Imisebenti yebaPhostoli 25:23 - Siswati 1996 Bible

²³ Ngakusasa bo-Agripha naBhenise beta ngekuhlonipheka lokukhulu, bafike bangena ehholweni lenkhulu yekuhlangana bahamba nabokhenela bemphi kanye nemadvodza labebalulekile kulelo dolobha. Festusi wase utfumela emasotja kutsi alandze Pawula.

Imisebenti yebaPhostoli 25:23 Referencias Cruzadas

Esta 1:4

Kwaphela tinyanga letisitfupha solomane abukisa ngemcebo wembuso wakhe, nebuhle, nebucwebecwebe bebukhosi bakhe.

Umshumayeli 1:2

“Lite lelite!” kusho uMshumayeli. “Kulite mbamba! Konkhe kulite.”

Isaya 14:11

Bonkhe bukhatikhati bakho nekuhlabela kwemahabhu akho sekwehliselwe phansi endzaweni yalabafile; timphetfu setilicansi lakho, netibungu setisembatfo sakho.

Isaya 5:14

Ngako-ke lithuna selandzise kakhulu kukhanuka kwalo kudla, selivule umlomo walo ngalokwengcile; bahlonishwa baso bayakwehlela khona kanye nabo bonkhe bantfu baso nabo bonkhe labajabulako babanga umsindvo lomkhulu.

Hezekeli 30:18

Lilanga liyawuba bumnyama eThaphanesi, mhlazana ngigamula lijoko laseGibhithe; lapho-ke emandla ayo letigabatisa ngawo ayawuphela. Iyawusibekelwa ngemafu, netabelo tayo tiyawutfunjwa.

Hezekeli 32:12

Ticumbi tebantfu bakho ngiyawutilahla phansi ngetinkemba temachawe lanemandla, yebo, emachawe lanelunya kwendlula tonkhe tive. Umgcabho waseGibhithe ayakuwuphihlita, kutsi tonkhe ticumbi tebantfu bayo tiketulwe.

Hezekeli 33:28

Live ngiyawulenta libe lihlane lelingenalutfo, nemandla abo labebatigcabha ngawo ayakuphela atsi nya, tintsaba taka-Israyeli tiyakuba sikhotsa, kangangekutsi kubete nalowengca kuto.

Hezekeli 7:24

Ngiyawuletsa tive letimbi kakhulu kutsi titewutsatsa tindlu tabo; ngiyawukucedza kutigabatisa kwalabanemandla, netindzawo tabo lekutsiwa tingcwele tiyawungcoliswa.

Danyela 4:30

yatsi: “Lena akusiyo yini iBhabhulona lenkhulu lengiyakhile yaba sigodlo sekuhlala inkhosi, ngemandla ami lamakhulu ngayakhela ludvumo lwebukhosi bami?”

Makho 6:21

Kodvwa litfuba lavuleka ngesikhatsi Herodi agubha lusuku lwakhe lwekutalwa. Wenta sibhimbi, wabita bonkhe bantfu besigodlo sakhe, netindvuna takhe temphi, kanye netiphakanyiswa taseGalile.

Imisebenti yebaPhostoli 12:21

Ngelilanga lelalikhetsekile Herodi wembatsa tingubo takhe tebukhosi, wahlala esihlalweni sebukhosi, wabeka inkhulumo kubantfu.

Imisebenti yebaPhostoli 25:13

Emvakwemalanga inkhosi Agripha naBhenise bavakashela eKhesariya ngenjongo yekwemukela Festusi.

Imisebenti yebaPhostoli 26:30

Inkhosi yase iyasukuma, naLusibalukhulu, naBhenise, nabo bonkhe lababelapho basukuma.

Imisebenti yebaPhostoli 9:15

INkhosi yatsi kuye: “Hamba, ngobe lowo muntfu usitja sami lengisikhetsile kutsi siphatse libito lami kubetive nakumakhosi, nakubantfu baka-Israyeli.

1 kubaseKorinthe 7:31

nalabasebentisa lelive babe njengalabangalisebentisi, ngobe simo salelive siyendlula.

YaJakobe 1:11

Lilanga liphuma libalele libunise tjani, imbali yabo iyahhohloka, nebuhle bayo bunyamalale; kanjalo-ke nesicebi siyawunyamalala ekushiphanekeni kwaso.

1 yaPhetro 1:24

Ngobe umBhalo utsi: “Wonkhe umuntfu ufanana netjani; nebukhosi bakhe bunjengembali yesiganga; tjani buyabuna, nembali yabo iyahhohloka.

1 yaJohane 2:16

Ngobe konkhe lokuseveni, kuyinkhanuko yenyama, nenkhanuko yemehlo, nekutigabatisa lokulite ngetintfo takulomhlaba. Konkhe loku akuveli kuBabe, kodvwa kwelive.