Imisebenti yebaPhostoli 18:18 - Siswati 1996 Bible

¹⁸ Pawula wahlala nebazalwane emalanga lamanyenti. Wase uyabashiya wahamba ngemkhumbi naboPhrisila na-Akhwila baya eSiriya. Angakahambi eKhenkhariya wahhula inhloko yakhe, ngobe abente sifungo.

Imisebenti yebaPhostoli 18:18 Referencias Cruzadas

Numeri 6:18

LomNaziri-ke uyawube sewuyatihhula tinwele takhe enhloko yakhe ahhulele emnyango welithende lekuhlangana, atsatse letinwele tenhloko yakhe lengcwele atifake emlilweni longaphansi kwemnikelo wekuthula.

Numeri 6:2

“Tjela sive sema-Israyeli utsi: ‘Nome ngubani lomdvuna nome lomsikati, loyakwenta setsembiso sekuba ngumNaziri ngekutehlukanisela Simakadze,

Matewu 4:24

Ludvumo ngaye lwandza nalo lonkhe laseSiriya, kangangekutsi kwaletfwa kuye bonkhe bantfu lababegula, baphetfwe tinhlobonhlobo tekufa, nalababekhatsatwe tinhlobonhlobo tetinhlupheko: lababenemadimoni, nalababenesitfutfwane, nalababefe tinhlangotsi; Jesu wabaphilisa bonkhe.

Makho 6:46

Watsi nasabahambisile, wenyukela entsabeni wayawukhuleka.

Imisebenti yebaPhostoli 1:15

Kulawo malanga kusahlangene emakholwa labengaba li-120 asawonkhe, Phetro wasukuma watsi:

Imisebenti yebaPhostoli 15:23

Kwatfunyelwa ngabo incwadzi leyayitsi: “Yemukelani nanso incwadzi levela kubaphostoli nebazalwane labababonisi lababingelela bazalwane betive ngekutalwa, labahlala edolobheni lase-Antiyokhi nasetifundzeni taseSiriya naseSilisiya.

Imisebenti yebaPhostoli 15:41

Wahamba wadzabula eSiriya naseSilisiya, acinisa emabandla.

Imisebenti yebaPhostoli 18:2

Lapho akhandzana neliJuda, libito lalo kungu-Akhwila lekutalwa ePhontusi belisandza kubuya eTaliyane nemkalo Phrisila, ngobe Klawudiyuse bekacoshe onkhe emaJuda kutsi akesuke eRoma. Pawula wase uyawubabona,

Imisebenti yebaPhostoli 18:26

Lo-Apolosi wacala kushumayela ngesibindzi esinagogeni kwatsi kube Phrisila na-Akhwila bamuve, bamtsatsa bamyisa ekhaya bafike bamchazela kahle ngeNdlela yaNkulunkulu.

Imisebenti yebaPhostoli 18:27

Kwatsi nasafuna kwewelela eGrisi, bazalwane bamkhutsata, base babhalela bazalwane kutsi babomemukela. Watsi kube efike, waba lusito lolukhulu kulabo bese bakholiwe ngemusa waNkulunkulu;

Imisebenti yebaPhostoli 21:23

Yenta naku-ke lesikutjela kona. Kukhona emadvodza lamane lapha lente sifungo.

Imisebenti yebaPhostoli 21:24

Hamba nalamadvodza utihlanganise nawo nitihlambulule ngekwelisiko, bese uwakhokhela tindleko tawo; atawube asahhula tinwele tetinhloko tawo. Ngekwenta njalo-ke bonkhe bantfu batakwati kutsi kute liciniso kuto tonkhe letintfo labatjelwe tona ngawe, kepha batakwati kutsi nawe uhamba ngawo umtsetfo waMosi.

Imisebenti yebaPhostoli 21:3

Sefika endzaweni lapho sabona khona sichingi saseSiphrosi, sasigudla ngaseningizimu saya eSiriya. Sehlela eThire, ngobe lapho bekutakwehla khona timphahla betisemkhunjini.

KubaseRoma 16:1

Ngetfula kini nango dzadzewetfu Foyibe longumdikhonikati welibandla laseKhenkhariya.

1 kubaseKorinthe 9:20

KumaJuda ngafike ngaba ngumJuda, kuze ngizuze emaJuda; njengobe bangaphansi kwemtsetfo, ngaba ngulongaphansi kwemtsetfo, nome mine ngingekho ngaphansi kwawo. Ngangentela kutsi ngitewuzuza bantfu labangaphansi kwemtsetfo.

KubaseGalathiya 1:21

Ngase ngiya etifundzeni taseSiriya naseSilisiya.