Imisebenti yebaPhostoli 28:3 - Siswati 1996 Bible

³ Pawula wasabutela tinkhunyana; watsi asatibasa, kwachamuka inyoka, icoshwa kushisa, yaluma Pawula, yaze yanamatsela yalenga esandleni sakhe.

Imisebenti yebaPhostoli 28:3 Referencias Cruzadas

Jobe 20:16

Utawumunya lesihlungu setinyoka; abulawe ngematinyo elibululu.

Isaya 30:6

Livi lesembulo lelimacondzana netilwane taseNegevu: Emancusa adzabula eveni lebulukhuni nenjabhiso, live lemabhubesi lamadvuna nalamasikati, lemabululu kanye netinyoka letindizako, ayalidzabula etfwala imicebo yawo ngetimbongolo, neminotfo yawo ngemalundza emakamela, aya kuleso sive lesingenanzuzo,

Isaya 41:24

Kodvwa nibancane kabi kunelite, nemisebenti yenu ilite nje. Lowo lokhetsa nine unengekile.

Isaya 59:5

Bachobosela emacandza emabululu, bephotsele bulembu. Bonkhe labadla emacandza awo bayakufa, nakuchamusela linye, kuphuma libululu.

Amose 5:19

Kuyawuba shangatsi ngumuntfu lobalekele libhubesi, wase utitsela etikwelibhele; kube shangatsi ngumuntfu longene endlini yakhe wabeka tandla takhe elubondzeni, kusuke inyoka imlume.

Matewu 12:34

Nine, ntalo yetinyoka, ningakukhuluma kanjani lokuhle nine nibabi kangaka nje? Ngobe umlomo ukhuluma loko lokugcwele enhlitiyweni.

Matewu 23:33

Tinyoka, ntalo yemabululu! Nitakubalekela njani kulahlwa esihogweni?

Matewu 3:7

Kepha watsi nakabona labanyenti bebaFarisi nebaSadusi beta embhabhatisweni, wababuta watsi: “Ntalo yetinyoka, ngubani lonitjele watsi: ‘Balekelani lolulaka lolutako’?

Makho 16:18

ngeke behlelwe lutfo nababamba tinyoka nome nabanatsa lokubulalanako. Bayakubeka tandla kulabagulako baphile.”

Imisebenti yebaPhostoli 28:2

Bantfu bakulesichingi baba nemusa lomkhulu kitsi. Lase licale kuna, ngako kwase kumakhata, base basibasela umlilo, sotsa.

Imisebenti yebaPhostoli 28:4

Lesive saseMaltha satsi nasibona lenyoka inamatsele esandleni saPawula, samsola satsi: “Lomuntfu ngumtsakatsi, nome asaphunyulile elwandle nkulunkulu wekujezisa, longuDikhe, akamvumeli kutsi aphile.”

2 kubaseKorinthe 11:23

Batisebenti taKhristu yini? Mine ngingulesincono. Loku sengikukhuluma njengeluhlanya. Ngasebenta kakhulu kunabo, ngidvonsa matima, ngaboshwa kanyenti, ngashaywa kanyenti, ngabasengotini yekufa.

2 kubaseKorinthe 6:9

Asinakwa, kodvwa satiwa kakhulu. Shangatsi siyafa, kodvwa siyaphila. Siyajeziswa, kodvwa asigwetjwa intsambo.