Imisebenti yebaPhostoli 2:23 - Siswati 1996 Bible

²³ Nkulunkulu ngekwatinchanti kwakhe nangentsandvo yakhe abesakumisile kutsi Jesu uyawuniketwa kini; nine-ke nambulala ngekumbetsela esiphambanweni ngetandla tetoni.

Imisebenti yebaPhostoli 2:23 Referencias Cruzadas

Genesisi 50:20

Nine nanitimisele lokubi ngami; kodvwa Nkulunkulu loko wakugucula kwaba ngulokuhle, entela kutsi ngalesikhatsi kusindziswe bantfu labanyenti, bangabulawa yindlala.

Tihlabelelo 76:10

Ngempela lulaka lwebantfu lwengeta indvumiso yakho, labasindze elulakeni lwakho bayimvunulo yakho.

Isaya 37:26

“Awuzange uve yini? Ngakumisa kadzeni. Ngakuhlela ngemalanga asendvulo, manje sesikhatsi sekutsi kwenteke, kutsi ugucule emadolobha latinqaba, wawaphihlita aba tindvundvuma tematje.

Danyela 4:35

Tonkhe tive temhlaba titsatfwa njengelite. Wenta njengobe yena atsandza kuwo emandla asezulwini nakuto tive temhlaba. Kute namunye longavimbela sandla sakhe, nome atsi kuye: ‘Sewenteni?’

Matewu 20:19

Batayinikela etandleni tebetive, kuze iphukutwe, bayishaye, bese bayibetsela esiphambanweni; kodvwa ngelilanga lesitsatfu itawuvuswa ekufeni.”

Matewu 26:24

INdodzana yeMuntfu itawufa kambe, njengobe kubhaliwe ngayo, kepha maye kulowo muntfu, iNdvodzana yemuntfu letawutsengiswa nguye! Bekuyawuba ncono kulowo muntfu kube fane akatalwanga!”

Matewu 27:35

Selimbetsele esiphambanweni, lase lenta inkatho, lehlukaniselana ngetingubo takhe.

Makho 15:24

Emasotja ambetsela esiphambanweni, abelana ngetingubo takhe, entelana inkatho kuze kubonakale kutsi lilinye belitawutfolani.

Lukha 22:22

vele, iNdvodzana yeMuntfu itawufa, njengobe kwamiswa, kodvwa maye kulowo muntfu loyitsengisako!”

Lukha 22:37

Ase nginitjele naku: UmBhalo lotsi: ‘Wabalwa kanye netigelekece,’ kufanele ugcwaliseke ngami. Phela lokwabhalwa ngami sekuyagcwaliseka.”

Lukha 23:33

Batsi kube befike endzaweni leyayibitwa ngekutsi “Sikobho” bambetsela loJesu, kanye naletigelekece letimbili, lesinye ngesekudla nalesinye ngesancele.

Lukha 24:20

nekutsi baphristi betfu labakhulu nebabusi banikela kutsi abulawe, base bambetsela esiphambanweni.

Johane 19:18

Bafike bambetsela esiphambanweni, khona kuleyo ndzawo. Base babetsela lamanye emadvodza lamabili etiphambanweni, lenye ngesekudla nalenye ngesancele, Jesu asemkhatsini wawo.

Johane 19:24

Emasotja akhuluma odvwana atsi: “Asingayisiki, kodvwa asente inkatho sitewubona kutsi itawuba yabani.” Loko kwenteka kuze kutewugcwaliseka umBhalo lotsi: “Behlukaniselana ngetimphahla tami, bentelana inkatho ngengubo yami.” Ngako emasotja akwenta loko.

Imisebenti yebaPhostoli 13:27

Bantfu labahlala eJerusalema nebaholi babo abazange bati kutsi Jesu unguMsindzisi, abevanga nemavi ebaphrofethi labawafundza njalo ngemaSabatha, kepha bawagcwalisa ngekubulala Jesu.

