Imisebenti yebaPhostoli 16:1 - Siswati 1996 Bible

¹ BoPawula bahamba behlela eDebe naseListra, lapho bekukhona likholwa lelitsite, libito lalo kunguThimothi, indvodzana yemfati labengumJuda lokholwako, kodvwa uyise abengumGriki.

Imisebenti yebaPhostoli 16:1 Referencias Cruzadas

Ezra 9:2

Batsetse lamanye emadvodzakati ato bawenta bafati babo, baze batsatsela nemadvodzana abo bafati kuto, bahlanganisa sive lesingcwele kanye netive letakhelene naso. Labaholi netindvuna bavele baba bekucala ekuphileni imphilo yekungetsembeki.”

Imisebenti yebaPhostoli 14:1

Kwabuye kwenteka lokufanako nase-Ikhoniyumi boPawula naBhanabasi bangena esinagogeni lemaJuda bakhuluma ngendlela leyenta kutsi linyenti lemaJuda nemaGriki likholwe.

Imisebenti yebaPhostoli 14:21

BoPawula naBhanabasi bashumayela liVangeli eDebe, batfola balandzeli labanyenti. Base babuyela emuva eListra, nase-Ikhoniyumi, nase-Antiyokhi lesePhisidiya.

Imisebenti yebaPhostoli 14:6

baphostoli nabakuva loko, babalekela eListra naseDebe, emadolobha lamakhulu aseLikhawoniya, naseveni lelakhelene nawo.

Imisebenti yebaPhostoli 17:14

Masinyane bazalwane babalekisa Pawula bamyisa elusentseni lwelwandle, kodvwa boSilasi naThimothi basala eBheriya.

Imisebenti yebaPhostoli 18:5

Kwatsi kube kufike Silasi naThimothi baphuma eMasedoniya, Pawula wase utinikela ngalokuphelele ekushumayeleni nasekufakazeni kumaJuda kutsi Jesu unguKhristu.

Imisebenti yebaPhostoli 19:22

Asatfumele boThimothi na-Erastusi, lababebasiti bakhe, eMasedoniya, wase uyahlalahlala eveni lase-Asiya.

KubaseRoma 16:21

Thimothi, losebenta kanye nami, uyanihambisa, kanye naLukhiyosi, naJasoni, naSosipateri, tihlobo tami.

1 kubaseKorinthe 16:10

Nakufika Thimothi lapho kini, nibocaphelisisa kutsi nimemukele, ativele asekhaya, ngobe wenta msebenti munye nami, umsebenti weNkhosi.

1 kubaseKorinthe 4:17

Ngaloko-ke sengitfumele kini Thimothi, longumntfwanami lengimtsandzako nalowetsembekile eNkhosini. Nguye-ke lotanikhumbuta ngekuhamba kwami lokukuKhristu Jesu, njengobe ngifundzisa etindzaweni tonkhe nasemabandleni onkhe.

1 kubaseKorinthe 7:14

Ngobe indvodza lengakholwa ingcwelisiwe ngemfati wayo, nemfati longakholwa ungcwelisiwe ngendvodza yakhe lengumKhristu. Kube bekungenjalo ngabe bantfwabenu bangcolile, kepha njengamanje bangcwele.

2 kubaseKorinthe 1:1

Lencwadzi iphuma kuPawula, umphostoli waKhristu Jesu ngekwentsandvo yaNkulunkulu, nakuThimothi, umzalwane. Iya ebandleni laNkulunkulu leliseKhorinte, nakubo bonkhe labangcwele labakulo lonkhe lase-Akhaya.

2 kubaseKorinthe 1:19

INdvodzana yaNkulunkulu lenguKhristu Jesu leyashunyayelwa ngitsi kini, mine nginaboSilasi, naThimothi, beyingesiye “Yebo” na “Cha”; kepha yona ingu “Yebo”.

KubaseFiliphi 1:1

Lencwadzi iphuma kuboPawula naThimothi, tinceku taKhristu Jesu. Iya kubo bonkhe labangcwele baseFiliphi, labakuJesu Khristu, nakubabonisi nebadikhoni:

KubaseFiliphi 2:19

Kepha ngiyetsemba eNkhosini Jesu kutsi ngitawutfumela Thimothi kini masinyane, kuze nami ngitewujabula nasengive tindzaba tenu letimnandzi.

KubaseKholose 1:1

Lencwadzi iphuma kuPawula, umphostoli waKhristu Jesu ngekwentsandvo yaNkulunkulu, nakuThimothi, umzalwane wakhe.

1 kubaseThesalonika 1:1

Lencwadzi iphuma kuboPawula, naSilasi, naThimothi; iya kubaseThesalonika labalibandla laNkulunkulu, longuBabe, neleNkhosi Jesu Khristu. Umusa nekuthula akube kini.

1 kubaseThesalonika 3:2

sase sinitfumelela Thimothi, umzalwane wetfu, lesibambisene naye emsebentini waNkulunkulu wekushumayela liVangeli laKhristu. Samtfumela kutsi atenicinisa anikhutsate ekukholweni kwenu,

1 kubaseThesalonika 3:6

Kodvwa nyalo, Thimothi sewubuyile kitsi wasiletsela netindzaba letimnandzi ngekukholwa nangelutsandvo lwenu. Usitjele nekutsi ngaso sonkhe sikhatsi ninenkhumbulo lenhle ngatsi, nekutsi nani nifisa kusibona, njengobe natsi sifisa kunibona.

2 kubaseThesalonika 1:1

Lencwadzi iphuma kuboPawula, naSilasi, naThimothi; iya kubaseThesalonika labalibandla laNkulunkulu, longuBabe wetfu, neleNkhosi Jesu Khristu.

1 kuThimothi 1:18

Thimothi, ndvodzana yami, ngikwetfwesa lomtfwalo ngikhumbula tiphrofetho letaticondziswe kuwe, ngitsi: Lwani ngato kulwa lokuhle

1 kuThimothi 1:2

Iya kuThimothi, umntfwanami sibili ekukholweni. Umusa, nebubele, nekuthula lokuvela kuNkulunkulu, longuBabe, nakuKhristu Jesu iNkhosi yetfu, akube nawe.

2 kuThimothi 1:2

Iya kuThimothi, umntfwanami lotsandzekako. Akube kuwe umusa, nebubele, nekuthula lokuvela kuNkulunkulu, longuBabe, nakuKhristu Jesu iNkhosi yetfu.

2 kuThimothi 1:5

Ngikhunjutwa kukholwa kwakho lokute kutentisa. Ngiko kona loko kukholwa lokwacala kutfolakala kugogo wakho Lowisi nakunyoko Yunisi, ngineliciniso kutsi nakuwe kukhona.

2 kuThimothi 3:11

nasekutingelweni, nasekuhluphekeni lokwangehlela e-Antiyokhi, nase-Ikhoniyumi, naseListra; ngacinisela kuko konkhe lokutingelwa, futsi iNkhosi yangikhulula kuko konkhe.

kuFilemoni 1:1

Lencwadzi iphuma kuPawula, siboshwa ngenca yaKhristu Jesu, nakuThimothi, umzalwane wakhe. Iya kuFilemoni lotsandzekako nalosisebenti kanye natsi,

KumaHebheru 13:23

Kufanele nati kutsi Thimothi, umzalwane, sewukhululiwe ejele. Nasheshe wefika, ngitawufika naye lapho kini.