Imisebenti yebaPhostoli 18:27 - Siswati 1996 Bible

²⁷ Kwatsi nasafuna kwewelela eGrisi, bazalwane bamkhutsata, base babhalela bazalwane kutsi babomemukela. Watsi kube efike, waba lusito lolukhulu kulabo bese bakholiwe ngemusa waNkulunkulu;

Imisebenti yebaPhostoli 18:27 Referencias Cruzadas

Imisebenti yebaPhostoli 1:15

Kulawo malanga kusahlangene emakholwa labengaba li-120 asawonkhe, Phetro wasukuma watsi:

Imisebenti yebaPhostoli 11:26

Kwatsi lapho amkhandza, wamletsa e-Antiyokhi. Umnyaka wonkhe bobabili babehlanganyela nebantfu belibandla, babefundzisa sicuku lesikhulu. Kwakuse-Antiyokhi lapho bafundzi babitwa kwekucala ngekutsi ngemaKhristu.

Imisebenti yebaPhostoli 15:34

Kodvwa Silasi wakhetsa kuhlala lapho.]

Imisebenti yebaPhostoli 18:12

Kwatsi ngesikhatsi kuphetse Galiyo e-Akhaya, onkhe emaJuda ase ahlanganyela Pawula ambamba amyisa enkantolo,

Imisebenti yebaPhostoli 18:18

Pawula wahlala nebazalwane emalanga lamanyenti. Wase uyabashiya wahamba ngemkhumbi naboPhrisila na-Akhwila baya eSiriya. Angakahambi eKhenkhariya wahhula inhloko yakhe, ngobe abente sifungo.

Imisebenti yebaPhostoli 19:1

Kwatsi ngesikhatsi Apolosi aseseKhorinte, Pawula wahamba wadzabula esifundzeni lesingenhla nelive waze wefika e-Efesu. Wakhandza bafundzi labatsite,

Imisebenti yebaPhostoli 9:27

Noko Bhanabasi wamsita ngekutsi amtsatse amyise kubaphostoli. Wafike wabachazela kutsi Sawula wayibona kanjani iNkhosi endleleni, nekutsi iNkhosi yakhuluma naye. Wabatjela futsi nekutsi Sawula washumayela kanjani ngesibindzi ngelibito laJesu eDamaseko.

KubaseRoma 1:5

Ngaye loJesu semukele umusa nebuphostoli, kuze kutsi egameni lakhe bantfu etiveni tonkhe sibaholele ekukholweni nasekutfobeleni Nkulunkulu.

1 kubaseKorinthe 15:10

Kepha ngemusa waNkulunkulu nginguloku lengingiko, nemusa wakhe kimi awuzange ube lite, kodvwa ngasebenta kakhulu kunabo bonkhe, noko kungesimi, kodvwa kungumusa waNkulunkulu lonami.

1 kubaseKorinthe 16:3

Nase ngifikile, labo lenibakhetsile ngitawubatfumela kanye netincwadzi tekubetfula, bamikise letipho tenu telutsandvo eJerusalema.

1 kubaseKorinthe 3:6

Mine ngahlanyela nje, Apolosi yena wafike wanisela, kepha nguNkulunkulu lokhulisile.

2 kubaseKorinthe 1:24

Asisho kutsi tsine sitikhulu etikwekukholwa kwenu, kodvwa sibambisene nani ekusebenteleni kujabula kwenu, ngobe nisimile ekukholweni.

KubaseFiliphi 1:25

Kuloko ngineliciniso, futsi nginelitsemba lekutsi ngisetawuphila. Ngisetawuhlala nani nonkhe nginisite kutsi nikhule ekukholweni kwengeteke injabulo yenu,

KubaseFiliphi 1:29

Ngobe ngenca yaKhristu nine nabelwa ngemusa angisho kukholwa kuye kuphela, kepha nekuhlupheka ngenca yakhe.

KubaseKholose 2:12

Nembelwa kanye naye embhabhatisweni, lokungawo futsi navuswa kanye naye ngekukholwa ngemandla aNkulunkulu, lowamvusa ekufeni.

KubaseKholose 4:10

Uyanihambisa Aristakhusi losiboshwa kanye nami, naMakho, umzala waBhanabasi, lenatjelwa ngaye, nakefika lapho kini nibomemukela.