite kini ngentsandvo yaNkulunkulu nangenjabulo ngitewuphumula kanye nani.

2 kubaseKorinthe 11:23

Batisebenti taKhristu yini? Mine ngingulesincono. Loku sengikukhuluma njengeluhlanya. Ngasebenta kakhulu kunabo, ngidvonsa matima, ngaboshwa kanyenti, ngashaywa kanyenti, ngabasengotini yekufa.

2 kubaseKorinthe 6:5

nasekushayweni, nasekufakweni ejele, nasetiphitsiphitsini, nasekukhandlekeni, nasekucwasheni, nasekulaleni ngendlala,

KubaseFiliphi 1:13

Kubonakele kubalindzi bami, nakubo bonkhe labanye kutsi kuboshwa kwami kungenca yaKhristu.

2 kuThimothi 1:17

Nakefika eRoma, wangifunisisa, wadzimate wangitfola,

2 kuThimothi 4:2

Shumayela livi, ulimele nome tikhatsi tivuma nome tingavumi; sola, ucwayise, uyale ngako konkhe kubeketela nekufundzisa.