Imisebenti yebaPhostoli 17:23 - Siswati 1996 Bible

²³ Ngobe ngitsite ngisahambahamba kulelidolobha lenu ngibuka letindzawo lenikhontela kuto, ngakhandza nelilati lelibhalwe kutsi: ‘KUNKULUNKULU LONGATIWA.’ “Ngako-ke loko lenikukhonta ningakwati, ngiko-ke loku lengikushumayela kini.

Imisebenti yebaPhostoli 17:23 Referencias Cruzadas

Tihlabelelo 147:20

Kute sive lake wenta njalo kuso, kute sive lesake sati timiso takhe. Haleluya, dvumisani Simakadze.

Tihlabelelo 50:21

Loko ukwentile, kodvwa mine ngathula; wenta shangatsi mine ngifanana nawe. Kodvwa sengitakwekhuta, ngitawubeka licala emehlweni akho ubuka.

Isaya 45:4

Ngenca yaJakobe, inceku yami, Israyeli lokhetsiwe wami, ngikubita ngelibito lakho ngikunika libito leludvumo, noko wena awungemukeli.

Matewu 15:9

‘Bangikhonta ngelite, ngobe bafundzisa imitsetfo leshaywe bantfu bente shangatsi iphuma kimi.’ ”

Johane 17:25

Babe lolungile, live alikwati wena, kodvwa mine ngiyakwati; nalaba bayati kutsi ngitfunywe nguwe.

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

Johane 4:22

Nine maSamariya nikhonta leningakwati, tsine maJuda sikhonta lesikwatiko, ngobe insindziso ivela kumaJuda.

Johane 8:54

Jesu wabaphendvula watsi: “Nangitidvumisa mine, ludvumo lwami lulite. NguBabe longidvumisako, lona lenitsi nani unguNkulunkulu wenu.

Imisebenti yebaPhostoli 17:30

“Nkulunkulu watitsalalisela tikhatsi tekungati kwebantfu, kepha-ke manje sewuyala bantfu bonkhe etindzaweni tonkhe kutsi baphendvuke,

KubaseRoma 1:28

Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

1 kubaseKorinthe 1:21

Ngobe phela ekuhlakanipheni kwaNkulunkulu live alizange limati Nkulunkulu ngekuhlakanipha kwalo. Kwaba kuhle kuye kusindzisa labakholwako ngenshumayelo lebulima.

1 kubaseKorinthe 8:5

Ngobe nome kukhona lokutsiwa kubonkulunkulu, nome kusezulwini, nome kusemhlabeni, njengobe bakhona bonkulunkulu labanyenti, nemakhosi lamanyenti,

Kubase-Efesu 2:12

Nikhumbule nekutsi ngaleto tikhatsi benehlukanisiwe naKhristu, ningephandle kwembuso waka-Israyeli, nitihambi letite sabelo etivumelwaneni tesetsembiso, nite litsemba, nite naNkulunkulu emhlabeni.

2 kubaseThesalonika 2:4

Lowo uyakuhlala aphika atiphakamise ngetulu kwako konkhe lokubitwa ngaNkulunkulu nome lokukhontwako, kuze atewuhlala endzaweni lengcwele yaNkulunkulu, atigabatise yena ngekutsi unguNkulunkulu.

1 kuThimothi 1:17

Kuyo iNkhosi yetikhatsi, lengabhubhi, nalengabonwa ngemehlo enyama, nalekungiyo yodvwa lenguNkulunkulu, akube ludvumo nebukhosi phakadze naphakadze. Amen.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.