Imisebenti yebaPhostoli 19:19 - Siswati 1996 Bible

¹⁹ Labanyenti balabo lababenemilingo baletsa tincwadzi tabo temilingo ndzawonye batokhela ngemlilo, bonkhe bantfu babuka. Bahlanganisa imali yaletincwadzi, kwatfolakala tinhlavu tesiliva letiti-50 000.

Imisebenti yebaPhostoli 19:19 Referencias Cruzadas

Genesisi 35:4

Ngako-ke base batinika Jakobe tithico tebetive lababenato kanye nemacici lababewafake etindlebeni tabo. Jakobe wakumbela ngaphansi kwesihlahla se-okhi edvute neShekemu.

1 Tikhronike 10:13

Sawula wafa, ngobe abengaketsembeki kuSimakadze; akazange aligcine livi laSimakadze, wadzimate wayawufuna indlela nasesangomeni imbala,

2 Tikhronike 33:6

Wanikela ngemadvodzana akhe kutsi ashiswe emlilweni eSigodzini sakaBheni Hinomu, wangenela bungoma, nemilingo, nebutsakatsi, watihlanganisa nalabanemadloti nalabaphengulako. Wenta lokubi kakhulu emehlweni aSimakadze, wamtfukutselisa.

Eksodusi 32:20

Watsatsa lelitfole lelase lakhiwe, walishisa ngemlilo, waligaya, lacolisakala laba yimphuphu, walibhuca ngemanti, watsi onkhe ema-Israyeli akalinatse.

Eksodusi 7:11

Faro wabita tihlakaniphi kanye nalabalumbako bakakhe. Nabo labalumbi baseGibhithe bakwenta loko ngemilingo yabo.

Eksodusi 7:22

Labalumbi baseGibhithe nabo bakwenta loko ngemilingo yabo. Ngako-ke inhlitiyo yaFaro yachubeka yaba lukhuni kakhulu, akazange akulalele loko babemtjela kona, kwaya njengobe Simakadze abeshito.

Isaya 30:22

Niyawube seniyatedzelela letithico tenu letembeswe ngesiliva, naletitfombe tenu letimbonywe ngegolide, niyakutilahla khashane, kube shangatsi tidvwedvwe letingcolile, nitsi kuto: “Sukani la.”

Isaya 8:19

Bantfu batanitjela kutsi: “Yanini etangomeni nakulababhulako, labo labahlebako banhhinklile.” Batsi: “Sive akukafaneli yini kutsi sibute kuNkulunkulu waso?” Indlela ifunelwani kulabafile egameni lalabaphilako?

Danyela 2:2

Ngako inkhosi yabita tangoma, nebatsebuli, nebaphenguli, kanye nabosonkhanyeti kutsi batemtjela kutsi ubhudzeni. Batsi kube befike beme embikwenkhosi,

Levithikusi 13:52

Kufanele ayishise leyo ngubo, nome imicu nome umtiya nome insontfo, nome intfo yesikhumba nome yentiwe ngani, lapho kubonakale lelobala khona; ngobe phela loko kusasikhuntsa lesitsatselwanako lekufanele kushiswe.

Lukha 14:33

Jesu wagcina ngekutsi: “Kunjalo-ke nakini, kute longaba ngumfundzi wami ngaphandle kwekutsi adzele konkhe lanako.”

Lukha 15:8

“Nome-ke ake sitsi: Umfati lonetinhlavu tesiliva letilishumi alahlekelwe ngulolunye, wente njani? Akasikhanyisi yini sibane atsanyele indlu yakhe alufunisise adzimate alutfole?

Imisebenti yebaPhostoli 13:6

Bahamba yonkhe indlela lejuba esichingini baya ePhafosi, lapho bahlangana naBhajesu labesangoma, umJuda labengumphrofethi wemanga.

Imisebenti yebaPhostoli 13:8

Kepha baphikiswa ngu-Elimasi labesangoma, leyo yinchazelo yelibito lakhe lesiGriki; wetama kuvimbela umbusi ekukholweni.

Imisebenti yebaPhostoli 19:18

Labanyenti labese bakholiwe beta bavuma konkhe labebakwentile.

KumaHebheru 10:34

Naba nesihawu kulabo bebaboshiwe, nacinisela ngekujabula nanemukwa timphahla tenu, ngobe nanati kutsi nine ninalokuncono lokukhonsako.