Imisebenti yebaPhostoli 21:5 - Siswati 1996 Bible

⁵ Kepha kwatsi kube kuphele sikhatsi sekuhlala kwetfu nabo, sabashiya sachubeka neluhambo lwetfu. Basiphekeletela bonkhe kanye nalabasikati nebantfwana, baze basibeka ngephandle kwalelidolobha. Sefika elugwini saguca sathandaza.

Imisebenti yebaPhostoli 21:5 Referencias Cruzadas

1 Emakhosi 8:54

Kwatsi kube Solomoni acedze kwenta yonkhe lemithandazo nekuncusa kuSimakadze, wabe sewuyasukuma embikwelilati laSimakadze, lapho abekadze aguce khona, tandla takhe atiphakamisele ezulwini.

2 Tikhronike 20:13

Onkhe emadvodza akaJuda kanye nabomkawo, nebantfwana, netinswane bema embikwaSimakadze.

Nehemiya 12:43

Ngalelo langa banikela ngalemikhulu imihlatjelo bajabula, ngobe Nkulunkulu abebentele injabulo lenkhulu. Bafati nebantfwana nabo bajabula. Umsindvo wekujabula lowawuseJerusalema wawungevakala khashane kakhulu.

Tihlabelelo 95:6

Wotani, sikhuleke, simkhotsamele, asiguce embikwaSimakadze, uMenti wetfu.

Matewu 14:21

Bantfu lababedla kwakungemadvodza labengacishe abe ti-5 000 ngaphandle kwebafati nebantfwana.

Makho 1:40

Kwasondzela umuntfu labenebulephelo, wancenga Jesu aguce embikwakhe watsi: “Nkhosi, nawutsandza, ungangihlambulula.”

Lukha 22:41

Kodvwa yena wesuka kubo, wachubeka libanga lelingaba ngangemjikijelo, waguca phansi wathandaza.

Imisebenti yebaPhostoli 15:3

Endleleni yabo batfunywe libandla, basadzabula eFenisiya naseSamariya babika kutsi betive baphendvukela kanjani kuNkulunkulu; letindzaba taletsa kujabula lokukhulu kubazalwane bonkhe.

Imisebenti yebaPhostoli 17:10

Kwatsi ebusuku bazalwane bababalekisa boPawula naSilasi babatfumela eBheriya. Batsi kube befike khona bangena esinagogeni lemaJuda.

Imisebenti yebaPhostoli 20:36

Watsi kube acedze kukhuluma nabo, waguca wathandaza nabo bonkhe.

Imisebenti yebaPhostoli 20:38

Babedzabukiswe kakhulu ngemavi akhe labekawashito ekutsi ngeke baphindze babubone buso bakhe. Base bayamphekeletela baya naye emkhunjini.

Imisebenti yebaPhostoli 9:40

Phetro wabakhiphela ngephandle bonkhe labantfu, waguca phansi wathandaza; wase ugucukela kulesidvumbu watsi: “Thabitha, sukuma!” Thabitha wavula emehlo, watsi kube abone Phetro wahlala ngetibunu.

Joshuwa 24:15

Kodvwa nangabe kukhonta Simakadze kubonakala kungatsandzeki kini, ngako khetsani lamuhla kutsi nitawukhonta bani, nome bonkulunkulu lababekhontwa bokhokho benu ngesheya kweMfula, nome bonkulunkulu bema-Amori, akulelive lese nakhe kulo. Kodvwa mine nendlu yami sitawukhonta Simakadze.”

Joshuwa 8:35

Kwabate ngisho nalinye livi laloko Mosi labeyale ngako Joshuwa lalishiya wangete wasifundzela sive saka-Israyeli sonkhe sihlangene, bafati, nebantfwana kanye nebetive lababehlala emkhatsini wabo.