Imisebenti yebaPhostoli 20:28 - Siswati 1996 Bible

²⁸ Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

Imisebenti yebaPhostoli 20:28 Referencias Cruzadas

Tihlabelelo 74:2

Khumbula libandla lakho lowatikhetsela lona kwasemandvulweni, walihlenga kutsi libe sive lesilifa lakho. Khumbula iNtsaba iSiyoni, lapho wawuhlala khona.

Taga 10:21

Emavi emuntfu lolungile ondla bantfu labanyenti; kodvwa tilima tifa ngenca yekweswela lwati.

Isaya 40:11

Welusa umhlambi wakhe njengemelusi: Ugona emazinyane akhe ngemikhono yakhe, awasondzete edvutane nenhlitiyo yakhe; utihola kahle leto letinemazinyane.

Isaya 63:11

Sive sakhe sase siyawakhumbula emalanga akadzeni, emalanga aboMosi kanye nesive sakhe, batsi: “Uphi lowa lowabeweta lwandle lolubovu bona kanye nebelusi bemhlambi wetimvu takhe? Uphi lowa lowafaka Moya wakhe Longcwele emkhatsini wabo,

Jeremiya 13:17

Kodvwa naningalaleli, ngiyawukhala emasitseleni ngenca yeligcabho lenu. Emehlo ami ayawukhala kabuhlungu kabi agobhote tinyembeti, ngobe umhlambi waSimakadze uyawube utfunjiwe.

Jeremiya 13:20

Phakamisani emehlo enu nibone labo labaphuma enyakatfo. Uphi lomhlambi lebewubekwe etandleni tenu, timvu lebenitigabatisa ngato?

Jeremiya 3:15

“Ngiyawube sengininika belusi benhlitiyo yami, labayakunihola ngelwati nangekucondza.

Jeremiya 31:10

“Vanini livi laSimakadze, nine tive; limemeteleni etichingini letikhashane, nitsi: ‘Lowo lowasakata Israyeli uyawumbutsa futsi, uyakwelusa umhlambi wakhe njengemelusi.’

Hezekeli 34:3

Nidla lihongo, nitembatsise ngetimphahla tensontfo, nitihlabele tifuyo telikhetselo, kodvwa aniwunakekeli umhlambi.

Hezekeli 34:31

“ ‘Nine, timvu tami, timvu telidlelo lami, nisive sami, mine nginguNkulunkulu wenu, kusho iNkhosi Simakadze.’ ”

Mikha 5:4

Nakefika lowo mbusi, uyawubelusa ngemandla aSimakadze, yebo, uyawubaphatsa ngebukhosi baSimakadze longuNkulunkulu wakhe. Sive sakhe siyawuphila ngekuphepha, ngobe bantfu bemhlaba bayawumatisa badvumise bukhulu bakhe.

Mikha 7:14

Simakadze, bani ngumelusi wesive sakho losikhetsile. Nome bantfu bakho bahlala babodvwa ehlane, kodvwa batungeletwe live lelivundzile. Abasukume batondle emadlelweni laneluhlata lolunyenti, eBhashani nakaGileyadi, njengobe babenta kadzenidzeni.

Zakhariya 11:4

Naku lokukhulunywa nguSimakadze Nkulunkulu wami, utsi: “Yelusa timvu letimiselwe kuhlatjwa.

Matewu 16:18

Nami-ke ngitsi: UnguPhetro . Etikwalelidvwala ngiyakulakha libandla lami, nemandla ekufa angeke alehlule.

Matewu 2:6

“ ‘Nawe, Bhetlehema, live lakaJuda, awumncane kangako kunebabusi bakaJuda; ngobe kuwe kuyawuphuma umbusi loyakwelusa sive sami sema-Israyeli.’ ”

Makho 13:9

“Ticapheleni nine, ngobe bayawunimangalela etinkantolo, niyawushaywa emasinagogeni, nimiswe embikwebabusi nemakhosi ngenca yami, nize nibeke bufakazi ngami kubo.

Lukha 12:32

“Ningesabi, mhlambi lomncane, ngobe uYihlo utfokotela kona kutsi aninike umbuso.

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

Imisebenti yebaPhostoli 13:2

Basakhonta iNkhosi, bazila, Moya Longcwele watsi kubo: “Ngehlukaniseleni boBhanabasi naSawula, nibehlukanisele umsebenti lengibabitele wona.”

Imisebenti yebaPhostoli 14:23

Kulelo nalelo bandla babakhetsela babonisi, ngemithandazo nangekuzila babaletsa eNkhosini labayikholwako.

Imisebenti yebaPhostoli 20:17

AseseMilethusi Pawula watfumela umlayeto e-Efesu wacela babonisi belibandla kutsi bamhlangabete.

Imisebenti yebaPhostoli 20:29

Ngiyati kutsi emvakwekuhamba kwami timphisi letesabekako tiyawufika emkhatsini wenu tihlasele tilimate umhlambi wetimvu.

