Imisebenti yebaPhostoli 2:14 - Siswati 1996 Bible

¹⁴ Kodvwa Phetro wasukuma akanye nebaphostoli labali-11, wakhuluma ngelivi lelikhulu watsi: “Sive semaJuda, nani nonkhe lenakhile eJerusalema, yatini loku; bekani indlebe ningilalele kahle.

Imisebenti yebaPhostoli 2:14 Referencias Cruzadas

Taga 8:32

“Manje-ke, madvodzana ami, ngilaleleni, babusisiwe labo labagcina imiyalo yami.

Isaya 40:9

Wena loletsa tindzaba letimnandzi eSiyoni, khuphukela entsabeni lephakeme. Wena loletse tindzaba letimnandzi eJerusalema, phakamisa livi lakho, umemete, liphakamise, ungesabi. Tsanini kuwo emadolobha akaJuda: “Nangu Nkulunkulu wenu!”

Isaya 51:1

“Lalelani kimi, nine lenifunisisa kulunga, nalenifuna Simakadze: Bukani kulelo dvwala lenacetulwa kulo nakuleyo nkwali lenacotwa kuyo,

Isaya 51:4

“Lalelani kimi, bantfu bami, ngiveni, sive sami: Umtsetfo uyawuphuma kimi, umtsetfocotfo wami uyawuba kukhanya etiveni.

Isaya 51:7

“Ngilaleleni, nine lenati kutsi kuyini lokulungile, nine bantfu leninemtsetfo wami etinhlitiyweni tenu: Ningakwesabi kusolwa bantfu, ningetfuswa ngisho natinhlamba tabo.

Isaya 52:8

Lalela! Balindzi bakho bayamemeta; bonkhe bamemeta ngekujabula. Bayawutibonela ngewabo emehlo Simakadze nakabuyela eSiyoni.

Isaya 55:2

Niyicitselani imali kuloko lokungesiso sinkhwa? Niyisebentelani intfo lengenelisi? Lalelani, lalelani kimi, nidle loko lokulungile, nemphefumulo wenu uyawujabula ngekudla lokumnandzi kakhulu.

Isaya 58:1

Nkulunkulu utsi: “Kumemetele ngelivi lelikhulu, ungatibambi. Phakamisa livi lakho njengelicilongo. Tjela bantfu bami kuhlubuka kwabo, indlu yakaJakobe tono tayo.

Hoseya 8:1

“Beka licilongo etindzebeni takho temlomo! Lusweti lusetikwendlu yaSimakadze, ngobe sive sisephulile sivumelwane sami, sawuhlubuka nemtsetfo wami.

Matewu 2:1

Kwatsi kube kutalwe Jesu eBhetlehema esigodzini saseJudiya ngesikhatsi Herodi ayinkhosi, kwefika tati eJerusalema tiphuma emphumalanga,

Imisebenti yebaPhostoli 1:26

Base benta inkatho emkhatsini walabo bobabili. Inkatho yadla Mathiyasi, wase uyengetwa kulabaphostoli labesebali-11.

Imisebenti yebaPhostoli 13:16

Pawula wasukuma waphakamisa sandla kuze batemlalela watsi: “Nine baka-Israyeli, nani lenimesabako Nkulunkulu, lalelani!

Imisebenti yebaPhostoli 2:22

“Madvodza aka-Israyeli, vanini lamavi! Jesu waseNazaretha abeyindvodza leyafakazelwa nguNkulunkulu embikwenu, ngemisebenti lemikhulu yemandla, nangetimangaliso kanye nangetibonakaliso letentiwa nguNkulunkulu ngaye; nani matfupha niyakwati loku, ngobe kwenteka emehlweni enu.

Imisebenti yebaPhostoli 21:28

amemeta atsi: “Madvodza aka-Israyeli, sitani! Nangu lomuntfu lohamba tonkhe tindzawo afundzisa bantfu lokuphambene nesive sakitsi, nemtsetfo waMosi kanye nalendzawo. Manje-ke sewudzimate wafaka bantfu betive ethempelini kutsi batewungcolisa lendzawo lengcwele.”

Imisebenti yebaPhostoli 5:35

Wase ukhuluma kuleLiqoqo utsi: “Madvodza aka-Israyeli, caphelisisani ngaloko lenifuna kukwenta kulamadvodza.

Imisebenti yebaPhostoli 7:2

Stefano waphendvula watsi: “Bazalwane, nani bobabe, lalelani kimi! Nkulunkulu weludvumo wabonakala kukhokho wetfu Abrahama asahlala eMesophothamiya, asengakatfutsi kuyakwakha eHarani,

Dutheronomi 27:9

Mosi kanye nebaphristi labangemaLevi bakhuluma kuwo onkhe ema-Israyeli, batsi: “Thulani, sive sema-Israyeli, nilalele kahle! Lamuhla senisive saSimakadze Nkulunkulu wenu.

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?