Imisebenti yebaPhostoli 21:14 - Siswati 1996 Bible

¹⁴ Sehluleka kumvimbela, sase siyamyekela satsi: “Akwenteke intsandvo yeNkhosi!”

Imisebenti yebaPhostoli 21:14 Referencias Cruzadas

Genesisi 43:14

Shangatsi Nkulunkulu Somandla anganipha umusa ebusweni balowo muntfu, anikhululele umnakenu nibuye kanye naye naBhenjamini. Kepha-ke mine nangemukwa bantfwabami, ngiyemukwa.”

2 Emakhosi 20:19

Hezekiya waphendvula watsi: “Lelivi laSimakadze lose ulikhulumile lilungile ngempela.” Hezekiya abecabanga kutsi loko kwakusho kutsi kusetakuba nekuthula kanye nekuvikeleka ngaso sonkhe sikhatsi sekuphila kwakhe.

Matewu 26:39

Yena wachubeka libangana, wawa phansi ngebuso, athandaza atsi: “Babe, nakungenteka, yendlulise kimi lendzebe yelusizi. Kepha hhayi ngekufisa kwami, kodvwa kuye ngentsandvo yakho.”

Matewu 26:42

Waphindze wahamba futsi kwesibili wathandaza atsi: “Babe, nangabe lendzebe ingeke yendlule kimi ngingakayinatsi, akwenteke intsandvo yakho!”

Matewu 6:10

Umbuso wakho awute. Intsandvo yakho ayentiwe emhlabeni, njengobe yentiwa ezulwini.

Lukha 11:2

Jesu wase utsi kubo: “Nanithandaza, nibotsi: ‘Babe, alingcweliswe libito lakho, umbuso wakho awute.

Lukha 22:42

Watsi: “Babe, nawutsandza, susa kimi lendzebe yelusizi. Noko kungabi ngentsandvo yami, kodvwa akwenteke intsandvo yakho.”

Ruthe 1:18

Watsi kube Nawomi abone kutsi Ruthe utimisele kuhamba naye, wangabe asachubeka nekumncenga kutsi ancandzeke.

1 Samuweli 3:18

Ngako Samuweli wamtjela konkhe, wangete wamfihlela lutfo. Eli wakhuluma watsi: “UnguSimakadze; akente konkhe lakubona kukuhle emehlweni akhe.”