Imisebenti yebaPhostoli 14:14 - Siswati 1996 Bible

¹⁴ Lapho boBhanabasi naPawula beva loko bese batakwenta, badzabula tingubo tabo bagijima bacondza emkhatsini wesicumbi, bamemeta batsi:

Imisebenti yebaPhostoli 14:14 Referencias Cruzadas

2 Emakhosi 18:37

Bo-Eliyakimu, umsa waHilkiya, labeyindvuna yesigodlo, naShebna labengumabhalane, kanye naJowa, umsa wa-Asafa, labengulobhalisako, bahamba bayawubikela Hezekiya, sebadzabule tingubo tabo, bafike bamtjela konkhe lokwakushiwo yindvuna lenkhulu yemphi yase-Asiriya.

2 Emakhosi 5:7

Yatsi kube inkhosi yaka-Israyeli iyifundze lencwadzi, yaklebhula tingubo tayo, yatsi: “Mine nginguNkulunkulu yini? Nginawo yini emandla ekubulala nekuphilisa? Lomuntfu uyitfumeleleni lapha kimi lenceku yakhe kutsi ngitekuyiphilisa kulobulephelo bayo? Niyabona-ke kutsi ufuna kususa imphi alwe nami!”

Jeremiya 36:24

Inkhosi kanye nabo bonkhe lababeyisingatsile, labaweva onkhe lawo mavi, abazange sebakhombise nalokuncane nje kwesaba, futsi abatihluphanga ngekudzabula tingubo tabo ngekutisola.

Numeri 14:6

Joshuwa, umsa waNuni, naKhalebi, umsa waJefune, lababehambe nalamadvodza labeyewuhlola lelive, badzabula timphahla tabo,

Matewu 26:65

Nasasho loku, umPhristi Lomkhulu wadzabula tingubo takhe watsi: “Vele, sewuhlambalatile; asisabudzingi lobunye bufakazi, seniyivile inkhulumo yakhe lehlambalatako!

Makho 14:63

UmPhristi Lomkhulu wadzabula imijiva yakhe, atsi: “Sisabufunelani lobunye bufakazi?

Imisebenti yebaPhostoli 14:4

Bantfu belidolobha behlukana ekhatsi, labanye baba ngakumaJuda, labanye baba ngakubaphostoli.

1 kubaseKorinthe 9:1

Angikakhululeki yini? Angisiye yini umphostoli? Angimbonanga yini Jesu iNkhosi yetfu? Nine anisiwo yini umsebenti wami eNkhosini?