Imisebenti yebaPhostoli 25:3 - Siswati 1996 Bible

³ kutsi amane ababonelele ngekuletsa Pawula eJerusalema, ngobe phela base bente lisu lekumenta silo sengubo endleleni.

Imisebenti yebaPhostoli 25:3 Referencias Cruzadas

Taga 24:15

Ungasilingisi sigelekece ngekunyenyela lolungile kutsi umlimate endlini yakhe, ungayihlaseli ngisho nendzawo lapho ahlala khona;

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”

Jeremiya 38:4

Tiphatsimandla takhuluma enkhosini, tatsi: “Lomuntfu kufanele abulawe. Utsela emanti emadvolweni emasotja lasele kulelidoloba, nakuwabo bonkhe bantfu, ngaletintfo latishoko kubo. Lomuntfu akacondzi lokuhle ngalabantfu, kodvwa ubafisela lokubi.”

Johane 16:3

Bayawukwenta konkhe loku, ngobe bangamati Babe, nami bangangati.

Imisebenti yebaPhostoli 9:2

Wafike wacela tincwadzi tekumetfula emasinagogeni emaJuda aseDamaseko, kuze atsi nakakhandza lapho nobe bobani lababalandzeli baleNdlela yeNkhosi, abe nemandla ekubabopha, labadvuna nalabasikati, abatsatse abamikise eJerusalema.

Imisebenti yebaPhostoli 9:24

Kodvwa Sawula weva ngalelisu labo kutsi bamlindza imini nebusuku emagedeni elidolobha kuze bambulale.

KubaseRoma 3:8

Pho, akushiwo ngani-ke kutsi: “Asente lokubi, khona kutawuvama lokuhle”? Labanye bantfu, badzimate bangetfuka ngekungibeka licala ngekutsi ngikhuluma kanjalo! Bayawulahlwa njengobe kufanele.

2 kubaseKorinthe 11:26

Eluhambeni lwami ngabasetingotini temifula, nasetingotini tetigelekece, nasetingotini kubantfu bakitsi, nasetingotini kubetive, nasetingotini tasemadolobheni, nasetingotini temaphandleni, nasetingotini telwandle, nasetingotini kubazalwanembumbulu.