Imisebenti yebaPhostoli 13:44 - Siswati 1996 Bible

⁴⁴ NgeliSabatha lelilandzelako cishe bonkhe bantfu edolobheni beta batewulalela livi leNkhosi.

Imisebenti yebaPhostoli 13:44 Referencias Cruzadas

Genesisi 49:10

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

Isaya 60:8

“Bobani laba labandiza etulu njengemafu, nanjengematuba aya etidlekeni tawo?

Matewu 8:34

Ngako-ke wonkhe umuntfu kulelo dolobha waphuma wayawuhlangabeta Jesu; batsi kube bambone, bamncenga batsi akesuke kulelo live labo.

Imisebenti yebaPhostoli 13:14

Bahamba besuka ePhega befika e-Antiyokhi yasePhisidiya. Ngelilanga leliSabatha bangena esinagogeni bahlala phansi.