Imisebenti yebaPhostoli 15:20 - Siswati 1996 Bible

²⁰ kuphela nje asibabhalele incwadzi sibatjele kutsi bangakudli kudla lokungcoliswe ngekunikelwa etithicweni, babalekele bugwadla, bangadli lokucumbelene, bangayidli nengati.

Imisebenti yebaPhostoli 15:20 Referencias Cruzadas

Genesisi 35:2

Ngako-ke Jakobe wakhuluma emndenini wakhe nakubo bonkhe lababekakhe, watsi: “Lahlani tonkhe tithico tebetive leninato, nitihlambulule, nembatse tingubo letihlobile.

Genesisi 9:4

Intfo nje, ningayidli inyama lesenengati; loko ngikusho ngobe kuphila kusengatini.

Eksodusi 20:23

Ningatenteli tithico tesiliva nome tegolide ningibhice nato, bese nikhonta tona njengobe nikhonta mine.

Hezekeli 33:25

“Ngako-ke khuluma kubo, utsi: ‘Naku lokushiwo yiNkhosi Simakadze, itsi: Njengobe senidla inyama lenengati, nibuke tithico tenu, nicitse ingati, kufanele yini kutsi lelive libe lenu?

Hezekeli 4:14

Mine ngaphendvula ngatsi: “Cha, Nkhosi Simakadze! Mine angizange sengitingcolise. Kusukela kwasebusheni bami kuze kube ngunyalo angizange sengiyidle ingcuba nome inyama yesilwane lesibulewe tilwane tesiganga. Akuzange sekungene nyama lengcolile ngekwemtsetfo kulomlomo wami.”

Danyela 1:8

Kodvwa Danyela watincumela enhlitiyweni yakhe kutsi yena angeke atingcolise ngalokudla kwenkhosi kanye nangaleliwayini lakhona; wacela imvume endvuneni lenkhulu kutsi yena angatingcolisi ngalendlela.

Levithikusi 18:6

“ ‘Ungalali nesinini sakho. NginguSimakadze.

Levithikusi 19:26

“ ‘Ningayidli inyama lesenengati kuyo, ningabi tangoma nome labenta imilingo.

Levithikusi 3:17

Lona kutawuba ngumtsetfo wetitukulwane ngetitukulwane tenu, nome ngukuphi lapho niyawuhlala khona: kubete lodla emanoni nengati.”

Numeri 25:2

Laba labasikati bawamema lamadvodza kutsi ete atekwenta umhlatjelo kubonkulunkulu babo. Lamadvodza adla, akhotsama, akhonta labonkulunkulu bemaMowabi.

Imisebenti yebaPhostoli 15:29

Ningakudli kudla lokungcoliswe ngekunikelwa etithicweni, ningayidli ingati, ningadli lokucumbelene; nibalekele bugwadla. Niyawube nente kahle naniyigcinile lemiyalo. Salani kahle.”

Imisebenti yebaPhostoli 21:25

Kepha-ke mayelana nebetive labakholwako sibatfumelele incwadzi, sabatjela kutsi bangakudli kudla lokwentelwe tithico, nengati, nesilwane lesitifele, nekutsi babalekele bugwadla.”

1 kubaseKorinthe 5:11

Kepha manje nginibhalele ngatsi ningahlanganyeli nemuntfu lekutsiwa ungumzalwane kantsi uyingwadla, nome siphingi, nome ngulobukhali, nome ngulokhonta tithico, nome ngulowetfukanako, nome sidzakwa, nome sigebengu; ningete nadla ngisho nekudla nemuntfu lonjalo.

1 kubaseKorinthe 6:13

Labanye batsi: “Kudla kwentelwe sisu, nesisu sentelwe kudla,” kodvwa Nkulunkulu uyawukubhubhisa kokubili. Umtimba awukentelwa bugwadla, nekujuma, nebuphingi, ngobe umtimba weNkhosi, neNkhosi yemtimba.

1 kubaseKorinthe 6:18

Balekelani bugwadla nebuphingi. Tonkhe tono latentako umuntfu tingephandle kwemtimba wakhe; kodvwa logwadlako nome lophingako wona umtimba wakhe.

1 kubaseKorinthe 6:9

Anati yini kutsi labangakalungi abayikulidla lifa lembuso waNkulunkulu? Ningayengeki: Tingwadla, nalabakhonta tithico, netiphingi, nalabadvuna labalalanako,

1 kubaseKorinthe 7:2

Kodvwa-ke ngenca yebuphingi, akube nguleyo naleyo ndvodza ibe newayo umfati, nalowo mfati abe neyakhe indvodza.

