Imisebenti yebaPhostoli 2:33 - Siswati 1996 Bible

³³ Asaphakanyiselwe ngasesandleni sekudla saNkulunkulu wemukeliswa nguYise setsembiso lesinguMoya Longcwele lebesetsenjiswe Yena, wabuye wamtfululela kitsi. Ngiko loku lenikubonako nalenikuvako.

Imisebenti yebaPhostoli 2:33 Referencias Cruzadas

Tihlabelelo 118:16

Sandla sekudla saSimakadze siphakanyiselwe etulu. Sandla sekudla saSimakadze sisebenta ngemandla.”

Tihlabelelo 89:19

Endvulo wase wakhuluma embonweni, kuye lowetsembekile wakho, watsi: “Ngimsitile, ngambeka lolichawe, ngamphakamisa lotsandzekako wami.

Tihlabelelo 89:24

Kwetsembeka kwami nemusa wami kuyawuhlala naye; ngelibito lami kuyawuphakanyiswa luphondvo lwakhe.

Isaya 52:13

“Buka la, inceku yami iyawuphumelela emsebentini wayo, iyawuvuswa iphakanyiselwe etulu kakhulu.

Isaya 53:12

Ngako-ke ngiyawuyinika sabelo emkhatsini walabakhulu, iyakwehlukanisa imphango nalabanemandla, ngobe yatfululela kuphila kwayo ekufeni, yabalwa kanye netoni. Ngobe yetfwala tono talabanyenti, yancusela toni.”

Matewu 28:18

Jesu wasondzela kubo watsi: “Ngiphiwe emandla onkhe ezulwini nasemhlabeni.

Makho 16:19

Emvakwaloko, iNkhosi Jesu seyikhulumile nabo yatsatfwa yenyuselwa ezulwini, yahlala ngesekudla saNkulunkulu.

Lukha 24:49

Mine-ke ngiyawunitfumelela sipho lesetsenjiswa nguBabe; kodvwa hlalani eJerusalema, nize nemukeliswe emandla lavela ngetulu.”

Johane 14:16

Ngiyawucela kuBabe kutsi aniphe lomunye uMdvudvuti kutsi abe kanye nani kuze kube phakadze,

Johane 14:26

Kepha uMeluleki, Moya Longcwele, Babe latamtfumela egameni lami, utanifundzisa konkhe, anikhumbute konkhe lenginitjele kona.

Johane 15:26

“Kodvwa nasefikile uMcondzisi, Moya weliciniso, lengiyawumtfumela kini avela kuBabe, yena uyawufakaza ngami;

Johane 17:5

Manje-ke, Babe, ngikhatimulise kuwe ngaleyo nkhatimulo lenganginayo ngisenawe, umhlaba ungakasekelwa.

Imisebenti yebaPhostoli 1:4

Kwatsi nase bahlangene ndzawonye, wabanika umyalo lotsi: “Ningesuki eJerusalema, kodvwa hlalani nimele sipho lenetsenjiswa sona nguBabe, lenganitjela ngaso.

Imisebenti yebaPhostoli 10:45

Emakholwa emaJuda labephuma eJopha kanye naPhetro amangala kutsi Nkulunkulu utfululele sipho sakhe lesinguMoya Longcwele, ngisho nakubetive imbala;

Imisebenti yebaPhostoli 2:17

“ ‘Utsi Nkulunkulu: “Naku lengiyawukwenta ngetikhatsi tekugcina: Ngiyakutfululela Moya wami etikwabo bonkhe bantfu. Emadvodzana nemadvodzakati enu ayawuphrofetha, emajaha enu ayawubona imibono, emakhehla ayawuphupha emaphupho.

Imisebenti yebaPhostoli 5:31

Nkulunkulu wamenyusela ngasesandleni sakhe sekudla njengeMholi neMsindzisi, kuze anike bantfu baka-Israyeli litfuba lekuphendvuka, kutsetselelwe tono tabo.

KubaseRoma 5:5

Litsemba alijabhisi, ngobe lutsandvo lwaNkulunkulu selutselwe etinhlitiyweni tetfu ngaMoya Longcwele, lesinikwe yena.

KubaseGalathiya 3:14

Loko Khristu wakwenta, kuze kutsi sibusiso lesetsenjiswa Abrahama sifike sinikwe betive ngaJesu Khristu, nekutsi semukele ngekukholwa sipho saMoya lesetsenjiswa sona.

Kubase-Efesu 1:13

Kwaba njalo-ke nakini futsi. Natsi kube nive livi leliciniso, liVangeli lekusindziswa kwenu, nakholwa nguye futsi, nani nabekwa luphawu lolunguMoya Longcwele labetsenjisiwe.

Kubase-Efesu 4:8

Ngaloko kutsiwa: “Watsi nakenyukela etulu, watfumba titfunjwa letinyenti; wapha bantfu tipho.”

kuThithusi 3:6

lowatfululelwa etikwetfu ngalokuchichimako ngaJesu Khristu uMsindzisi wetfu.

KumaHebheru 10:12

Kodvwa kwatsi Khristu nasanikele kwaba kanye kwenela ngemhlatjelo munye wetono, wase uhlala ngesekudla saNkulunkulu,

KumaHebheru 2:9

Kodvwa lesimbonako nguJesu, lowentiwa waba mncane kunetingilosi kwesikhashana. Wetfweswa umchele webukhosi neludvumo ngenca yekuhlupheka kwekufa. Kwaya ngebubele baNkulunkulu kutsi Jesu eve kufa ngenca yebantfu bonkhe.

1 yaPhetro 1:21

Ngaye loKhristu nakholwa kuNkulunkulu, lowamvusa kulabafile, wamnika bukhosi, kuze kutsi nibheke kuNkulunkulu ngelitsemba nangekukholwa.

1 yaPhetro 3:22

Yena sewahamba waya ezulwini, lapho asahleti khona ngesekudla saNkulunkulu; emagunya, nemandla, netingilosi sekwabekwa ngaphansi kwakhe loJesu.