Imisebenti yebaPhostoli 16:25 - Siswati 1996 Bible

²⁵ Kwatsi ekhatsi nebusuku boPawula naSilasi bathandaza bahlabela tingoma tekudvumisa Nkulunkulu, tiboshwa letinye tatibalalele.

Imisebenti yebaPhostoli 16:25 Referencias Cruzadas

Jobe 35:10

Kodvwa kute lotsi: ‘Uphi Nkulunkulu, uMdali wami, lowephana ngetingoma ebusuku,

Tihlabelelo 119:55

Ebusuku ngikhumbula libito lakho, Simakadze, ngizindle ngemtsetfo wakho.

Tihlabelelo 119:62

Ekhatsi nebusuku ngiyavuka ngikubonge, ngobe imitsetfo yakho ilungile.

Tihlabelelo 22:2

Awu, Nkulunkulu wami! Emini ngiyakhala, kodvwa awungiphendvuli; nasebusuku ngikhale, ngingaphumuli.

Tihlabelelo 34:1

Simakadze ngiyawumbonga ngato tonkhe tikhatsi, ngimdvumise ngemlomo wami ngingakhawuli.

Tihlabelelo 42:8

Shangatsi Simakadze angakhombisa umusa wakhe kimi emini, kuze kutsi ebusuku ngihlabele ngimdvumise, ngikhuleke kuNkulunkulu wekuphila kwami.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 71:7

Kulabanyenti ngajika ngaba simanga, kepha wena usiphephelo sami lesicinile.

Tihlabelelo 77:2

Nangiselusizini ngifuna Simakadze, nasebusuku ngiphakamisa tandla tami, ngikhuleke ngingadzinwa, umphefumulo wami wale kudvudvuteka.

Tihlabelelo 77:6

Ngikhumbula kushaya ihabhu yami, ngizindle ngayo enhlitiyweni yami ebusuku, umoya wami ucabangisisa ubute utsi:

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Isaya 30:29

Niyawuhlabela njengalobo busuku lenenta ngabo lidzili lelingcwele, tinhlitiyo tenu tiyawujabula njengesikhatsi bantfu bakhuphuka ngemintjingo, bakhuphukela eNtsabeni yaSimakadze, eDvwaleni lema-Israyeli.

Zakhariya 3:8

“ ‘Lalela, wena mPhristi Lomkhulu Jeshuwa, kanye nalabo bangani bakho labahleti embikwakho, labangemadvodza lasibonakaliso setintfo letitako: Ngitawuletsa inceku yami, Ligala.

Lukha 22:44

Inhlitiyo yakhe yayilusizi; wathandaza ngekuciniseka lokukhulu, titfukutfuku takhe taze taba njengematfonsi engati, atfontsela phansi.

Imisebenti yebaPhostoli 15:22

Baphostoli nebabonisi, kanye nelibandla lonkhe, bancuma kukhetsa lamanye emadvodza emkhatsini wabo kutsi bawatfumele e-Antiyokhi naboPawula naBhanabasi. Bakhetsa Judasi lokutsiwa nguBhasabasi, naSilasi, lekwakungemadvodza lahloniphekile emkhatsini webazalwane.

Imisebenti yebaPhostoli 16:19

Kodvwa baniyo bakhe sebabonile kutsi litsemba labo lekutfola imali seliphelile, bababamba boPawula naSilasi babahudvulela enkantolo embikweticumbi tebantfu nebabusi.

Imisebenti yebaPhostoli 16:33

Ngasona leso sikhatsi ebusuku wabatsatsa wayawubageza emanceba abo, wase uyabhajatiswa khonapho yena nebendlu yakhe bonkhe.

Imisebenti yebaPhostoli 5:41

Baphostoli balishiya Liqoqo, batfokota kakhulu ngekwetfwala lihlazo ngenca yelibito laJesu.

KubaseRoma 12:12

Tfokotani etsembeni, nibeketele elusizini, nicinisele njalo emthandazweni.

KubaseRoma 5:3

Ngetulu kwaloko siyabonga nasetinhluphekweni tetfu, ngobe siyati kutsi tinhlupheko tiveta kubeketela.

2 kubaseKorinthe 6:10

Siviswa buhlungu, kodvwa sitfokota njalonjalo. Siphuyile, kodvwa banyenti lesibanjingisako. Asinalutfo, kodvwa sinako konkhe.

Kubase-Efesu 5:19

Niphendvulane ngemahubo, nangemaculo, nangetingoma takaMoya; nihlabele nidvumise iNkhosi ngenhlitiyo yenu yonkhe.

KubaseFiliphi 2:17

Kukholwa kwenu kungumhlatjelo wenu lonikelwa kuNkulunkulu. Nome ingati yami beyingengetwa kuwo lomhlatjelo, mine bengingajabula, sijabule kanye nani nonkhe.

KubaseKholose 1:24

Namanje ngijabulela kuhlushwa kwami ngenca yenu, emtimbeni wami ngiphelelisela loko lokwasilela elusizini lwaJesu Khristu, ngenca yemtimba wakhe lolibandla.

KumaHebheru 5:7

Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.

YaJakobe 1:2

Bazalwane bami, nanehlelwa tinhlobonhlobo tetilingo, nibokutsatsa ngekutsi yinjabulo yodvwa,

YaJakobe 5:13

Ukhona yini lohluphekako emkhatsini wenu? Akathandaze. Ukhona yini lojabulile? Akadvumise ngekuhlabela.

1 yaPhetro 4:14

Nibusisiwe nanetfukwa ngenca yelibito laKhristu, ngobe loko kukhombisa kutsi Moya webukhosi, lowaNkulunkulu, unifukamele.