KubaseRoma 16:16

Bingelelanani ngekwangana lokungcwele. Onkhe emabandla aKhristu ayanibingelela.

1 kubaseKorinthe 1:2

Iya ebandleni laNkulunkulu leliseKhorinte, kubo labangcwelisiwe kuKhristu Jesu, babitelwa kuba ngulabangcwele kanye nabo bonkhe, etindzaweni tonkhe, labakhuleka egameni laJesu Khristu, loyiNkhosi yabo neyetfu.

1 kubaseKorinthe 10:32

Ningabi sikhubekiso kumaJuda nakumaGriki, nakulo libandla laNkulunkulu,

1 kubaseKorinthe 11:22

Kantsi nite yini tindlu tekudlela netekunatsela, nome nedzelela libandla laNkulunkulu, nikhinyabete labo labatimphuya? Ngingatsini nje kini? Nginincome? Cha, ngeke nginincome ngaloko.

1 kubaseKorinthe 15:9

Ngobe mine ngingulomncane kubaphostoli, bengingakafaneli nekutsi kutsiwe ngingumphostoli, ngobe ngatingela ngahlupha libandla laNkulunkulu.

1 kubaseKorinthe 6:20

natsengwa ngelinani lelikhulu. Ngako-ke mdvumiseni Nkulunkulu emitimbeni yenu.

KubaseGalathiya 1:13

Senivile ngemphilo yami yakucala ngekwenkholo yebuJuda kutsi ngalihlupha kamatima kanjani libandla laNkulunkulu ngetama kulicedza.

Kubase-Efesu 1:14

Yena usibambiso selifa leliyawuba letfu ngesikhatsi Nkulunkulu ahlenga lokukwakhe, kube ludvumo lwebukhosi bakhe.

Kubase-Efesu 1:7

Ngengati yaJesu sinekuhlengwa nekutsetselelwa kwetono, ngekwengcebo yemusa,

Kubase-Efesu 4:11

Nguye futsi lowapha labanye kutsi babe baphostoli, labanye babe baphrofethi, labanye babe bavangeli, labanye babe belusi, labanye babe bafundzisi.

KubaseFiliphi 1:1

Lencwadzi iphuma kuboPawula naThimothi, tinceku taKhristu Jesu. Iya kubo bonkhe labangcwele baseFiliphi, labakuJesu Khristu, nakubabonisi nebadikhoni:

KubaseKholose 1:14

Kuyo sinekuhlengwa, lokukutsetselelwa kwetono tetfu.

KubaseKholose 4:17

Nitjele Akhipho nitsi: “Caphela kufeza lowo msebenti lowawemukela eNkhosini.”

1 kuThimothi 3:1

Licinisile lelivi lelitsi: Nangabe umuntfu afisa umsebenti wekuba ngumbonisi, ufisa umsebenti lomuhle.

1 kuThimothi 3:2

Umbonisi kufanele kube yindvodza lengasoleki, lenemfati munye, letibambako, lezitsile, lehloniphekile, lephatsa kahle tihambi, lenemasu ekufundzisa,

1 kuThimothi 3:5

Kodvwa nangabe indvodza yehluleka kuphatsa umuti wayo, pho, ingaliphatsa kanjani libandla laNkulunkulu?

1 kuThimothi 4:14

Ungasivilapheli sipho sakho lowasinikwa ngelivi lesiphrofetho ngesikhatsi baholi belibandla babeka tandla etikwakho.

1 kuThimothi 4:16

Uticaphele wena nekufundzisa kwakho, ungesuki kuko; ngobe ngekwenta njalo utawube utisindzisa wena kanye nalabakuvako.

1 kuThimothi 5:17

Babonisi belibandla labaphetse kahle bafanele kubongwa ngalokuphindziwe, ikakhulu labo labasebenta ngekushumayela nangekufundzisa.

kuThithusi 1:7

Umholi, njengobe asisebenti saNkulunkulu, kufanele angasoleki, angatigcabhi, abete lulaka, angabi sidzakwa, abete luchweba, futsi angahaleli inzuzo ngebubi.

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

KumaHebheru 12:15

Nicaphelisise kutsi kubete lophunyulako emseni waNkulunkulu; kubete “imphandze lenashevu” lemila ibange luhlupho, ibulale labanyenti.

KumaHebheru 13:17

Hloniphani baholi benu, nilalele imitsetfo yabo, ngobe balindza imiphefumulo yenu bangaphumuli, njengobe bayawulandzisa ngayo. Nanenta njalo, nibasita, umsebenti wabo batawenta ngekujabula, hhayi ngelusizi; ngobe nani kungeke kunisite loko.

1 yaPhetro 2:25

Ngobe beninjengetimvu letedukile; kodvwa manje seniphendvukele kuMelusi neMlondvoloti wemiphefumulo yenu.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

1 yaJohane 1:7

Kodvwa nasihamba ekukhanyeni, njengobe yena asekukhanyeni, sinebudlelwane lomunye nalomunye, nengati yaJesu, iNdvodzana yakhe, iyasihlanta kuko konkhe kona.

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.