Imisebenti yebaPhostoli 2:20 - Siswati 1996 Bible

²⁰ Lilanga liyawuba mnyama, inyanga ibe bovu njengengati, lingakefiki lilanga lelikhulu nalelimatima leNkhosi.

Imisebenti yebaPhostoli 2:20 Referencias Cruzadas

Isaya 13:10

Umtsentse welizulu kanye nato tonkhe tinkhanyeti ngemabutfo ato kungeke kukuvete kukhanya kwako. Lilanga leliphumako litakwentiwa libe mnyama, ngisho nenyanga iyakwehluleka kukhanyisa.

Isaya 13:15

Lowo loyawutfunjwa uyawugwazwa; bonkhe labayawubanjwa bayawudliwa yinkemba.

Isaya 13:9

Bukani, lilanga laSimakadze liyasondzela, lilanga lelinelulaka, nentfukutselo, nelulaka lolwesabekako; litekwenta live libe lihlane, libuye libhubhise netoni letikulo.

Isaya 24:23

Inyanga iyawufiphala, lilanga lidliwe ngemahloni; ngobe Simakadze longuSomandla uyawubusa eNtsabeni yaseSiyoni naseJerusalema, yebo, abuse ngeludvumo embikwebaholi bayo.

Isaya 34:8

Ngobe Simakadze unelilanga lekuphindzisela, umnyaka wekubuyisela ngenca yendzaba yaseSiyoni.

Jeremiya 4:23

Ngabuka umhlaba, wawungenasimo, ungenalutfo; ngabuka nasemazulwini, kukhanya kwawo kwase kunyamalele.

Joweli 2:1

Vutselani licilongo eSiyoni, nilikhalise entsabeni yami lengcwele. Bonkhe labahlala eveni abatfutfumele, ngobe lilanga laSimakadze liyeta, yebo, selisondzele.

Joweli 2:31

Lilanga liyawuba mnyama, inyanga ibe bovu njengengati, lingakefiki lilanga lelikhulu nalelesabekako laSimakadze.

Joweli 3:14

Ticumbi ngeticumbi esigodzini sekwehlulela! Ngobe lilanga laSimakadze selisondzele esigodzini sekwehlulela!

Amose 8:9

INkhosi Simakadze itsi: “Ngalelo langa ngiyakwenta lilanga lishone emini, ngente umhlaba ube mnyama emini kala bha.

Malakhi 4:5

“Bukani la, ngiyawunitfumelela umphrofethi Elija, lingakefiki lelo langa lelikhulu nalelesabekako laSimakadze.

Matewu 24:29

“Kepha masinyane nje emvakwaleto tinhlupheko, “ ‘lilanga liyawufiphala, nenyanga iyawubate kukhanya, netinkhanyeti tidzilike esibhakabhakeni, nemandla emkhatsi ayawunyakatiswa.’

Matewu 27:45

Kepha kusukela ngeli-awa leli-12 emini umhlaba wonkhe waba mnyama, kwaze kwaba li-awa lesitsatfu.

Makho 13:24

“Ngalawo malanga emvakwaleto tinhlupheko, “ ‘lilanga liyawufiphala, nenyanga iyawubate kukhanya,

Lukha 21:25

“Kuyawuba netibonakaliso elangeni, nasenyangeni, nasetinkhanyetini; emhlabeni tonkhe tive tiyawufikelwa kudzidzeka nekudzangala, tesabe kudvungutela nekudvuma kwelwandle nemagagasi alo,

Imisebenti yebaPhostoli 2:19

Ngiyakwenta timangaliso etulu esibhakabhakeni, netibonakaliso emhlabeni phansi: ingati, nemlilo, nekushunqa kwentfutfu.

Imisebenti yebaPhostoli 2:21

Labo-ke, labayawulibita libito leNkhosi, bayawusindziswa.” ’

1 kubaseKorinthe 5:5

lowo muntfu mnikeleni kuSathane ekufeni kwemtimba wakhe, khona kuyawusindziswa umoya wakhe ngelilanga leNkhosi Jesu.

1 kubaseThesalonika 5:2

Ngobe nine ngekwenu nati kahle kamhlophe kutsi lilanga leNkhosi liyawufika, njengelisela lifika ebusuku.

2 yaPhetro 3:10

Kepha lilanga leNkhosi liyawufika njengelisela, mhlazana emazulu ayakwendlula ngekuhlokoma; tonkhe tisekelo temkhatsi tiyakusha tincibilike, umhlaba nemisebenti lekuwo kuyawusha.

2 yaPhetro 3:7

Kepha ngalo lelivi emazulu nemhlaba lokukhona nyalo kugcinelwe umlilo ngelilanga lekwehlulelwa, lapho kuyawubhujiswa khona labangamesabi Nkulunkulu.

Sembulo 16:8

Ingilosi yesine yatfululela sitja sayo elangeni; lavunyelwa kutsi lishise bantfu ngekushisa lokukhulu.

Sembulo 6:12

Latsi liWundlu nalicatulula luphawu lwesitfupha, ngabona kutamatama lokukhulu kwemhlaba. Lilanga laba mnyama njengendvwangu yelisaka leboya, inyanga yaba njengengati.