Imisebenti yebaPhostoli 22:25 - Siswati 1996 Bible

²⁵ Kodvwa kwatsi nase bambophile sebatawumbhambabula Pawula wakhuluma nalendvuna yelibutfo leyayime eceleni kwakhe watsi: “Kungumtsetfo yini kutsi wena ubhambabule umRoma asengakalahlwa licala?”

Imisebenti yebaPhostoli 22:25 Referencias Cruzadas

Matewu 10:17

Kepha nicaphele bantfu, ngobe bayawunibopha banifake etinkantolo, banibhambabule emasinagogeni abo.

Matewu 27:54

Indvuna yemphi nemasotja labenawo labelindze Jesu, nabakubona lokutamatama kwemhlaba, nako konkhe lokwenteka, befikelwa kwesaba lokukhulu baze batsi: “Ngempela lomuntfu abeyiNdvodzana yaNkulunkulu!”

Matewu 8:8

Lendvuna yaphendvula yatsi: “Nkhosi, angikafanelwa nekutsi ungene ngaphansi kweluphahla lwendlu yami, kepha shano livi nje, khona sisebenti sami sitawuphila.

Imisebenti yebaPhostoli 10:1

Kwakukhona indvodza leyayinguKhoneliyuse eKhesariya, beyiyindvuna yelibutfo lemaRoma lelalibitwa ngekutsi: “Libutfo laseTaliyane.”

Imisebenti yebaPhostoli 16:37

Kepha Pawula watsi kubo: “Sitfolakale singenacala nakancane, sibhanjabulwe embikwebantfu loku singemaRoma ngekutalwa, safakwa ejele. Manje setifuna kusikhulula ngasese? Cha, ngeke! Akute tona matfupha titesikhipha!”

Imisebenti yebaPhostoli 22:26

Indvuna yelibutfo yatsi kube ikuve loko, yahamba yaya kukhenela yabuta yatsi: “Utawutsini-ke nyalo, ngobe lendvodza ingumRoma?”

Imisebenti yebaPhostoli 23:17

Pawula wase ubita lenye yetindvuna wefike watsi kuyo: “Mikisa nali lijaha kukhenela; kukhona lelitambikela kona.”

Imisebenti yebaPhostoli 23:27

“Lendvodza yabanjwa ngemaJuda, kwatsi asatakuyibulala ngefika mine kanye nemasotja ngayilamulela, sengivile kutsi ingumRoma.

Imisebenti yebaPhostoli 25:16

Ngabaphendvula ngekutsi akusiwo umtsetfo wetfu tsine maRoma kutsi silahle umuntfu ngelicala, angakalitfoli litfuba lekubhekana nebamangaleli bakhe buso nebuso atiphendvulele ngaloko labambeka ngako licala.

Imisebenti yebaPhostoli 27:1

Kwatsi sekuncunyiwe kutsi sewelele eTaliyane, base baniketela Pawula naletinye tiboshwa kuJuliyusi, indvuna yembutfo lebekutsiwa ngeweMbusi, Agustusi.

Imisebenti yebaPhostoli 27:3

Ngakusasa sangenisa eSidoni, naJuliyusi wamphatsa kahle Pawula, wamvumela nekutsi ayewubonana nebangani bakhe asho nekusho kutsi abonakekelwa kahle.

Imisebenti yebaPhostoli 27:43

Kodvwa indvuna yelibutfo ifuna kusindzisa Pawula, yawalela kuloko, esikhundleni salokho yatsi: “Bonkhe labakwatiko kuhlamba abadvumele emantini kucala bahlambe baye elusentseni.