Imisebenti yebaPhostoli 21:3 - Siswati 1996 Bible

³ Sefika endzaweni lapho sabona khona sichingi saseSiphrosi, sasigudla ngaseningizimu saya eSiriya. Sehlela eThire, ngobe lapho bekutakwehla khona timphahla betisemkhunjini.

Imisebenti yebaPhostoli 21:3 Referencias Cruzadas

2 Samuweli 8:6

Davide wase umisa tinkambu temabutfo eSiriya laseDamaseko. EmaSiriya ase aba bantfu bakhe atsela kuye Davide. Simakadze wapha Davide kuncoba nome ngukuphi lapho ahlasela khona.

Tihlabelelo 45:12

Wena, ndvodzakati yaseThire, tingcunga tiyawutincengela kuwe ngekukuletsela tipho.”

Tihlabelelo 87:4

“Ngibala iRahabi neBhabhulona, emkhatsini walabo labangatiko. Yebo, emaFilisti, nebaseThire, nebaseKushe, bonkhe labo bantfu batalelwa eSiyoni.”

Isaya 7:2

Indlu yakaDavide yatjelwa kwatsiwa: “ISiriya itihlanganise nelaka-Efrayimu.” Ngako tinhlitiyo tabo-Ahazi kanye netebantfu bakhe tesaba tatfutfumela njengetihlahla telihlatsi, natinyakatiswa ngumoya.

Matewu 11:21

Watsi: “Maye kuwe, Khorazini! Maye nakuwe, Bhethsayida! Ngobe kube lemisebenti yemandla lebeyenteke kini beyenteke eThire naseSidoni, ngabe kadze batitsela ngemlotsa bembatsa emasaka bakhombisa kuphendvuka.

Matewu 4:24

Ludvumo ngaye lwandza nalo lonkhe laseSiriya, kangangekutsi kwaletfwa kuye bonkhe bantfu lababegula, baphetfwe tinhlobonhlobo tekufa, nalababekhatsatwe tinhlobonhlobo tetinhlupheko: lababenemadimoni, nalababenesitfutfwane, nalababefe tinhlangotsi; Jesu wabaphilisa bonkhe.

Lukha 10:13

“Maye kuwe Khorazini! Maye nakuwe Bhethsayida! Ngobe kube letimangaliso letentiwe kuwe betentiwe eThire naseSidoni, bantfu balapho ngabe kadze baphendvuka; bebayawuhlala phansi, bembatse emasaka, batitsele ngemlotsa bentele kubonakalisa kutsi batishiyile tono tabo.

Lukha 2:2

Lolubalo lwekucala lwentiwa ngesikhatsi Kwiriniyusi anguLusibalukhulu waseSiriya.

Imisebenti yebaPhostoli 11:19

Emakholwa, labesakatwe kuhlushwa lokwalandzela kubulawa kwaStefano, ahamba aze efika eFenisiya naseSiphrosi nase-Antiyokhi, atjela emaJuda kuphela ngalelivi leNkhosi.

Imisebenti yebaPhostoli 12:20

Wabatfukutselela kakhulu Herodi bantfu baseThire naseSidoni; ngako-ke baya kanyekanye bayawubonana naye. Kwekucala bavumelana naBlastusi, labengumgcini wesigodlo. Baya kuHerodi bayawucela kuthula, ngobe live labo lalitfola kudla eveni lakhe.

Imisebenti yebaPhostoli 13:4

BoBhanabasi naSawula, sebatfunyelwe nguMoya Longcwele, behlela eSeloyisiya bahamba ngemkhumbi besuka khona balibangisa esichingini saseSiphrosi.

Imisebenti yebaPhostoli 15:23

Kwatfunyelwa ngabo incwadzi leyayitsi: “Yemukelani nanso incwadzi levela kubaphostoli nebazalwane labababonisi lababingelela bazalwane betive ngekutalwa, labahlala edolobheni lase-Antiyokhi nasetifundzeni taseSiriya naseSilisiya.

Imisebenti yebaPhostoli 15:39

Bacabana kabi ngalendzaba, baze behlukana. Bhanabasi wahamba naMakho ngemkhumbi walibangisa eSiphrosi.

Imisebenti yebaPhostoli 15:41

Wahamba wadzabula eSiriya naseSilisiya, acinisa emabandla.

Imisebenti yebaPhostoli 18:18

Pawula wahlala nebazalwane emalanga lamanyenti. Wase uyabashiya wahamba ngemkhumbi naboPhrisila na-Akhwila baya eSiriya. Angakahambi eKhenkhariya wahhula inhloko yakhe, ngobe abente sifungo.

Imisebenti yebaPhostoli 21:16

Labanye bafundzi baseKhesariya bahamba natsi basiyisa emtini wendvodza lebesitawuhlala kayo, Mnasoni wekuchamuka eSiphrosi, lobekasalikholwa sikhatsi lesidze.

Imisebenti yebaPhostoli 21:2

Sakhandza umkhumbi loya eFenisiya, sekhwela sahamba ngawo.

Imisebenti yebaPhostoli 21:7

Sachubeka neluhambo lwetfu sesuka eThire ngemkhumbi saya ePhitolemayisi, lapho sefika sabingelela bazalwane. Sahlala nabo lilanga linye.

Imisebenti yebaPhostoli 27:4

Sesuka lapho sachubeka ngemkhumbi; kodvwa njengobe umoya bewuphambene natsi, sahamba sagudla sichingi saseSiphrosi.

Imisebenti yebaPhostoli 4:36

Kwadzimate kwatsi Josefa, labengumLevi lowatalelwa eSiphrosi, baphostoli labametsa batsi nguBhanabasi (lokusho kutsi “Lowo Lokhutsatanako”),

Tikhulu 10:6

Baka-Israyeli baphindza benta lokubi emehlweni aSimakadze. Bakhonta boBhali, nabo-Ashtarothe, nabonkulunkulu base-Aramu, nabonkulunkulu baseSidoni, nabonkulunkulu baseMowabi, nabonkulunkulu bema-Amoni, nabonkulunkulu bemaFilisti. Baka-Israyeli bafulatsela Simakadze, bamyekela, bangabe basamkhonta,