Imisebenti yebaPhostoli 21:39 - Siswati 1996 Bible

³⁹ Pawula waphendvula watsi: “Mine ngiliJuda lekutalwa eThasusi esigodzini saseSilisiya, ngisakhamuti selidolobha lelibaluleke kakhulu. Ase ungivumele ngikhulume nalabantfu!”

Imisebenti yebaPhostoli 21:39 Referencias Cruzadas

Imisebenti yebaPhostoli 15:23

Kwatfunyelwa ngabo incwadzi leyayitsi: “Yemukelani nanso incwadzi levela kubaphostoli nebazalwane labababonisi lababingelela bazalwane betive ngekutalwa, labahlala edolobheni lase-Antiyokhi nasetifundzeni taseSiriya naseSilisiya.

Imisebenti yebaPhostoli 15:41

Wahamba wadzabula eSiriya naseSilisiya, acinisa emabandla.

Imisebenti yebaPhostoli 16:37

Kepha Pawula watsi kubo: “Sitfolakale singenacala nakancane, sibhanjabulwe embikwebantfu loku singemaRoma ngekutalwa, safakwa ejele. Manje setifuna kusikhulula ngasese? Cha, ngeke! Akute tona matfupha titesikhipha!”

Imisebenti yebaPhostoli 21:37

Kwatsi nase bafuna kumfaka esitokisini, Pawula wakhuluma nakhenela watsi: “Ngivumelekile yini kukhuluma nawe?” Khenela wambuta watsi: “Uyakwati yini kukhuluma siGriki?

Imisebenti yebaPhostoli 22:3

“Mine ngiliJuda lekutalwa, ngatalelwa eThasusi leseSilisiya, kodvwa ngifundze la eJerusalema, ngifundziswa nguGamaliyeli. Ngatfola kuceceshwa lokushubile ngemtsetfo wabokhokho betfu, futsi ngangitinikele ngenshisekelo lenkhulu kuNkulunkulu njengani nonkhe lenilapha embikwami lamuhla.

Imisebenti yebaPhostoli 23:27

“Lendvodza yabanjwa ngemaJuda, kwatsi asatakuyibulala ngefika mine kanye nemasotja ngayilamulela, sengivile kutsi ingumRoma.

Imisebenti yebaPhostoli 23:34

Lusibalukhulu watsi kube ayifundze lencwadzi, wase ubuta Pawula kutsi abephuma kusiphi sifundza. Watsi kube eve kutsi abephuma eSilisiya,

Imisebenti yebaPhostoli 6:9

Kodvwa labanye bantfu lababemphikisa babengemalunga elisinagoge leBantfu Labakhululiwe, lalilemaJuda labephuma eSirene nase-Alekzandriya. Bona nalamanye emaJuda aseSilisiya nase-Asiya bacala baphikisana naStefano.

Imisebenti yebaPhostoli 9:11

INkhosi yatsi kuye: “Tilungiselele kuhamba uye eSitaladini Lesicondzile, endlini yaJudasi ucele indvodza yaseThasusi libito layo nguSawula. Uyathandaza.

Imisebenti yebaPhostoli 9:30

Kwatsi bazalwane nabakhandza tintfo time kanje, bamtsatsa Sawula bamyisa eKhesariya bamtfumela eThasusi.

1 yaPhetro 3:15

Kepha mngcweliseni Khristu abe yiNkhosi etinhlitiyweni tenu, nimhloniphe, nihlale nilungele kubaphendvula bonkhe labanibuta ngelitsemba lelikini.