Imisebenti yebaPhostoli 15:4 - Siswati 1996 Bible

⁴ Kwatsi nabefika eJerusalema, bemukelwa libandla, nebaphostoli, nebabonisi, babatjela ngako konkhe Nkulunkulu lakusebente ngabo.

Imisebenti yebaPhostoli 15:4 Referencias Cruzadas

Matewu 10:40

“Lonemukelako nine, wemukela mine; nalowemukela mine, wemukela longitfumile.

Imisebenti yebaPhostoli 11:30

Bakwenta loko batfumela imali kubabonisi belibandla ngaboBhanabasi naSawula.

Imisebenti yebaPhostoli 14:27

Lapho sebefike e-Antiyokhi babutsela bantfu belibandla ndzawonye babatjela konkhe Nkulunkulu labekusebentile ngabo, nekutsi nebetive ubavulele indlela yekukholwa.

Imisebenti yebaPhostoli 15:12

Sicumbi sonkhe sasibindzile silalele boBhanabasi naPawula basasilandzisa ngato tonkhe tibonakaliso netimangaliso Nkulunkulu labetente ngabo kubantfu betive.

Imisebenti yebaPhostoli 15:2

BoPawula naBhanabasi baphikisana nabo kuloko, ngako-ke kwase kuncunywa kutsi Pawula naBhanabasi nalabanye base-Antiyokhi kufanele bahambe baye eJerusalema bayewubonana nebaphostoli nebabonisi ngaleyo ndzaba.

Imisebenti yebaPhostoli 15:22

Baphostoli nebabonisi, kanye nelibandla lonkhe, bancuma kukhetsa lamanye emadvodza emkhatsini wabo kutsi bawatfumele e-Antiyokhi naboPawula naBhanabasi. Bakhetsa Judasi lokutsiwa nguBhasabasi, naSilasi, lekwakungemadvodza lahloniphekile emkhatsini webazalwane.

Imisebenti yebaPhostoli 15:3

Endleleni yabo batfunywe libandla, basadzabula eFenisiya naseSamariya babika kutsi betive baphendvukela kanjani kuNkulunkulu; letindzaba taletsa kujabula lokukhulu kubazalwane bonkhe.

Imisebenti yebaPhostoli 15:6

Baphostoli nebabonisi bahlangana ndzawonye kumungunya lendzaba.

Imisebenti yebaPhostoli 16:4

Basahamba badzabula emadolobheni batjela emakholwa tincumo letemiswa baphostoli nebabonisi lababeseJerusalema kutsi batigcine.

Imisebenti yebaPhostoli 18:27

Kwatsi nasafuna kwewelela eGrisi, bazalwane bamkhutsata, base babhalela bazalwane kutsi babomemukela. Watsi kube efike, waba lusito lolukhulu kulabo bese bakholiwe ngemusa waNkulunkulu;

Imisebenti yebaPhostoli 21:17

Nasifika eJerusalema, bazalwane basemukela ngenjabulo.

Imisebenti yebaPhostoli 21:19

Pawula wababingelela wase ubanika umbiko lophelele mayelana nemsebenti lowentiwe nguNkulunkulu kubantfu betive ngaye.

KubaseRoma 15:18

Ngobe ngiyawubate sibindzi sekukhuluma lutfo lolunye ngaphandle kwaleto tintfo Khristu latente ngami. Khristu wasebenta ngemavi ami nangetento tami, kuze betive bamlalele;

KubaseRoma 15:7

Ngako-ke yemukelanani, njengobe naKhristu anemukela, khona kutewudvunyiswa Nkulunkulu.

1 kubaseKorinthe 15:10

Kepha ngemusa waNkulunkulu nginguloku lengingiko, nemusa wakhe kimi awuzange ube lite, kodvwa ngasebenta kakhulu kunabo bonkhe, noko kungesimi, kodvwa kungumusa waNkulunkulu lonami.

2 kubaseKorinthe 5:19

loku kusho naku: Nkulunkulu ubuyisene nelive ngaKhristu. Bantfu akababambeli emagcubu ngetono tabo, kodvwa usiphatsise livi lekubuyisana.

2 kubaseKorinthe 6:1

Njengobe sibambisene naNkulunkulu emsebentini wakhe, siyanincenga sitsi: Yemukelani umusa waNkulunkulu, ningawenti lite.

KubaseKholose 4:10

Uyanihambisa Aristakhusi losiboshwa kanye nami, naMakho, umzala waBhanabasi, lenatjelwa ngaye, nakefika lapho kini nibomemukela.

2 yaJohane 1:10

Nakufika umuntfu longeti nalemfundziso, ningabomemukela emakhaya enu, futsi ningambingeleli nekumbingelela,