1 kubaseKorinthe 8:1

Mayelana nalokuhlatjelwe tithico siyabona sonkhe, njengaloku nisho nitsi: “Sonkhe sinalo lwati.” Kwati kuyakhukhumeta, kantsi lutsandvo luyakha.

2 kubaseKorinthe 12:21

Ngesaba kutsi nangiphindze ngita lapho futsi, shangatsi Nkulunkulu wami angangitfobisa embikwenu, kutsi ngililele labo labonile labangakaphendvuki ekungcoleni, nasebugwadleni, nasebuphingini, nasenkhanukweni labayentile.

KubaseGalathiya 5:19

Phela imisebenti yenyama isebaleni, ngulena: bugwadla, nebuphingi, nekungcola, nemanyala,

Kubase-Efesu 5:3

Kepha bugwadla nebuphingi, nako konkhe kungcola, nome kungeneliswa, kungaphatfwa ngisho nangeligama emkhatsini wenu, njengobe labangcwele bafanele kwenta.

Dutheronomi 12:16

Kodvwa kufanele ningayidli ingati; niyakuyicitsela phansi emhlabatsini njengemanti.

Dutheronomi 14:21

“Ningacali nidle lutfo lenilukhandze lutifele. Loko ningakupha umuntfu wetive lohlala kunome ngukuliphi lalamadolobha enu; yena-ke angakudla nome nine nikutsengisele lomunye wetive. Kodvwa nine nisive lesingcwele kuSimakadze Nkulunkulu wenu. “Ningalipheki lizinyane lembuti elubisini lwenina.”

Dutheronomi 15:23

Kodvwa ungaboyidla ingati; uboyicitsa phansi emhlabatsini njengemanti.”

KubaseKholose 3:5

Ngaloko-ke bulalani tonkhe tinkhanuko tenu talapha emhlabeni: bugwadla, nebuphingi, nekungcola, nekuhungeka, nekukhanuka lokubi, nebukhali lobukukhonta tithico.

1 kubaseThesalonika 4:3

Kuyintsandvo yaNkulunkulu kungcweliswa kwenu, bubalekeleni bugwadla nebuphingi.

KumaHebheru 12:16

Akubete logwadlako, nome lophingako, nome lonaka live njenga-Esawu, lowatsenga kudla ngemalungelo akhe onkhe ebutubulo.

KumaHebheru 13:4

Umshado awuhlonishwe ngibo bonkhe; labatsetsene kufanele betsembeke lomunye kulomunye. Nkulunkulu uyawubehlulela bonkhe labagwadlako nalabaphingako.

1 yaPhetro 4:3

Ngobe lesikhatsi lesendlulile besenele kutsi nente lokutsandvwa ngemahedeni ngekuphila ngemanyala, nangetinkhanuko, nangekudzakwa, nangekumita, nangemsindvo, nangekukhonta tithico lokungakavumeleki.

Sembulo 10:2

Yayiphetse incwajana levulekile esandleni sayo. Ngelunyawo lwayo lwangesekudla yema etikwelwandle, ngelwangesancele yema etikwemhlabatsi.

Sembulo 10:8

Ngaphindza ngaliva livi liphuma ezulwini likhuluma kimi litsi: “Hamba uyewutsatsa lencwajana levulekile lesesandleni sengilosi leme etikwelwandle nasetikwemhlabatsi.”

Sembulo 2:14

Kodvwa tsine nawe sehlukana la ekutseni kusenebantfu labanemfundziso yaBhalamu emkhatsini wenu. Phela Bhalamu wafundzisa Bhalaki kutsi abekele baka-Israyeli lugibe, ngekubadlisa kudla lokunikelwe etithicweni, wabafundzisa kuphinga nebugwadla.

Sembulo 2:20

Kodvwa tsine nawe sehlukana la ekutseni wena uyamvumela lomfati longuJezebeli, lotibita ngekutsi ungumphrofethikati, edukise tinceku tami ngekutifundzisa buphingi, nebugwadla, nekudla kudla lokuhlatjelwe tithico.

Sembulo 9:20

Kepha bantfu lababesele bangete bafa kuletinhlupho, abazange baphendvuke emisebentini yetandla tabo. Kodvwa bachubeka bakhonta emadimoni netithico tegolide, netesiliva, netelitfusi, netelitje, netemitsi: tintfo letingaboni, naletingeva, naletingahambi.

1 Samuweli 14:32

Ema-Israyeli advumela imphango atfumba timvu, netinkhomo nematfole, akuhlaba khona lapho phansi, akudla kanye nengati yako.

1 Samuweli 14:33

Kwabikwa kuSawula, kwatsiwa: “Ase ubuke, lamadvodza enta sono embikwaSimakadze ngekudla inyama lenengati.” Sawula wakhala, watsi: “Ningemambuka! Gicitelani litje lelikhulu lapha kimi.”