Imisebenti yebaPhostoli 15:18

kwateke kusukela emandvulweni.’ ”

Imisebenti yebaPhostoli 2:36

“Bonkhe bantfu baka-Israyeli, kufanele bati kahle kutsi nguye yena loJesu, lenambetsela esiphambanweni, Nkulunkulu lasamente iNkhosi naKhristu!”

Imisebenti yebaPhostoli 3:18

Nkulunkulu wakumemetela kucala ngabo bonkhe baphrofethi kutsi Khristu abefanele kuhlupheka; nembala loko sekugcwalisekile ngalendlela.

Imisebenti yebaPhostoli 4:28

Bahlangana benta konkhe loko, wena ngemandla nentsandvo yakho, wawuvele ukumisenchanti kutsi kwenteke.

Imisebenti yebaPhostoli 5:28

Watsi: “Saniyalisisa kutsi ningafundzisi ngelibito lalomuntfu, kodvwa ase nibuke lesenikwentile! Senisakate lemfundziso yenu yaze yagcwala lonkhe lelidolobha laseJerusalema, senifuna kutsi sibe nelicala ngekufa kwakhe!”

Imisebenti yebaPhostoli 5:30

Nkulunkulu wabokhokho betfu wamvusa loJesu ekufeni, emvakwekuba senimbulele ngekumbetsela esiphambanweni.

Imisebenti yebaPhostoli 7:52

Ukhona nje yena munye umphrofethi longazange ahlushwe bokhokho benu? Babulala titfunywa taNkulunkulu, letatimemetela ngembili ngekufika kweSisebenti sakhe lesilungile. Manje senimtsengisile nambulala.

KubaseRoma 2:12

Bonkhe labone bate umtsetfo bayawubhujiswa ngaphandle kwemtsetfo, nalabo labone banemtsetfo bayakwehlulelwa ngemtsetfo.

KubaseRoma 4:17

njengobe kubhaliwe kutsi: “Ngikukhetsele kutsi ube nguyise wetive letinyenti.” Lesetsembiso wasemukela kuNkulunkulu labemetsemba; lowo-ke nguNkulunkulu lovusa labagfile baphile. Nguye lokhuluma bese kuba khona lokungazange sekube khona.

1 kubaseThesalonika 2:15

LamaJuda ngiwo kanye lawo labulala iNkhosi Jesu kanye nebaphrofethi, natsi asicitsa, ayekela kwenta intsandvo yaNkulunkulu, aphambana nebantfu bonkhe.

1 yaPhetro 1:2

Ngekwatinchanti kwakhe Nkulunkulu uYise wanikhetsa ngekuningcwelisa ngaMoya Longcwele, kuze nilalele Jesu Khristu nihlantwe ngengati yakhe. Shangatsi umusa nekuthula kungandziswa kakhulu kini!

1 yaPhetro 1:20

Yena watinchanti, live lisengakasekelwa, kodvwa wabonakaliswa kuletikhatsi tekugcina ngenca yenu.

1 yaPhetro 2:8

Kulenye indzawo utsi: “Leli litje leliyawukhuba bantfu, lidvwala lekubawisa.” Nembala bayakhutjwa labo labangalilaleli livi; vele bamiselwe kona loko.

YaJuda 1:4

Ngobe kukhona labangene ngekunyelela ebandleni. ImiBhalo kadze yasho ngalabo bantfu kutsi bamiselwe kubhujiswa kwaphakadze. Abamesabi Nkulunkulu; sebaguculele umusa wakhe bawenta siyalu sebugwadla nebuphingi, baphika Jesu Khristu, iNkhosi yetfu, lekunguye yedvwa uMbusi.

Sembulo 13:8

Bonkhe labahlala emhlabeni bayawusikhonta, bokhe labo lekwatsi umhlaba ungakasekelwa emabito abo angete abhalwa encwadzini yekuphila yeliWundlu lelahlatjwa.