Imisebenti yebaPhostoli 20:35 - Siswati 1996 Bible

³⁵ Nginikhombisile kanyenti kutsi ngekusebenta kakhulu kanje kufanele sibasite labeswele, nikhumbule nemavi eNkhosi Jesu lawasho nakatsi: ‘Kubusisiwe kupha kunekwemukela.’ ”

Imisebenti yebaPhostoli 20:35 Referencias Cruzadas

Taga 19:17

Lowo lopha lomphofu uboleka Simakadze; Simakadze uyakumvuza ngaloko lakwentile.

Isaya 32:8

Kodvwa umuntfu locotfo wakha emasu lacotfo; imisebenti yakhe lehloniphekile imente eme.

Isaya 35:3

Cinisani tandla letibutsakatsaka, nikhutsate emadvolo lacekako.

Matewu 10:8

Philisani labagulako, nivuse labafile, niphilise emalephelo, nikhiphe emadimoni. Nemukeliswe ngesihle, ngako-ke nani phanini ngesihle.

Imisebenti yebaPhostoli 20:20

Niyati nekutsi kute lenganigodlela kona kunitjela nekunifundzisa embikwebantfu nasemakhaya enu, lokwakungahle kube lusito kini.

Imisebenti yebaPhostoli 20:27

Ngobe angizange nginifihlele lutfo lwentsandvo yaNkulunkulu.

Imisebenti yebaPhostoli 20:34

Nani lucobo niyati kutsi ngangisebenta ngaletandla tami, ngentela kutfola konkhe lengangikudzinga kanye nalabo ngangisebenta nabo.

Imisebenti yebaPhostoli 20:36

Watsi kube acedze kukhuluma nabo, waguca wathandaza nabo bonkhe.

KubaseRoma 15:1

Tsine lesicinile ekukholweni kufanele sitfwalisane nalababutsakatsaka ekwehlulekeni kwabo, singatijabulisi tsine.

1 kubaseKorinthe 9:12

Nangabe labanye banalo lilungelo kini, pho, tsine asinalo kakhulu yini? Noko asilisebentisanga lelo lungelo, kepha sibeketelela nome yini, kuze singalivimbeli liVangeli laKhristu.

2 kubaseKorinthe 11:12

Kodvwa ngitawuchubeka ngente loku lengikwentako, kuze kutsi bangalitfoli litfuba lekutiveta labo labalifunako, labenta shangatsi benta umsebenti lofanana newetfu njengobe bona basho.

2 kubaseKorinthe 11:9

Ngisenani, angizange ngibe ngumtfwalo kunome ngubani, nangeswele. Tonkhe tidzingo tami tacedvwa bazalwane labebaphuma eMasedoniya. Ngako-ke angizange ngibe ngumtfwalo, futsi sonkhe sikhatsi ngiyawuchubeka ngingesiwo.

2 kubaseKorinthe 12:13

Empeleni nine nentiwa yini kutsi nibe nenhlanhla lembi kunalamanye emabandla ngaphandle kwekutsi nine angizange nginetfwese umtfwalo? Ngitsetseleleni kulesiphosiso!

2 kubaseKorinthe 8:9

Ngobe niyawati umusa weNkhosi yetfu Jesu Khristu, kutsi nome abecebile, kodvwa ngenca yenu waba luphuya, kuze kutsi ngebuphuya bakhe anente nicebe.

Kubase-Efesu 4:28

Lisela alingabe liseba, kepha kunaloko alikhutsale, lisebente lokuhle ngetandla talo, khona litewuba nako lelingahle likwabele labadzingako.

1 kubaseThesalonika 4:11

Timiseleni kuphila ngekuthula, nicaphele lokucondzene nani, nitisebentele nine ngetandla tenu, njengobe sanitjela.

1 kubaseThesalonika 5:14

Bazalwane, siyanikhutsata kutsi necwayise emavila, nibanike sibindzi labaphelelwa ngemandla emoyeni, ninakekele lababutsakatsaka, babeketeleleni bonkhe.

KumaHebheru 13:16

Ningakuyekeli kwenta lokuhle nekuhlephunelana loko leninako, ngobe iminikelo lenjalo iyamtfokotisa Nkulunkulu.

KumaHebheru 13:3

Bakhumbuleni labasemajele, kube shangatsi nani niboshwe kanye nabo. Nibakhumbule nalabo labaphetfwe kabi, kube shangatsi nihlupheka kanye nabo.

3 yaJohane 1:7

Ngobe baphuma egameni laKhristu bangatsatsi lutfo kulabangakholwa kuye.