Imisebenti yebaPhostoli 25:11 - Siswati 1996 Bible

¹¹ Nangabe kukhona lapho ngephule khona umtsetfo, ngenta lokufanele kutsi ngijeziswe ngekufa, angiceli kuphepha ekufeni; kodvwa nalingekho liciniso kulamacala labangibeka wona, kute umuntfu lofanele kunginikela etandleni tabo. Ngicela kuyakwembula ingubo kuKhesari, uMbusi.”

Imisebenti yebaPhostoli 25:11 Referencias Cruzadas

Jobe 31:21

nangabe ngake ngaphakamisa sandla sami etikwaloyintsandzane, ngati kahle kutsi mine ngiyalalelwa enkhundleni,

Jeremiya 37:18

Jeremiya wakhuluma enkhosini Sedekiya, watsi: “Cala lini lengilentile kuwe, nome-ke etindvuneni takho, nome kulesive lokwekutsi ningaze ningivalele ejele?

Imisebenti yebaPhostoli 16:37

Kepha Pawula watsi kubo: “Sitfolakale singenacala nakancane, sibhanjabulwe embikwebantfu loku singemaRoma ngekutalwa, safakwa ejele. Manje setifuna kusikhulula ngasese? Cha, ngeke! Akute tona matfupha titesikhipha!”

Imisebenti yebaPhostoli 18:14

Kodvwa kwatsi Pawula nakatsi uvula umlomo, Galiyo wamjuba lulwimi watsi kumaJuda: “MaJuda-ndzini, kube bekusento lesibi nome licala lelilukhuni nami bekutawuba nesizatfu sekutsi nginibeketelele nginilalele,

Imisebenti yebaPhostoli 22:25

Kodvwa kwatsi nase bambophile sebatawumbhambabula Pawula wakhuluma nalendvuna yelibutfo leyayime eceleni kwakhe watsi: “Kungumtsetfo yini kutsi wena ubhambabule umRoma asengakalahlwa licala?”

Imisebenti yebaPhostoli 25:10

Kodvwa Pawula watsi: “Ngime embikwesihlalo sekwehlulela saKhesari, uMbusi, ngulapho-ke lakufanele licala lami litsetfwe khona. Kute lengiwone ngako emaJuda, njengobe nawe ukwati nje loko.

Imisebenti yebaPhostoli 25:12

Festusi wase ufakana imilomo nebeluleki bakhe uphendvula Pawula utsi: “Sewucele kutsi lelicala lendluliselwe kuKhesari, ngako-ke utawuvele uhambe uye kuKhesari.”

Imisebenti yebaPhostoli 25:21

Kodvwa Pawula wacela kutsi lokutekwa kwelicala lakhe akwendluliselwe ku-Agustusi, uMbusi, lofanele alijube; ngase ngitjela emasotja kutsi amgadze, kuze kufike sikhatsi sekumetfula kuKhesari.”

Imisebenti yebaPhostoli 25:25

Kodvwa mine ngekwami kute lokubi lengitfole kutsi ikwentile lokungayenta ize ijeziswe ngentsambo. Kodvwa njengobe yona icele kutsi ilendlulisele ku-Agustusi, nami-ke sengincume kuyitfumela kuye.

Imisebenti yebaPhostoli 26:32

Agripha wase ukhuluma kuFestusi utsi: “Lendvodza bekufanele ikhululwe, kube beyingakaceli kutsi lelicala layo lendluliselwe kuKhesari.”

Imisebenti yebaPhostoli 28:19

Kodvwa kwatsi ngobe emaJuda akuphikisa loko, ngacindzeteleka kutsi ngitetikhalela kuKhesari, hhayi ngobe ngangihlose kubeka sive sakitsi licala.

1 kubaseThesalonika 2:15

LamaJuda ngiwo kanye lawo labulala iNkhosi Jesu kanye nebaphrofethi, natsi asicitsa, ayekela kwenta intsandvo yaNkulunkulu, aphambana nebantfu bonkhe.

Joshuwa 22:22

“Somandla, Nkulunkulu, Simakadze! Somandla, Nkulunkulu, Simakadze! Yena uyati! Na-Israyeli kufanele ati! Nangabe loku bekukuhlubuka nekungalaleli Simakadze, ningacali nisishiye siphila lamuhla.

1 Samuweli 27:1

Kodvwa Davide wacabanga watsi: “Kuwo lamalanga Sawula utangibulala. Lokuncono kakhulu kutsi vele ngibaleke ngiye eveni lemaFilisti. Sawula utawuvele adzinwe angabe asangifuna nome ngabe kukuphi kulelive laka-Israyeli, ngiyawube sengiphephile-ke esandleni sakhe.”