Imisebenti yebaPhostoli 21:33 - Siswati 1996 Bible

³³ Khenela wacondza kuPawula wambamba, watsi akaboshwe ngetinketane letimbili. Wase uyababuta kutsi ngubani yena lomuntfu, nekutsi wenteni.

Imisebenti yebaPhostoli 21:33 Referencias Cruzadas

Imisebenti yebaPhostoli 12:6

Ngebusuku bekugcina Herodi atamkhipha amletse ebantfwini, Phetro abelele emkhatsini webalindzi lababili. Abeboshwe ngetinketane letimbili, kwakunebalindzi lapho emnyango welijele balindzile.

Imisebenti yebaPhostoli 20:23

Kepha-ke Moya Longcwele ungatisile kulelo nakulelo dolobha kutsi ngilindzelwe kuboshwa netinhlupheko.

Imisebenti yebaPhostoli 21:11

Wefika kitsi watsatsa libhande laPawula walibopha etinyaweni nasetandleni takhe watsi: “Naku lokushiwo nguMoya Longcwele: ‘Umnikati walelibhande utawuboshwa ngemaJuda kanje eJerusalema amnikele etandleni tebetive.’ ”

Imisebenti yebaPhostoli 22:29

Ngako-ke labo babetawuphenya Pawula ngemibuzo bakhwesha kuye ngekushesha, nakhenela wesaba, nakabona kutsi Pawula ngumRoma ngekutalwa nekutsi abesambophe ngetinketane.

Imisebenti yebaPhostoli 22:30

Khenela watsandza kwati kahle-hle kutsi emaJuda abembeka licala lani loPawula. Ngako-ke ngakusasa watsi akatfukululwe tinketane. Wase ubita umhlangano wetikhulu tebaphristi kanye nalo lonkhe Liqoqo. Waletsa Pawula embikwabo.

Imisebenti yebaPhostoli 25:16

Ngabaphendvula ngekutsi akusiwo umtsetfo wetfu tsine maRoma kutsi silahle umuntfu ngelicala, angakalitfoli litfuba lekubhekana nebamangaleli bakhe buso nebuso atiphendvulele ngaloko labambeka ngako licala.

Imisebenti yebaPhostoli 26:29

Pawula waphendvula watsi: “Nome sikhashana nome sikhatsi lesidze, ngithandaza kuNkulunkulu kutsi kungabi nguwe wedvwa kodvwa bonkhe labangivako lamuhla nabo babe nguloku lengingiko, ngaphandle kwaletinketane.”

Imisebenti yebaPhostoli 28:20

Kungako ngicele kunibona nje ngikhulume nani; ngobe ngiboshwe ngaletinketane ngenca yakhe lolitsemba lebantfu baka-Israyeli.”

Kubase-Efesu 6:20

Ngikhulekeleni-ke, kutsi mine lengilincusa lelisetinketaneni ngenca yeliVangeli, ngilikhulume ngesibindzi njengobe kungifanele.

KubaseFiliphi 1:7

Kufanele kutsi ngibe nemcondvo lonjalo ngani nonkhe, njengobe nami nginetfwele enhlitiyweni yami. Ngemusa weNkhosi nonkhe nihlanganyele nami ekuboshweni kwami ngenca yeliVangeli, nasekulivikeleni, nasekulisimiseni.

2 kuThimothi 1:16

Shangatsi iNkhosi ingaba nebubele kubaka-Onesiforusi, labevame kungihlumelelisa njalo, ngobe abengenamahloni ngekuboshwa kwami.

2 kuThimothi 2:9

Ngilo leliVangeli lengilihluphekelako, ngidzimate ngaboshwa nangetinketane, kwaba shangatsi ngisigebengu. Kepha noko livi laNkulunkulu alikaboshwa.

Tikhulu 15:13

Atsi: “Siyavuma, tsine sitakubopha nje kuphela, bese sikuniketela kumaFilisti. Tsine ngeke size sikubulale.” Ngako Samsoni ambopha ngetindophi letimbili letinsha sha, amkhipha kulelidvwala.

Tikhulu 16:12

Delila wase utsatsa tindophi letinsha wambopha ngato. Kwakunalamadvodza labewabhacise ekamelweni, wase uyamemeta kakhulu watsi: “Samsoni, nankha emaFilisti asasetikwakho!” Kodvwa Samsoni wadzabula letindophi, kwaba shangatsi bekungumtiyana nje.

Tikhulu 16:21

EmaFilisti ase ayambamba, akupuluta emehlo akhe, ehla naye, amyisa eGaza. Ambopha ngemaketane elitfusi, amgayisa ekhatsi ejele.

Tikhulu 16:8

Ngako baholi bemaFilisti bamniketa tintsambo letisikhombisa letisemanti letingakomi, Delila wabopha ngato Samsoni.