Imisebenti yebaPhostoli 18:12 - Siswati 1996 Bible

¹² Kwatsi ngesikhatsi kuphetse Galiyo e-Akhaya, onkhe emaJuda ase ahlanganyela Pawula ambamba amyisa enkantolo,

Imisebenti yebaPhostoli 18:12 Referencias Cruzadas

Matewu 27:19

Watsi Philatu asahleti esihlalweni sekwehlulela, umfati wakhe watfumela kuye livi atsi: “Ungatifaki endzabeni yalowo muntfu longenacala, ngobe angikalali ngihlushwa ngaye ngeliphupho ebusuku balamuhla.”

Johane 19:13

Nakeva loko Philatu, wamkhiphela ngephandle loJesu, wahlala esihlalweni sekwehlulela, endzaweni lekwakutsiwa: Yindzawo Leyilwe Ngematje. (NgesiHebheru yiGabhatha).

Imisebenti yebaPhostoli 13:12

Umbusi wakholwa nakabona loko lokwase kwentekile, ikakhulu wamangaliswa yimfundziso yeNkhosi.

Imisebenti yebaPhostoli 13:50

Kodvwa emaJuda afaka umoya wetikhova ebafatini lababehloniphekile lababephendvukele enkholweni yebuJuda nasemadvodzeni labesembili kulelo dolobha. Bacala bahlupha boPawula naBhanabasi, babacosha kuleyo ndzawo yakubo.

Imisebenti yebaPhostoli 13:7

Abenembusi waleso sichingi, Segiyusi Pawulusi, labeyindvodza lehlakaniphile. Umbusi wabita boBhanabasi naSawula kutsi abete kuye ngobe afuna kuva livi laNkulunkulu.

Imisebenti yebaPhostoli 13:8

Kepha baphikiswa ngu-Elimasi labesangoma, leyo yinchazelo yelibito lakhe lesiGriki; wetama kuvimbela umbusi ekukholweni.

Imisebenti yebaPhostoli 14:19

Lamanye emaJuda efika aphuma e-Antiyokhi yasePhisidiya nase-Ikhoniyumi; asasivumisile sicuku, agcoba Pawula ngematje, amhudvulela ngephandle kwelidolobha acabanga kutsi sewufile.

Imisebenti yebaPhostoli 14:2

Kepha emaJuda labengakholwa afaka lulwimi lolubi kubetive kuze bavukele bazalwane.

Imisebenti yebaPhostoli 17:13

Kwatsi kube emaJuda aseThesalonika eve kutsi livi laNkulunkulu belishunyayelwa nguPawula naseBheriya, efika nakhona kutewususa sidvungudvungu.

Imisebenti yebaPhostoli 17:5

Kodvwa emaJuda aba nemona ase abutsa tihlophoyi letatitizulela etitaladini atihlanganisa, atsi atisuse umsindvo tihlasele umuti waJasoni, afuna kukhipha boPawula naSilasi abaletse embikwemkhambatsi.

Imisebenti yebaPhostoli 18:11

Ngako-ke wabe sewuhlala umnyaka netinyanga letisitfupha afundzisa bantfu livi laNkulunkulu.

Imisebenti yebaPhostoli 18:27

Kwatsi nasafuna kwewelela eGrisi, bazalwane bamkhutsata, base babhalela bazalwane kutsi babomemukela. Watsi kube efike, waba lusito lolukhulu kulabo bese bakholiwe ngemusa waNkulunkulu;

Imisebenti yebaPhostoli 19:21

Emvakwaloko Pawula watimisela emoyeni wakhe kudzabula eMasedoniya nase-Akhaya aze ayewufika eJerusalema, atsi: “Nangisuka kuletindzawo kufanele ngifike naseRoma.”

Imisebenti yebaPhostoli 25:10

Kodvwa Pawula watsi: “Ngime embikwesihlalo sekwehlulela saKhesari, uMbusi, ngulapho-ke lakufanele licala lami litsetfwe khona. Kute lengiwone ngako emaJuda, njengobe nawe ukwati nje loko.

KubaseRoma 15:26

Ngobe kwaba kuhle kubaseMasedoniya nebase-Akhaya kutsi banikelele labangcwele labamphofu baseJerusalema.

KubaseRoma 16:5

Hambisani nalelo bandla lelihlanganela endlini yabo. Hambisani Ephayinethosi wami lotsandzekako lowaba yindvodza yekucala leyakholwa kuKhristu eveni lase-Asiya.

1 kubaseKorinthe 16:15

Bazalwane, niyati kutsi bakaStefanasi baba bekucala kubase-Akhaya labaphendvuka nekutsi batimisela kukhonta labangcwele.

2 kubaseKorinthe 1:1

Lencwadzi iphuma kuPawula, umphostoli waKhristu Jesu ngekwentsandvo yaNkulunkulu, nakuThimothi, umzalwane. Iya ebandleni laNkulunkulu leliseKhorinte, nakubo bonkhe labangcwele labakulo lonkhe lase-Akhaya.

2 kubaseKorinthe 11:10

Njengobe liciniso laKhristu likimi, kute loyawungibindzisa kulokutigabatisa kwami etifundzeni tase-Akhaya.

2 kubaseKorinthe 11:26

Eluhambeni lwami ngabasetingotini temifula, nasetingotini tetigelekece, nasetingotini kubantfu bakitsi, nasetingotini kubetive, nasetingotini tasemadolobheni, nasetingotini temaphandleni, nasetingotini telwandle, nasetingotini kubazalwanembumbulu.

2 kubaseKorinthe 9:2

Ngiyati kutsi nitimisele kangakanani kusita. Ngiko loko lengiyaye ngitigcabhe ngako kubaseMasedoniya, ngibatjela kutsi base-Akhaya bese bavele bakulungele kunikela khona nyakenye. Inshisekelo yenu ibavusele umdlandla labanyenti.

1 kubaseThesalonika 2:14

Bazalwane, nani naba balingisi bemabandla aNkulunkulu aseJudiya lakuKhristu Jesu; ngobe nani nehlelwa kuhlupheka kunye ngekuhlushwa bantfu bakini, njengobe nebantfu balawo mabandla bahlushwa ngemaJuda.

1 kubaseThesalonika 2:16

Adzimate asivimbela nekutsi sishumayele insindziso kubetive. Ngaloko-ke imihla nemalanga atengetela tono. Kodvwa ekugcineni lulaka lwaNkulunkulu seluze lwabehlela.

YaJakobe 2:6

Kepha nine nimdvumatile lona lophuyile. Akusibo labacebile yini labanicindzetelako? Akusibo yini labo labanimangalela etinkantolo?