Imisebenti yebaPhostoli 20:37 - Siswati 1996 Bible

³⁷ Bakhala bonkhe, Pawula bamgaca ngemikhono, bamanga.

Imisebenti yebaPhostoli 20:37 Referencias Cruzadas

Genesisi 45:14

Wase ugaca imikhono entsanyeni yaBhenjamini wakhala; naBhenjamini wakhalela entsanyeni yaJosefa.

Genesisi 46:29

Josefa wagibela incola yakhe waphikelela khona eGosheni, wayawuhlangabeta uyise Israyeli. Watsi achamuka nje, Josefa wambona uyise watigaca entsanyeni yakhe, wakhalela kuye sikhatsi lesidze.

2 Samuweli 15:30

Kodvwa Davide yena wachubeka wenyuka iNtsaba Yemincumo, ahambe akhala; inhloko yakhe yayimbonyiwe, nasetinyaweni angakafaki lutfo. Bonkhe bantfu lababenaye lapho babembonye tinhloko tabo, nabo benyuka bakhala.

1 Emakhosi 19:20

Elisha washiya leto tinkhabi walandzela Elija, wakhuluma kuye watsi: “Ase ngimane ngange bobabe namake, ngibavalelise, ngitawube sengiyabuya ngita lapha kuwe.”

2 Emakhosi 20:3

“Awu, Simakadze, khumbula kutsi bengihamba ngekwetsembeka lokunjani embikwakho, nekutsi bengitinikele kangakanani embikwakho, ngayo yonkhe inhlitiyo yami, ngenta lokuhle emehlweni akho.” Hezekiya wakhala kabuhlungu.

Ezra 10:1

Watsi Ezra asathandaza, avuma tono akhala, atijika phansi embikwendlu yaNkulunkulu, sicumbi lesikhulu sema-Israyeli, emadvodza, nebafati kanye nebantfwana sabutsana kuye samtungeleta. Naso sasikhala kakhulukati.

Jobe 2:12

Batsi nabambona basesekhashane, bangete bambona kutsi nguye; bacala bakhala kakhulu, baklebhula imijiva yabo, batitsela ngelutfuli etinhloko tabo.

Tihlabelelo 126:5

Labo labahlanyela ngetinyembeti bayawuvuna ngekujabula.

Lukha 15:20

Ngako-ke yesuka yahamba yaya kuyise. “Yayisekudzeni kabi nelikhaya ngesikhatsi uyise ayibona. Inhlitiyo yeyise yagcwala sihawu, wayihawukela wagijima wayihlangabeta. Wayigaca ngemkhono wakhe, wayanga.

KubaseRoma 16:16

Bingelelanani ngekwangana lokungcwele. Onkhe emabandla aKhristu ayanibingelela.

1 kubaseKorinthe 16:20

Bazalwane bonkhe nabo bayakhonta kini. Bingelelanani ngekwangana lokungcwele.

2 kubaseKorinthe 13:12

Bingelelanani ngekwangana lokungcwele. Bayanihambisa bonkhe bazalwane.

1 kubaseThesalonika 5:26

Bingelelani bonkhe bazalwane ngekwanga lokungcwele.

2 kuThimothi 1:4

Ngikhumbula tinyembeti takho, bese ngifisa kukubona, khona kujabula kwami kutewuphelela.

Sembulo 21:4

Uyakwesula tonkhe tinyembeti emehlweni abo, sekuyawubate kufa, nekulila, nekukhala, nebuhlungu, ngobe kwakucala sekwendlulile.”

Sembulo 7:17

Ngobe liWundlu laNkulunkulu lelisenkhabeni yesihlalo sebukhosi, liyawubelusa, libaholele emitfonjeni yemanti ekuphila. Nkulunkulu uyakwesula tonkhe tinyembeti tabo emehlweni abo.”

1 Samuweli 20:41

Watsi kube lomfana ahambe, Davide wesuka lapho eningizimu nelitje, wakhotsamela Jonathani katsatfu, abhekise buso bakhe phansi. Base bayangana, bakhala bobabili, kodvwa Davide wakhala kakhulu.