Imisebenti yebaPhostoli 21:34 - Siswati 1996 Bible

³⁴ Labanye kulesicumbi bamemeta basho loku, nalabanye basho lokwa. Kwaba khona kungavumelani lokunyenti lokwaze kwabanga kutsi khenela angatfoli kahle kutsi kubangwani. Wase utsi kulamadvodza labehamba nawo akatsatse loPawula amyise emalawini emabutfo.

Imisebenti yebaPhostoli 21:34 Referencias Cruzadas

Imisebenti yebaPhostoli 19:32

Kwesuka lesikhulu siphitsiphitsi, labanye bantfu bamemeta basho loku, labanye basho lokwa, labanyenti bebangati nekwati kutsi konje babetekwentani kulomhlangano.

Imisebenti yebaPhostoli 21:37

Kwatsi nase bafuna kumfaka esitokisini, Pawula wakhuluma nakhenela watsi: “Ngivumelekile yini kukhuluma nawe?” Khenela wambuta watsi: “Uyakwati yini kukhuluma siGriki?

Imisebenti yebaPhostoli 22:24

Lokhenela watsi Pawula akafakwe emalawini emasotja, nekutsi bamhlolisise ngekumbhambabula, kuze batewutfola kahle kutsi kwentiwa yini lokutsi bantfu baphambane naye kangaka.

Imisebenti yebaPhostoli 22:30

Khenela watsandza kwati kahle-hle kutsi emaJuda abembeka licala lani loPawula. Ngako-ke ngakusasa watsi akatfukululwe tinketane. Wase ubita umhlangano wetikhulu tebaphristi kanye nalo lonkhe Liqoqo. Waletsa Pawula embikwabo.

Imisebenti yebaPhostoli 23:10

Kuphikisana kwandza, kwadzimate kwashuba ngemandla kangangekutsi khenela waze wesaba kutsi Pawula bangahle bamdzabule ticucwana. Ngako-ke watfuma emasotja kutsi ewuke aye kulomhlangano efike amtsatse ngendluzula ayemfaka emalawini emasotja.

Imisebenti yebaPhostoli 23:16

Kodvwa umshana waPawula weva nakwakhiwa lelisu; ngako-ke waya emalawini emasotja wefike watjela Pawula.

Imisebenti yebaPhostoli 23:32

Ngakusasa emasotja labehamba ngetinyawo ancandzeka abuyela amalawini awo ashiya lawo abegibele emahhashi kutsi achubeke naye.

Imisebenti yebaPhostoli 25:26

Kodvwa kute lokumcoka lenginako lengingahle ngikubhalele uMbusi ngayo. Ngiko nje ngiyiletse la embikwenu, ikakhulu kuwe, Nkhosi Agripha, khona litawutsi lingahlolwa lelicala layo nami ngibe nako lengingakubhala.