Imisebenti yebaPhostoli 19:27 - Siswati 1996 Bible

²⁷ Kukhona ingoti yekutsi lomsebenti wetfu utfole ligama lelibi. Akusiko loko kodvwa kepha nengoti yekutsi lithempeli lankulunkulu lomkhulu, Diyana, lingeke lisanakwa ngumuntfu, kutawuphela bonkhe bukhulu bakhe, lonkulunkulu lokhontwa kulo lonkhe lase-Asiya nasemhlabeni wonkhe jikelele.”

Imisebenti yebaPhostoli 19:27 Referencias Cruzadas

Isaya 44:17

Kulesigodvo lesisele ubata nkulunkulu, lekusithico sakhe, akhotsame kuso, asikhonte. Uthandaza kuso atsi: “Ngisindzise; wena ungunkulunkulu wami.”

Zefaniya 2:11

Simakadze uyakwesabeka kubo, nase abhubhisa bonkhe bonkulunkulu balelo live. Tive letikulo lonkhe lusentse lwelwandle tiyakumkhonta, nguleso naleso sive eveni laso.

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

Matewu 24:14

LeliVangeli ngembuso liyawushunyayelwa emhlabeni wonkhe, kuze kube bufakazi etiveni tonkhe, bese-ke kuyefika kuphela.”

Imisebenti yebaPhostoli 19:10

Loku kwachubeka iminyaka lemibili, kwaze kwatsi onkhe emaJuda nemaGriki labehlala e-Asiya aliva livi leNkhosi.

Imisebenti yebaPhostoli 19:21

Emvakwaloko Pawula watimisela emoyeni wakhe kudzabula eMasedoniya nase-Akhaya aze ayewufika eJerusalema, atsi: “Nangisuka kuletindzawo kufanele ngifike naseRoma.”

1 kuThimothi 6:5

nemsindvo wembango longapheli webantfu labanengcondvo leyonakele, futsi labemukwe neliciniso, bacabange kutsi kwesaba Nkulunkulu yindlela yenzuzo.

1 yaJohane 5:19

Siyati kutsi sibaNkulunkulu nekutsi umhlaba wonkhe ungephansi kwemandla aLomubi.

Sembulo 13:3

Lenye yetinhloko taso yayilinyatwe yakhehletwa sakufa, kodvwa lelinceba laso lekufa lelashwa laphola, wonkhe umhlaba wamangala wasilandzela lesilo.

Sembulo 13:8

Bonkhe labahlala emhlabeni bayawusikhonta, bokhe labo lekwatsi umhlaba ungakasekelwa emabito abo angete abhalwa encwadzini yekuphila yeliWundlu lelahlatjwa.

Sembulo 14:9

Kwalandzela ingilosi yesitsatfu; yakhuluma ngelivi lelikhulu yatsi: “Nakukhona lokhonta silo nemfanekiso waso, emukele neluphawu lwaso ebuntini lakhe nasesandleni sakhe,