Imisebenti yebaPhostoli 19:34 - Siswati 1996 Bible

³⁴ Batsi kube babone kutsi ungumJuda, base bayamemeta kanyekanye sikhatsi lesingaba ngema-awa lamabili batsi: “Lomkhulu nguDiyana webase-Efesu!”

Imisebenti yebaPhostoli 19:34 Referencias Cruzadas

1 Emakhosi 18:26

Ngako batsatsa lenkunzi lababenikwe yona, bayilungisa. Base babita libito laBhali kusukela ekuseni kwaze kwaba ngusemini. Bamemeta batsi: “Hhawu, Bhali, siphendvule!” Kodvwa kwabate imphendvulo; kute lowaphendvula. Bagidza batungeleta lelilati lababelakhile.

Matewu 6:7

“Kodvwa nanithandazako, ningalibali kukhuluma emagama lamanyenti langasho lutfo, njengebetive labacabanga kutsi batawuvakala ngekukhuluma kwabo lokunyenti.

Imisebenti yebaPhostoli 16:20

Babayisa etimantjini temaRoma befike batsi: “Labantfu bangemaJuda, futsi bayahlupha lapha edolobheni letfu.

Imisebenti yebaPhostoli 19:24

Indvodza lebeyisebentisa isiliva, libito layo kunguDemetriyusi, yayenta titfombe letincane telithempeli laDiyana, labengunkulunkulu lomsikati. Lomsebenti bewungenisa imali lenyenti kubakhandzi.

Imisebenti yebaPhostoli 19:26

Niyatibonela, futsi niyativela konkhe lokwentiwa ngulendvodza lenguPawula. Utsi bonkulunkulu labakhiwe ngetandla abasibo bonkulunkulu sibili, sewugucule bantfu labanyenti, hhayi kuleli lase-Efesu kuphela kodvwa cishe kulo lonkhe lase-Asiya.

Imisebenti yebaPhostoli 19:28

Kwatsi kube bantfu bakuve loko, batfukutsela babila, bacala bamemeta batsi: “Lomkhulu nguDiyana webase-Efesu!”

Imisebenti yebaPhostoli 19:33

Ngesikhatsi emaJuda asafucela Alekzanda ngembili, labanye betama kumtjela kutsi kwentekani. Alekzanda-ke waphakamisa sandla afuna kukhuluma ashwelete kulesicumbi.

Imisebenti yebaPhostoli 19:35

Ekugcineni mabhalane welidolobha waze wabathulisa, watsi: “Madvodza ase-Efesu, nonkhe niyati kutsi lelidolobha lase-Efesu ngulapho kuhlala khona lithempeli laDiyana lomkhulu kanye nelitje lelingcwele lelehla ezulwini.

KubaseRoma 2:22

Utsi akungaphingwa, pho, wena uphingelani? Utondza tithico, kodvwa uwagcekezelani emathempeli?

Sembulo 13:4

Bantfu bakhonta lonyokangwenya, ngobe emandla akhe abewanike lesilo; lesilo basikhonta batsi: “Ngubani longalwa naso?”