Imisebenti yebaPhostoli 24:27 - Siswati 1996 Bible

²⁷ Ekupheleni kweminyaka lemibili sikhundla saFeliksi satsatfwa nguPhokhiyusi Festusi. Njengobe Feliksi abefuna kutsandvwa ngemaJuda, wavele washiya Pawula asesejele.

Imisebenti yebaPhostoli 24:27 Referencias Cruzadas

Eksodusi 23:2

Ungalilandzeli linyenti lelenta lokubi; nawenta bufakazi ecaleni, ungawephuli umtsetfo ngekuvumelana nelinyenti.

Taga 29:25

Kwesaba bantfu kulugibe; kodvwa lowo lowetsembekile kuSimakadze ulondvolotekile.

Jeremiya 38:13

base bamdvonsa ngaletindophi bamkhiphela ngephandle kwalomgodzi. Jeremiya wahlala esibuyeni sabogadzi.

Makho 15:15

Ngako-ke Philatu atsandza kujabulisa ticumbi, wabakhululela Bharaba. Jesu asabhanjabuliwe, Philatu wabe sewumnikela esicukwini kutsi siyewumbetsela esiphambanweni.

Imisebenti yebaPhostoli 12:3

Watsi nakabona kutsi emaJuda ayakujabulela loko lakwentako, wachubekela nasekubopheni Phetro. Loko kwenteka ngesikhatsi seSidlo Sesinkhwa Lesingenambiliso.

Imisebenti yebaPhostoli 23:35

watsi: “Licala lakho ngitawulilalela kahle, nase kufike bamangaleli bakho.” Wase uyalisisa kutsi loPawula agcinwe ngekugadvwa esigodlweni saHerodi.

Imisebenti yebaPhostoli 25:1

Emvakwemalanga lamatsatfu Festusi afikile kuleso sifundza, wesuka eKhesariya waya eJerusalema.

Imisebenti yebaPhostoli 25:14

Kulawo malanga basahleti lapho, Festusi wase utekela inkhosi ngalendzaba yaPawula utsi: “Kukhona indvodza lesiboshwa lesashiywa nguFeliksi;

Imisebenti yebaPhostoli 25:4

Festusi wabaphendvula watsi: “Pawula siboshwa lesiseKhesariya, nami ngitawuncandzeka masinyane ngiye khona.

Imisebenti yebaPhostoli 25:9

Festusi afuna kujabulisa emaJuda wabuta Pawula watsi: “Ungatsandza yini kuya eJerusalema kuyewutekwa lamacala labakubeke wona la embikwami?”

Imisebenti yebaPhostoli 26:32

Agripha wase ukhuluma kuFestusi utsi: “Lendvodza bekufanele ikhululwe, kube beyingakaceli kutsi lelicala layo lendluliselwe kuKhesari.”

Imisebenti yebaPhostoli 28:30

Wacedza iminyaka lemibili Pawula ahleti lapho, ahlala endlini labeyicashile. Abemukela ngetandla totibili bonkhe labebeta batemvakashela.

KubaseGalathiya 1:10

Kungabe kambe ngitincengela kubantfu yini nome kuNkulunkulu? Nome ngetama kujabulisa bantfu yini? Nangabe ngisajabulisa bantfu, bengingeke ngibe sisebenti saKhristu.