Imisebenti yebaPhostoli 13:5 - Siswati 1996 Bible

⁵ Lapho befika eSalamisi, bashumayela livi leNkhosi emasinagogeni emaJuda. BabenaJohane labebalekelela emsebentini.

Imisebenti yebaPhostoli 13:5 Referencias Cruzadas

1 Emakhosi 19:21

Ngako Elisha wamshiya, wancandzeka. Watsatsa letinkhabi letimbili watihlaba. Watsatsa lelijoko lekubophela walibasa, wapheka ngalo lenyama, wapha bantfu, badla. Wabe sewuyaphuma ulandzela Elija, waba ngumsiti wakhe.

1 Emakhosi 19:3

Elija wesaba wabalekela kusindzisa imphilo yakhe. Watsi kube efike eBherisheba kulakaJuda, wayishiya lapho inceku yakhe,

2 Emakhosi 3:11

Kodvwa Jehoshafati wabuta, watsi: “Kute yini lapha umphrofethi waSimakadze, kuze siyewubuta ngaye kuSimakadze?” Indvuna yenkhosi yaka-Israyeli yaphendvula, yatsi: “Elisha, umsa waShafati, ulapha. Abevamise kutsela emanti etandleni ta-Elija.”

Eksodusi 24:13

Mosi kanye nemsiti wakhe labenguJoshuwa batilungiselela; benyuka baya eNtsabeni yaNkulunkulu.

Matewu 20:26

Akunjalo-ke lapha kini, kodvwa wonkhe umuntfu lofuna kuba mkhulu emkhatsini wenu, akabe sikhonti senu,

Imisebenti yebaPhostoli 12:12

Watsi nabona loko, wahamba waya ekhaya laMariya, unina waJohane Makho. Bantfu labanyenti bebabutsene lapho bathandaza.

Imisebenti yebaPhostoli 12:25

Bhanabasi naSawula bacedza umsebenti wabo babuyela eJerusalema, bahamba kanye naJohane Makho.

Imisebenti yebaPhostoli 13:14

Bahamba besuka ePhega befika e-Antiyokhi yasePhisidiya. Ngelilanga leliSabatha bangena esinagogeni bahlala phansi.

Imisebenti yebaPhostoli 13:46

Kepha boPawula naBhanabasi bakhuluma ngesibindzi batsi: “Bekufanele kutsi livi leNkhosi likhulunywe kini kucala. Kepha njengobe ningalifuni, ningaticabangeli nine kutsi nifanelwe kuphila kwaphakadze, bhekani-ke sesiyanishiya siya kubetive.

Imisebenti yebaPhostoli 14:1

Kwabuye kwenteka lokufanako nase-Ikhoniyumi boPawula naBhanabasi bangena esinagogeni lemaJuda bakhuluma ngendlela leyenta kutsi linyenti lemaJuda nemaGriki likholwe.

Imisebenti yebaPhostoli 15:37

Bhanabasi wafuna kutsi batsatse Johane Makho ahambe nabo,

Imisebenti yebaPhostoli 17:17

Ngako waphikisana nemaJuda nebetive labakholwako esinagogeni, kantsi futsi abephindze akhulume onkhe emalanga etinkhundleni, aphikisana nalabo lekwakwenteka babelapho.

Imisebenti yebaPhostoli 18:4

Bekavamise kutsi njalo ngemaSabatha aye esinagogeni aphendvulane nemaJuda nemaGriki etama kuwazuza.

Imisebenti yebaPhostoli 19:22

Asatfumele boThimothi na-Erastusi, lababebasiti bakhe, eMasedoniya, wase uyahlalahlala eveni lase-Asiya.

Imisebenti yebaPhostoli 19:29

Kwesuka lesikhulu siphitsiphitsi kulo lonkhe lidolobha. Sicuku sadvumela boGayusi na-Aristakhusi sabadvungulula sabayisa enkhundleni yemidlalo. Bona-ke babebaseMasedoniya, bahambisana naPawula.

Imisebenti yebaPhostoli 19:8

Kwaphela tinyanga letintsatfu seloku Pawula ahle aya esinagogeni abashumayela ngesibindzi ngembuso waNkulunkulu aphikisana nabo etama kubavumisa.

Imisebenti yebaPhostoli 9:20

Masinyane wacala kushumayela emasinagogeni ngaJesu atsi: “UyiNdvodzana yaNkulunkulu.”

KubaseKholose 4:10

Uyanihambisa Aristakhusi losiboshwa kanye nami, naMakho, umzala waBhanabasi, lenatjelwa ngaye, nakefika lapho kini nibomemukela.

2 kuThimothi 4:11

nguLukha kuphela lenginaye la. Ubota naMakho, ngobe ulusito kimi emsebentini.